Lucas 12:18 - O Novo Testamento na língua Kaingáng

¹⁸ “Inh pãjó kókén jé sóg ke mũ, sỹ ti jẽgja ki ũn mág han jé, kỹ sóg krẽm isũ kar vin mũ, inh jakré kanẽ kar ti,” he tóg mũ, to jykrén kỹ.

Lucas 12:18 Iomraidhean Croise

Mateus 6:26

Sẽsĩ to jykrén nĩ. Ag mỹ ẽkrãn tĩ? Vó. Ag mỹ pãjó krẽm vin tĩ? Vó. Ge ra ẽg jóg tỹ kanhkã tá nĩ ẽn tóg ag ki rĩr nĩ nĩ. Ãjag mỹ jẽsĩ kãfór tũ nỹtĩ', Topẽ mỹ'? Vó, sẽsĩ kãfór ãjag tóg nỹtĩ.

Lucas 12:17

Kỹ tóg: “inh hỹn ne han mũ ha? Sỹ krẽm inh jakré kanẽ kar nĩm jé,” he mũ.

Lucas 12:19

“Kỹ sóg jatun mỹ nĩnh mũ sir. Isũ vỹ prỹg tỹ hẽn ri ke pétẽm mũ. Kỹ sóg rãnhrãj mãn ke tũ nĩ ha. Jatun mỹ sóg jẽg nĩnh ke mũ, kron sóg nĩnh ke mũ gé, inh mỹ sér tĩn kỹ,” he tóg, to jykrén kỹ, ũn riko ti.

Lucas 12:21

“Ge tóg nĩ, ẽg tỹ ga kri nén ũ há ve sór kỹ. Ma mũnh ke tũ ẽg tóg nĩ, kanhkã ra. Ẽg tỹ kanhkã tá tũ mág nỹtĩnh ke tag hã ne há nĩ',” he tóg.

Lucas 12:24

Sẽsĩ to jykrén nĩ. Ag mỹ ẽkrãn tĩ'? Vó. Ag mỹ ag jakré kunũg tĩ'? Vó. Ag mỹ pãjó han tĩ'? Vó, ke tũ ag tóg nĩgtĩ. Ge ra Topẽ tóg ag jẽn tĩ. Jẽsĩ kãfór ãjag tóg nỹtĩ, Topẽ mỹ.

Lucas 18:4

Hã ra tóg mẽ jãvãnh nĩ. Jatun mỹ tóg nĩ nĩ, kysã tỹ hẽn ri ke ki. Kỹ fi tóg ti tá jun tỹ hẽn ri ke han mũ gé. To krónh ke tũ fi nĩ. Kỹ tóg kejẽn to jykrén mũ. “Topẽ kamẽg vãnh inh nĩgtĩ,” he tóg.“Ũ kamẽg vãnh inh nĩgtĩ gé.

Lucas 18:6

Kỹ tóg ag mỹ: “ti vĩ jẽmẽ ra,” he mũ. “Jykre pãno ti nĩ, hã ra tóg fi tỹ ti mỹ vĩ e ẽn to fi kren han sór mũ,” he tóg.

Tiago 3:15

Topẽ tỹ ẽg kanhrãn ja pijé', ẽg tỹ ũ to ẽg fe tỹ gỹm ke (ka)mẽ nĩ ti, jagnẽ kãfór han sór mũ ti, jagnẽ to jũ (ka)mẽ ti ke gé. Ẽprã vẽjykre vẽ mỹr. Japo jykre vẽ mỹr, ẽg fe jũ tag ti.

Tiago 4:13

Ãjag kã mĩ ũ tóg vẽsóg ki ag tỹ nén to jykrén mũ han sór tĩ, Topẽ ki jẽmẽ sór tũ nĩn kỹ. “Hẽn ri ke mũn sóg vaj kỹ ẽn ra tĩ mũ, ke tũ nĩ kỹ vaj ũn kỹ,” he ãjag tóg tĩ. “Ẽmã ẽn ra sóg tĩg mũ. Tá sóg prỹg pir tũg mũ. Kỹ sóg negociar henh ke mũ, sỹ riko nĩ jé,” he ãjag tóg tĩ mỹr.

Tiago 4:15

Ãjag tỹ nén ũ han ke to jykrén kỹ Topẽ mĩ ẽkrén nĩ, ũ tỹ ẽg mỹ ẽg ter ke kurã tónh ke mũ ẽn mĩ. “Sỹ nén han ke mũ mỹ ti mỹ há nĩ vỹ?“ hem nĩ.