Lucas 12:11 - O Novo Testamento na língua Kaingáng

¹¹ “Ãjag vin jé ag tóg ke mũ, pã'i ag mỹ, governador ag mỹ ke gé, ag tỹ ãjag sigse jé. Ẽg vẽnh kanhrãn jafã krẽm ag tóg ãjag ki jẽmẽ sór ke mũ, ãjag tỹ inh ki ge kỹ nỹtĩ ti, ha vem nĩ. Hã ra to krĩ kufy han tũg nĩ, ãjag tỹ ag mỹ inh kãmén ke ẽn to.

Lucas 12:11 Iomraidhean Croise

Mateus 23:34

Hã kỹ sóg ãjag mỹ, Topẽ vĩ tó tĩ pẽ ag jẽgnẽnh ke mũ, vẽnh vĩ hapẽ tó mũ ag, Topẽ vĩ rán tĩ pẽ ag, ag tỹ ãjag jyvẽn jé. Kỹ ãjag tóg ag kãgtén ke mũ gé, ha vem nĩ. Ka to ãjag tóg ag sanh ke mũ. Ag mrãnmrãn jé ãjag tóg ke mũ, ãjag tỹ vẽnh kanhrãn jafã krẽm. Ẽmã kar mĩ ãjag tóg ag nón mũnh mũ, ãjag tỹ ag vóg kónãn jé.

Mateus 6:25

“Hã kỹ sóg ãjag mỹ tó mũ. Ãjag tỹ nén ve sór mũ to krĩ kufy han tũg nĩ. “Inh hỹn ũri ne konh mũ', inh hỹn ne tunh mũ'?” he tũg nĩ. Topẽ tỹ ẽg han ja vẽ mỹr, ẽg tỹ ga kri mũ jé. Hã kỹ tóg ẽg mỹ ẽg tỹ konh ke mũ ven tĩ gé sir, ẽg kur ti ke gé.

Mateus 6:27

Topẽ tỹ ẽg kã ũ jé prẽr kỹ ẽg tóg ter ke mũ, ẽg ter sór tũ ra. Ẽg tỹ to krĩ kufy han mũ ra ẽg tóg ter ke mũ. Ẽg krĩ kufy ẽn pijé ẽg kren han mũ'.

Mateus 6:28

Kỹ kur to krĩ kufy han tũg nĩ gé. Ka fej to jykrén nĩ. Jatun mỹ tóg mog tĩ. Rãnhrãj tũ tóg nĩgtĩ, kur han tũ tóg nĩgtĩ.

Mateus 6:31

Krĩ kufy han tũg nĩ. “Inh hỹn ne konh mũ'? Inh hỹn ne kron mũ'? Inh hỹn ne tunh mũ'?“ he tũg nĩ.

Mateus 6:34

Hã kỹ ãjag tỹ vaj kỹ nén ve sór mũ to krĩ kufy han tũg nĩ. Vaj kỹ ãjag tóg venh ke mũ, kỹ ãjag tóg to jykrén ke mũ sir. Ũri ãjag tỹ nén vég mũ hã to jykrén nĩ,” he tóg, Jesus ti.

Lucas 12:22

Kỹ tóg ti mré mũ tĩ ag mỹ: “ha vé,” he mũ. “Nén ũ to jykrén kỹ krĩ kufy han tũg nĩ,” he tóg, “vẽjẽn to, ke tũ nĩ kỹ kur to. Inh hỹn ne konh mũ'? Inh hỹn ne tunh mũ'? he tũg nĩ.