Lucas 11:9 - O Novo Testamento na língua Kaingáng

⁹ “Ha mẽ, Topẽ mỹ nén kar to vĩm nĩ, kỹ tóg ãjag mỹ han mũ sir. Ãjag tỹ ti mỹ nén to vĩ mũ ẽn jãvãnh nĩ, kỹ ãjag tóg venh ke mũ sir. Ti mré vĩ kỹ ẽg tỹ ti jãnkã tỹ tórón tórón ke ri ke han nĩ, kỹ tóg ãjag mỹ ti nón ri ke han mũ, ti tỹ ãjag mỹ ãjag tỹ nén to vĩ mũ ẽn han kỹ.

Lucas 11:9 Iomraidhean Croise

Mateus 21:22

Kỹ ãjag tỹ Topẽ mỹ nén ũ to vĩn kỹ to: “han jé tóg ke mũ,” hem nĩ. Kỹ tóg ãjag mỹ han ke mũ, ha vem nĩ,” he tóg, Jesus ti.

Mateus 21:31

Kỹ ũ tỹ hẽ nỹ ti panh vĩ ki króm hỹn?“ he tóg. Kỹ ag tóg ti mỹ: “ũn sanh ti,” he mũ. Kỹ Jesus tóg “hỹ, hã vẽ,” he mũ. “Hã kỹ sóg ãjag mỹ ke mũ. Ũ tỹ governo mỹ jãnkamy mãg tĩ ũ ag vỹ Topẽ vĩ mranh, hã ra ag tóg to jykrén mãn kỹ ag jykre kórég tovãnh. Kỹ ũn mén tũ ũ fag vỹ fag jykre kórég tovãnh gé. Hã kỹ ag tóg Topẽ tỹ tỹ ẽg pã'i nĩ venh ke mũ, fag ke gé. Ti kósin sanh ri ke ag hã vẽ. Ag jãvo ãjag tóg kanhkã venh ke tũ nĩ, ãjag tỹ ón kỹ Topẽ mỹ: he, he mũ ra.

Mateus 6:29

Ge ra tóg sĩnvĩ nỹtĩ, ka fej ti, pã'i mág tỹ Salomão kur sĩnvĩ kãfór, ti tỹ ẽprã ke ag kur sĩnvĩ kãfór ja ra. Ki hã sóg tó mũ mỹr.

Marcos 11:24

“Hã kỹ sóg ãjag mỹ ke mũ. Ãjag tỹ Topẽ mỹ nén ũ to vĩ kỹ to: han jé tóg ke mũ, hem nĩ, kỹ ãjag tóg venh ke mũ sir,” he tóg.

Marcos 13:37

Vẽnh kar mỹ sóg tó mũ, sỹ ãjag mỹ tó mũ tag, hã vỹ: vẽnh ki ẽmẽm nĩ, he mũ,” he tóg, Jesus ti.

Lucas 11:10

Hỹ, hã vẽ. Ãjag tỹ ti mỹ nén ũ to vĩn kỹ tóg ãjag mỹ han ke mũ. Ãjag tỹ jãvãnh kỹ ãjag tóg venh ke mũ. Ãjag tỹ jãnkã tỹ tórón tórón ke ri ke han kỹ tóg ãjag mỹ nón ri ke han mũ.

João 14:13

Kỹ sóg ãjag tỹ inh mỹ nén ũ to vĩ mũ ẽn hynhan kãn ke mũ, isỹ tỹ ãjag kãke nĩn kỹ. Isỹ vẽnh kar mỹ inh panh tỹ tỹ ũn mág nĩ ven ke vẽ, hã jé sóg ãjag mỹ ãjag tỹ nén to vĩ mũ ẽn hynhan ke mũ.

João 15:16

Ãjag pijé inh kuprẽg'. Inh hã ne ãjag kuprẽg'. Kỹ sóg ãjag mỹ: kanẽ e han nĩ, he mũ ha, hã vỹ: vẽjykre há, he mũ. Vẽjykre há hã vỹ tũ' henh ke tũ nĩ. Ãjag tỹ ẽn han kỹ jatun mỹ Topẽ mỹ nén kar to vĩm nĩ, inh jiji tó kỹ. Kỹ tóg ãjag tỹ ti mỹ nén to vĩ mũ ẽn han ke mũ.

João 15:7

Ãjag tỹ isovãnh tũ nĩn kỹ, ãjag tỹ isỹ ãjag mỹ nén tó mũ ẽn to jykrén kỹ nỹtĩn kỹ, kỹ inh mỹ nén kar to vĩm nĩ. Han jé sóg ke mũ, ãjag mỹ, ãjag tỹ inh mỹ nén to vĩ mũ ẽn ti, ha vem nĩ.

João 4:10

Kỹ tóg fi mỹ: “Topẽ tỹ ã mỹ nén han sór mũ tag ki kagtĩg ã nĩ ver,” he mũ. “Kỹ ã tóg inh ki kagtĩg nĩ gé. Ã tỹ inh mỹ: “inh mỹ goj nĩm,” henh ke vẽ vẽ, kỹ sóg ã mỹ goj ror tỹ goj nĩm ke mũ vẽ,” he tóg mũ.

Roma 2:7

Ẽn kã tóg ẽg mỹ ẽg rĩr krỹg ja tũ ven ke mũ, ũn jykre kuryj ag mỹ, fag mỹ ke gé. Ẽg tỹ ti jykre há to tar nỹtĩn kỹ tóg ẽg mỹ ẽg rĩr krỹg ja tũ ven ke mũ, ẽg tỹ tá tỹ ũn mág nỹtĩ jé.

2 Corinto 6:2

Ti hã ne tóg: “sỹ ãjag jagãgtan ke kurã ki sóg ãjag tỹ inh mỹ nén to vĩ mũ ẽn han ke mũ,” he mũ. “Ãjag krenkren ke kurã ki sóg ãjag krenkren han ke mũ,” he ja tóg nĩ, Topẽ ti. Ũri ke vẽ.

Hebreu 11:6

Ẽg tỹ Topẽ ki ge tũ nỹtĩn kỹ tóg, ẽg to há nĩnh ke tũ nĩ. Ẽg tỹ Topẽ to mũ sór kỹ ẽg tóg, tag to jykrén ke mũ, ha mẽ. “Topẽ vỹ nĩ,” he jé ẽg tóg ke mũ. Kỹ ẽg tóg ti to: “ẽg tỹ ti to mũ kỹ tóg, ẽg mỹ nén ũ há ẽn nĩm ke mũ, ti tỹ ẽg mỹ nén tó ja ẽn ti,” henh ke mũ gé. Kỹ tóg ẽg mỹ han ke mũ, ha vem nĩ.

Hebreu 4:16

Hã kỹ ẽg tóg Topẽ mré vẽmén ke mũ, jatun mỹ. Mũmẽg ke tũ ẽg tóg nĩ. Ẽg jagãgtãn jé tóg ke mũ. Kỹ tóg ẽg tar han ke mũ gé, ẽg krój nỹtĩn kỹ.

Tiago 1:5

Ãjag tỹ nén ũ to jykrén tũ nĩn kỹ Topẽ mỹ to vĩm nĩ, ti tỹ ãjag kanhrãn jé. Ẽg kanhrãn jé tóg ke mũ. To tóg: “han ke tũ inh nĩ,” henh ke tũ nĩ. Ẽg to tóg fe há nĩ, hã kỹ tóg ẽg kanhrãn tag to há nĩ.

Tiago 5:15

Ag tỹ ẽg Senhor mré vĩn kỹ tóg ũn kaga ẽn tỹ há' henh ke mũ sir, ag tỹ ti tỹ há' henh ke to: “hỹ mỹ vỹ?“ he tũ nĩn kỹ. Kỹ ũ tỹ ti vĩ mranh kỹ Topẽ vỹ ti mỹ vẽnh pãte fón ke mũ gé sir.

1 João 3:22

Kỹ tóg ẽg mỹ nĩm ke mũ, ẽg tỹ ti mỹ nén to vĩ mũ ti. Ti tỹ ẽg mỹ nén tó mũ ẽn hã han ẽg tóg tĩ. Nén tỹ ti mỹ há nĩ ẽn hã ki króm ẽg tóg tĩ. Hã kỹ ẽg tóg jatun mỹ ti mỹ nén ũ to vĩ tĩ.

Nén Venh Ke 2:24

Ãjag kã mĩ ũ ag tóg hã ra fi jykre han ja tũ nĩgtĩ, ag tỹ Tiatira tá nỹtĩ ra. Ag pijé fi tỹ vẽjykre han mũ han ja nĩ'. Ag tỹ nén ũ to: “Satanás jykre jagy,” he mũ ẽn han sór ja tũ ag nĩgtĩ. Hã kỹ sóg ag mỹ nén ũ jagy tónh ke tũ nĩ gé.