Lucas 11:47 - O Novo Testamento na língua Kaingáng

⁴⁷ Topẽ vỹ ãjag ve kónãn mỹr. Ãjag jógjóg ve ag vỹ Topẽ vĩ tó tĩ ag kãgtén. Jãvo ãjag tóg ón kỹ ag kej ki rĩr há han tĩ.

Lucas 11:47 Iomraidhean Croise

Mateus 23:27

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Krĩ régre ãjag nỹtĩ, kỹ Topẽ vỹ, ãjag ve kónãn,” he tóg. “Vẽnh kej sĩnvĩ ri ke ãjag nỹtĩ. Sĩnvĩ nĩ ve ti nĩ, vẽnh kej ti, ẽg tỹ pó tỹ kri tam kỹ, kar tinta tỹ to tĩn kỹ. Ti sĩnvĩ nĩ ve ra tóg ti kã tá kórég nĩ. Vẽser vỹ krẽm nỹ nĩ, vẽser vag mũ ti, ti kuka.

Lucas 11:48

Hã ki ãjag tóg ãjag jógjóg ve ag tỹ ag kãgtén to: “há ti nĩ,” he tĩ.

Han Kãme 7:51

Kỹ tóg: “krĩ tũ ãjag nỹtĩ', ki kanhrãn jãvãnh ãjag tóg nỹtĩ', ãjag nĩgrẽg tóg kutu nĩ',” he mũ. “Topẽ kuprĩg kato ãjag tóg vãsãnsãn tĩ'. Ãjag jógjóg ag mré ãjag tóg ti kato vãsãnsãn tĩ'.

1 Tessalônica 2:15

Israel ag pã'i ag vỹ Jesus tén, ẽg Senhor ti. Topẽ vĩ tó tĩ ag kãgtén ag tóg tĩ gé. Kỹ ag tóg ẽg vóg kónãn tĩ gé sir. Hã ki ag tóg Topẽ jũ han tĩ.