Lucas 11:35 - O Novo Testamento na língua Kaingáng

³⁵ Kỹ vẽnh kanhrãn nĩ. Ke tũ nĩ mũ ra tóg, ãjag jo kuty ri ke nĩ. Vẽjykre kórég hã vẽ. Kỹ vẽjykre kórég han sór tũg nĩ.

Lucas 11:35 Iomraidhean Croise

Mateus 6:22

“Ẽg kanẽ tỹ ẽg tóg vég tĩ. Kỹ tóg ẽg mỹ kurã nĩ, ẽg kanẽ há nĩn kỹ.

Lucas 11:34

“Ẽg kanẽ hã tóg tỹ, ẽg tỹ ve jafã nĩ. Kỹ tóg ẽg jo kurã han tĩ. Ti há nĩn kỹ tóg ẽg jo kurã kar nĩ sir. Jãvo ẽg kanẽ kórég nĩn kỹ tóg, ẽg jo kuty kar nĩ sir. Kỹ tóg ge nĩ, ẽg jykre kórég ti. Ẽg kanẽ kórég ri ke ti nĩ. Ẽg jo tóg kuty han tĩ.

Lucas 11:36

Ãjag jo kurã nĩn kỹ tóg há tãvĩ nĩ. Ãjag jykre há tãvĩ nĩn kỹ tóg, ãjag jo kurã ri ke nĩ sir. Kỹ ãjag tóg sir néj gru ri ke nỹtĩ gé. Néj gru mág nĩn kỹ tóg ẽg kanẽ jo jẽngrẽ há han tĩ. Ge ẽg nỹtĩ, ẽg jykre há tãvĩ nĩn kỹ,” he tóg Jesus ti.

Roma 1:22

“Ki kanhró mág inh nĩ,” he ag tóg tĩ, hã ra ag tóg krĩ vẽnh mỹ nỹtĩ ha.

2 Pedro 1:9

Ũ tỹ vẽjykre há han sór tũ nĩn kỹ tóg ũn kyvó ri ke nĩ, ũn ẽvãnh kórég, ũn kutu ri ke ti nĩ sir. Ẽn vỹ ẽg Senhor ki kagtĩg nĩ. Hã kỹ tóg ti kórég han tĩ nĩ.

2 Pedro 2:18

“Ũn mág vỹ tỹ inh nĩ,” he ag tóg tĩ, ón kỹ. Krĩ tũ ag nỹtĩ. Nén ũ vẽnhmỹ kar to én ag tóg tĩ. Nén ũ tỹ ẽg kavénh tĩ ẽn to én ag tóg tĩ. Vẽjykre pãno han kỹ ag tóg ũ tỹ ũri Topẽ ki ge sór mũ ag krĩn kónãn tĩ.

Nén Venh Ke 3:17

Vẽso ãjag tóg: “riko ẽg nỹtĩ, há ẽg nỹtĩ, nén ũ tóg ẽg mỹ tũ' he tũ pẽ nĩ,” he tĩ. Hã tũ tó ãjag tóg tĩ. Jagtar ãjag tóg nỹtĩ, mỹr, ha mẽ. Tỹ nén tũ ãjag tóg nỹtĩ. Jykre kórég ãjag tóg nỹtĩ. Kur tũ ãjag tóg nỹtĩ. Kyvó ãjag tóg nỹtĩ. Hã ra ãjag tóg ki kagtĩg nỹtĩ, ãjag kórég nỹtĩ tag ki.