Lucas 11:29 - O Novo Testamento na língua Kaingáng

²⁹ Hã ra ũ tỹ hẽn ri ke ag tóg sir, tá junjun mũ, ti vĩ mẽ jé. Kỹ tóg fór tãvĩ tĩ. Kỹ Jesus tóg ag mỹ: “kórég ãjag nỹtĩ,” he mũ. “Ón kỹ ãjag tóg, nén han vãnh ve sór mũ. Venh ke tũ ãjag tóg nĩ. Nén ũ pir hã ve jé ãjag tóg ke mũ, hã vỹ: Jonas tỹ nén ve ja ẽn ri ke, he mũ,” he tóg.

Lucas 11:29 Iomraidhean Croise

Mateus 3:7

Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?

Marcos 8:38

Ũri ke ag tóg vyr mỹ topẽ ũ hynhan tĩ, kỹ ag tóg Topẽ vĩ mranh tĩ gé. Ag kã mĩ iso mỹ'ãg tũg nĩ. Ãjag tỹ ũri inh vĩ to mỹ'ãg kỹ sóg, inh kãtĩg mãn kỹ ãjag to mỹ'ãg ke mũ gé, isỹ Topẽ tỹ jẽgnẽ jafã mág ag mré kãtĩg kỹ. Ijóg vỹ tóg isỹ ũn mág han ke mũ. Tỹ sóg ẽprã ke fi kósin nĩ,” he tóg.

Lucas 11:16

Hã ra ũ ag tóg ón kỹ ti jykre ve sór mũ gé, kỹ ag tóg ón kỹ ti tỹ ẽg tỹ nén han vãnh han mũ ve sór mũ sir, ti tỹ ag mỹ kanhkã tá vẽjykre ven jé.

Lucas 11:50

Ãjag jógjóg ve ag vỹ ag kãgtén kãn, hã ra tóg ãjag mỹ há tĩ, hã kỹ Topẽ vỹ, to ãjag vóg kónãn ke mũ. Ũ tỹ hẽn ri ke ag kãgtén ag tóg, ãjag jógjóg ve ag, Topẽ tỹ ẽprã ke ag han kar kỹ.

Lucas 12:1

Hã ra ũ tỹ hẽn ri ke mil (ke) ag vỹ, vẽnh mãn kỹ nỹtĩ. Kỹ ag tóg, jagnẽ sãnsãn mũ sir. Kỹ Jesus tóg ag kanhrãn mũ. Ti mré mũ tĩ ag kanhrãn vén tóg mũ, kỹ tóg ag mỹ: “Fariseu ag jykre han sór tũg nĩ,” he mũ. “Ẽmĩ jãgja jafã ri ke ti nĩ, ag jykre ti. Hã kỹ tóg Topẽ mỹ kórég tãvĩ nĩ,” he tóg.

Lucas 9:41

Kỹ tóg ti mỹ: “ã ne tóg inh ki rã há han tũ nĩ',” he mũ. “Topẽ tóg ã mỹ krój nĩ ve nĩ, ãjag kar mỹ. Inh mỹ tóg e tĩ. Sỹ ãjag to krónh kenh ha mẽ tóg tĩ. Inh mỹ ti pére kãtĩg,” he tóg.

João 2:18

Kỹ Judeu ag pã'i ag vỹ Jesus tỹ ag pan mũ vég mũ gé. Kỹ ag tóg ti mỹ: “ã tỹ hẽ ri ke nẽ?“ he mũ. “Ũ nỹ ã mỹ: tag han nĩ, hé? Milagre ũ han nĩ, ẽg tỹ ũ tỹ ã jẽnẽg mũ ki kanhrãn jé,” he ag tóg.

João 6:30

Kỹ ag tóg: “kỹ ã hỹn ne han ke mũ, ẽg tỹ ve kỹ ã ki gen jé?“ he mũ. “Ã hỹn ne han há nĩgtĩ?

João 8:44

Japo krẽ vỹ tỹ ãjag nỹtĩ, kỹ ãjag tóg ti tỹ nén tó mũ ẽn hã han tĩ. Topẽ tỹ ẽprã ke ag hynhan ẽn kã tóg ag kãgtén sór tĩgtĩ, Japo ti. Vãsỹ ti jykre vẽ, kỹ tóg ũri tỹ ti jykre nĩ gé ver. Ti pijé ki hã tó tĩ'. Ki hã tó to ti kórég pẽ nĩ, Japo ti. Vẽnh ó vỹ tỹ ti tũ pẽ nĩ. Ti hã vỹ tỹ ũn ón tĩ ag jóg kar nĩ.

1 Corinto 1:22

Judeu ag ne ẽg tỹ nén ve vãnh ve sór mũ', ag tỹ Topẽ jykre ki kanhrãn jé. Kỹ fóg ag ne ón kỹ ti jykre to vẽmén sór mũ'.