Lucas 11:24 - O Novo Testamento na língua Kaingáng

²⁴ Kỹ Jesus tóg: “kejẽn sóg, vẽjagrẽ kórég ũ kutẽm mũ,” he mũ. “Kỹ tóg ga kórég ra tĩ mũ. Goj venh ke tũ tóg nĩ, tá. Kỹ ti tỹ hẽ tá vẽnhkán ke tóg tũ tĩ. Kỹ tóg vãhã to jykrén mũ sir. “Inh jé hỹn sỹ ũ tá kãkutẽ ja ẽn ra tĩg mãn ha, sỹ ti kã ra rã mãn jé, he tóg mũ, ti jagrẽ ẽn ti.

Lucas 11:24 Iomraidhean Croise

Marcos 5:10

Kỹ tóg to vĩ', to vĩ', he mũ, ti tỹ ẽmã ẽn ki ti kutẽm tũ nĩ jé.

Marcos 9:25

Hã ra tóg ũ tỹ hẽn ri ke fag vẽnhmãn vég mũ, kỹ tóg ti jagrẽ kórég to jũ mũ. “Vẽjagrẽ vĩ vãnh', vẽjagrẽ kutu', kãkutẽ ra, ti ki rã mãn tũg,” he tóg.

Lucas 11:25

Kỹ tóg ti venh kãtĩ mũ. Hã ra tóg sir krĩ há nĩ. Kỹ tóg ti mỹ ĩn há ri ke nĩ sir, ĩn prur, ĩn sĩnvĩ ri ke.

Éfeso 2:2

Ẽn kã ãjag tóg ẽprã ke ag jykre pãno jagma mũ ja nĩgtĩ, Nén-Kórég pã'i mág ẽn tỹ ãjag krĩn kỹ, nén ũ ũ tãn ag kri pã'i ẽn. Ẽn vỹ tỹ ũ tỹ Topẽ vĩ mranh tĩ ag jagrẽ nĩ mỹr.

1 Pedro 5:8

Vẽnh ki rĩrm nĩ. Nũr ri ke han tũg nĩ. Ha vé, ẽg kato vãsãn tĩ ẽn, Japo ẽn tóg ẽg to vãjig tĩgtĩ. Mĩg kókĩr ri ke ti nĩ, ti tỹ ẽg mãn sór kỹ.