Lucas 11:22 - O Novo Testamento na língua Kaingáng

²² Kejẽn ũ tỹ ti tar kãfór nĩ ẽn tóg ti ĩn tá jun mũ. Kỹ tóg ti rógro vãg mũ. Ti tũ génh kãn tóg mũ gé sir. Ge ti nĩ. Ũ tỹ é he mẽ ri ke ti nĩ, Japo ti. Hã ra sóg ti tar kãfór nĩ. Hã kỹ sóg ag jagrẽ kórég pan tĩ,” he tóg.

Lucas 11:22 Iomraidhean Croise

Lucas 11:21

“Ũ tỹ é he mẽ tóg ti tũ ki rĩr há han tĩ. Ti rógro vyn kỹ tóg ti ĩn ki rĩr tĩ sir, ũ tỹ ti tũ mãg tũ nĩ jé.

Lucas 11:23

“Ãjag tỹ tỹ inh mré ke tũ nỹtĩn hã kỹ ãjag tóg, inh kato tẽgtẽ mũ. Ãjag tỹ inh mré ẽprã ke ag tỹ Topẽ to kãmũ han kỹ tóg há tĩ vẽ, hã ra ãjag tóg, ag kãmũ kamẽg mũ,” he tóg, Jesus ti.

Éfeso 6:11

Tag ki ẽg vẽnh génh ri ke han tĩ, ẽg tỹ Japo kato vãsãnsãn kỹ nỹtĩn kỹ. Hã ra Topẽ tóg ẽg mỹ ẽg tỹ ti kato vãsãnsãn jafã nĩm tĩ. Kỹ mãn nĩ, kỹ Japo tóg ẽg tỹ hẽ ri kenh ke tũ nĩ. Tar jẽ jé ẽg tóg ke mũ ha. Ẽg pijé ẽg mré ke ag kato vãsãnsãn tĩ'. Pã'i ag nỹtĩ, ũ tỹ ẽg kato vãsãnsãn mũ ag, hã ra ẽg tóg ag vég tũ nĩgtĩ. Kuty tãn ag vẽ, ga to pã'i ag vẽ gé. Kanhkã krẽm ag ẽmã nỹtĩ gé. Kórég kar ag nỹtĩ.

Éfeso 6:13

Kỹ mãn kãn nĩ, Topẽ tỹ ẽg mỹ nén tỹ ag kato vãsãnsãn jafã vin sór mũ ẽn ti. Kejẽn ag tóg ẽg kato vãsãn mág han ke mũ. Kurã ẽn kã ag tóg ẽg tỹ hẽ ri kenh ke tũ nĩ, Topẽ tỹ ẽg tar han kỹ.

Colossos 2:15

Kỹ tóg Japo pã'i kar ag tỹ tũ' he ja nĩgtĩ gé, ũn tar ja ẽn ag tỹ. Krunh to sa kỹ tóg ag tar tỹ tũ' hé, ũ tỹ ti kato vãsãnsãn mũ ẽn ag tỹ. Kỹ ẽg kar tóg ag venh ke mũ. Kỹ ẽg tóg ag to é henh ke mũ sir. Cristo tóg ag pan kar kỹ ag tatĩn tĩg kãn ke mũ, nũgme ki ag vãm jé. Tag ve jé ẽg tóg ke mũ.

1 João 3:8

Ũ tỹ Topẽ vĩ mranh mũ ẽn vỹ tỹ Japo mré ke nĩ. Japo hã ne ti vĩ mranh tĩgtĩ'. Topẽ tỹ nén ũ kar han mũ ẽn kã Japo ne ti vĩ mranh vén'. Kỹ tóg ũri mranh tĩ nĩ gé. Hã ra Topẽ kósin vỹ Japo tỹ nén han mũ kókén ja nĩ. Hã jé tóg mur ja nĩ.

1 João 4:4

Inh krẽ', Topẽ tũ vỹ tỹ ãjag nỹtĩ. Ón kỹ Topẽ vĩ tó tĩ ag fĩn rãm ãjag huri. Ha vé, Topẽ kuprĩg tỹ ẽg jagrẽ vỹ ag jagrẽ kãfór nĩ. Hã kỹ ẽg tóg ẽg kato tẽ ag fĩn rãm kãn huri.