Lucas 11:16 - O Novo Testamento na língua Kaingáng

¹⁶ Hã ra ũ ag tóg ón kỹ ti jykre ve sór mũ gé, kỹ ag tóg ón kỹ ti tỹ ẽg tỹ nén han vãnh han mũ ve sór mũ sir, ti tỹ ag mỹ kanhkã tá vẽjykre ven jé.

Lucas 11:16 Iomraidhean Croise

Lucas 11:29

Hã ra ũ tỹ hẽn ri ke ag tóg sir, tá junjun mũ, ti vĩ mẽ jé. Kỹ tóg fór tãvĩ tĩ. Kỹ Jesus tóg ag mỹ: “kórég ãjag nỹtĩ,” he mũ. “Ón kỹ ãjag tóg, nén han vãnh ve sór mũ. Venh ke tũ ãjag tóg nĩ. Nén ũ pir hã ve jé ãjag tóg ke mũ, hã vỹ: Jonas tỹ nén ve ja ẽn ri ke, he mũ,” he tóg.

João 6:30

Kỹ ag tóg: “kỹ ã hỹn ne han ke mũ, ẽg tỹ ve kỹ ã ki gen jé?“ he mũ. “Ã hỹn ne han há nĩgtĩ?

João 8:6

Ag tỹ ón kỹ ti vĩ mẽ sór vẽ, ag tỹ ti vĩ to ti se jé. Hã ra tóg pãnh ke kỹ nĩ kỹ ga kri rán mũ, ti nĩgé tỹ. Vĩ tũ tóg nĩ.

1 Corinto 1:22

Judeu ag ne ẽg tỹ nén ve vãnh ve sór mũ', ag tỹ Topẽ jykre ki kanhrãn jé. Kỹ fóg ag ne ón kỹ ti jykre to vẽmén sór mũ'.