Lucas 11:13 - O Novo Testamento na língua Kaingáng

¹³ Jykre pãno ãjag nỹtĩ. Ãjag jykre pãno hã ra ãjag tóg ãjag krẽ mỹ nén ũ há nĩm tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há hã nĩm jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ti. Ãjag tỹ ti mỹ to vĩn kỹ tóg ti kuprĩg tỹ ãjag jagrẽ han ke mũ mỹr, Topẽ ti,” he tóg.

Lucas 11:13 Iomraidhean Croise

Mateus 5:16

Gem nĩ, néj gru ri ke nỹtĩm nĩ. Topẽ jykre han nĩ, vẽnh kar tỹ ãjag jykre há ve jé. Kỹ ag tóg, Topẽ mỹ vĩ há han ke mũ, ẽg jóg tỹ kanhkã tá nĩ ẽn mỹ,” he tóg, Jesus ti.

Mateus 5:45

Kỹ ãjag tóg tỹ Topẽ krẽ nỹtĩ, ãjag tỹ ẽg jóg tỹ kanhkã tá nĩ ẽn ri ke han kỹ. Ti hã ne tóg rã han', ti tỹ vẽnh kar kri jẽngrẽg kỹ san jé, ũn jykre kuryj ag kri, ũn jykre pãno ag kri ke gé, fag kri ke gé. Ta han ti ke gé, ti tỹ vẽnh kar há han jé, ũn jykre kuryj ag, ũn jykre pãno ag ke gé, fag ke gé. Ver tóg vẽnh kar to há nĩ, Topẽ ti,” he tóg.

Mateus 6:14

“Hỹ, ge ti nĩ,” he tóg. “Ũ tỹ ãjag to jũ kỹ ti mỹ vẽnh pãte fón nĩ. Ũ tỹ ãjag mỹ vĩ kónãn kỹ ti mỹ vẽnh pãte fón nĩ gé. Ãjag tỹ gen kỹ ẽg jóg vỹ ãjag mỹ vẽnh pãte fón ke mũ gé.

Mateus 6:30

Topẽ hã ne, ka fej sĩnvĩ han. Hã ra tóg kãnhmar kãgter tĩ. Ũri tóg há nỹtĩ. Vaj kỹ tóg kógungun kỹ pũr mũ sir, re mré. Kỹ Topẽ tóg ãjag ki rĩr kãfór han mũ, ãjag kur mré hã. Hã kỹ ti vĩ kri fim nĩ.

Mateus 6:32

Ũ tỹ Topẽ vĩ ki kagtĩg ag vỹ tag to jykrén mág tĩ. Hã ra ẽg jóg tỹ Topẽ vỹ ẽg vég tĩ. Kỹ to krĩ kufy han tũg nĩ.

Mateus 7:11

Jykre pãno ãjag nỹtĩ. Ge ra ãjag tóg ãjag krẽ mỹ nén ũ há vin tĩ. Ge ti nĩ gé, ãjag tỹ Topẽ mỹ nén ũ to vĩn kỹ. Nén ũ há tãvĩ hã vin jé tóg ke mũ. Hã ra tóg ãjag kãfór han tĩ, ẽg jóg tỹ kanhkã tá nĩ ẽn ti,” he tóg, Jesus ti.

Lucas 11:12

Kejẽn tóg ãjag mỹ garĩnh ovo to vĩ mũ. Kỹ ãjag pijé ti mỹ pỹn kakrã nĩm ke mũ'. Garĩnh ovo hã nĩm jé ãjag tóg ke mũ.

Lucas 11:2

Kỹ tóg ag mỹ: “Topẽ mré vĩ kỹ tag tóm nĩ, ha mẽ,” he mũ. “Ẽg jóg mág, ã jiji tó ẽg tóg tĩ. Kỹ vẽnh kar jé ã tỹ tỹ ũn mág nĩ vé. Ẽg jé kãnhmar ã tỹ tỹ ẽg pã'i nĩ vé.

Lucas 18:7

“Hã kỹ Topẽ vỹ ãjag krenkren han ke mũ gé. Ãjag kuprẽg ja tóg nĩ mỹr, kỹ ti mré vẽmén nĩ. Kurã ki ti mré vĩm nĩ, kuty tá ke gé. Ãjag kren han tũ nĩ ve ti nĩ, kejẽn.

João 4:10

Kỹ tóg fi mỹ: “Topẽ tỹ ã mỹ nén han sór mũ tag ki kagtĩg ã nĩ ver,” he mũ. “Kỹ ã tóg inh ki kagtĩg nĩ gé. Ã tỹ inh mỹ: “inh mỹ goj nĩm,” henh ke vẽ vẽ, kỹ sóg ã mỹ goj ror tỹ goj nĩm ke mũ vẽ,” he tóg mũ.

Han Kãme 2:38

Kỹ Pedro tóg ag mỹ: “ãjag jykre pãno tovãnh ra. Kỹ ẽg tóg ãjag kygpenh ke mũ, Jesus Cristo jiji tó kỹ,” he mũ. “Kỹ Topẽ tóg ãjag mỹ ãjag tỹ ti vĩ mranh ja tỹ vẽnh pãte fón ke mũ. Kỹ ãjag tóg Topẽ kuprĩg tỹ jagrẽ nỹtĩnh mũ gé.

Roma 5:17

Ũn pir tỹ Topẽ vĩ mranh vén ja tugnĩn ẽg kar vỹ kãgter kãn ke mũ. Hã ra tóg ũn pir ũ tugrĩn ẽg jagãgtãn ke mũ ha, kỹ tóg ẽg mỹ vẽnh pãte fón mũ. Kỹ tóg ẽg kugrynh ke mũ. Ẽg mỹ presente ri ke han hã vẽ. Kỹ ẽg tóg rĩnrĩr mãn ke mũ gé. Kỹ ẽg tóg tá tỹ ũn mág nỹtĩnh mũ sir, ũn pir tugnĩn, hã vỹ: Jesus Cristo, he mũ.

Roma 7:18

Ẽg pijé vẽjykre há to tar nỹtĩ'. Vẽjykre kórég vỹ ver ẽg kã kã nĩ nĩ. Vẽjykre kuryj tóg ẽg mỹ sér tĩ, ge ra ẽg tóg ti pãno han tĩ, ẽg tỹ ũn há han sór mũ ra.

Roma 8:32

Topẽ vỹ ti kósin pir fẽg, ti tỹ ẽg jagfy ter jé. Ti kósin pir nenh ja tũ tóg nĩ. Hã kỹ tóg ẽg mỹ nén ũ há nenh ke tũ pẽ nĩ, ti tỹ ti kósin pir nenh ja tũ nĩn kỹ.

Tito 3:3

Ha vé, vãsỹ ẽg tóg kórég ja nỹtĩgtĩ gé. Ki kagtĩg ja ẽg nỹtĩgtĩ. Ti vĩ mranh ja ẽg tóg nĩgtĩ gé. Vãgfor mũ ja ẽg tóg nĩgtĩ, kỹ ẽg tóg ũ tỹ ón kỹ ẽg mỹ vẽjykre tó mũ ẽn vĩ han ja nĩgtĩ gé.