Lucas 10:42 - O Novo Testamento na língua Kaingáng

⁴² Nén pir hã ne há nĩ', hã vỹ: inh vĩ, he mũ. Maria fi vỹ inh vĩ hã jẽmẽ sór mũ. Kỹ sóg fi mỹ: “ha nén ũ han,” he sór tũ nĩ. Nén ũ há kuprẽg fi tóg, fi tỹ inh vĩ jẽmẽ sór kỹ,” he tóg.

Lucas 10:42 Iomraidhean Croise

Marcos 8:36

“Hẽn ri ke mũn ãjag hỹn ga kri nén ũ kar gỹjỹ henh ke mũ, hã ra ãjag kuprĩg tóg vãfor ke mũ. Kỹ tóg kórég nỹ.

Lucas 10:39

Kỹ fi jãvy fi vỹ nĩ gé, hã vỹ: Maria, he mũ. Ẽn fi vỹ ti rã hã nĩ kỹ ti vĩ jẽmẽg nĩ nĩ.

Lucas 11:1

Kejẽn tóg Topẽ mré vĩ mũ. Ti tỹ Topẽ mré vẽmén kar kỹ ti mré mũ tĩ ag tóg ti mỹ: “Senhor',” he mũ. “Ẽg kanhrãn nĩ, ẽg tỹ Topẽ mré vĩ há nỹtĩ jé, João tỹ ti mré mũ tĩ ag kanhrãn ri ke,” he ag tóg.

Lucas 12:20

Hã ra Topẽ tóg ti mỹ: “krĩ tũ ã nĩ,” he mũ. “Kuty tag kã ã tóg ter ke mũ ha. Kỹ ã tũ mág tag vỹ tỹ, ũ tũ nĩnh ke mũ ha? Ma tĩg ke tũ ã tóg nĩ,” he tóg ti mỹ, Topẽ ti,” he tóg.

Lucas 12:33

Ãjag tỹ nén kar vin nĩ, ũn vẽsỹrénh mũ ag mỹ. Kỹ ãjag tóg kanhkã tỹ tỹ nén ũ mág nỹtĩnh mũ. Tá ãjag kuge tóg tũ' he mãn ke tũ nĩ. Tag ki ẽg tóg ẽg jãnkamy fón tĩ, nén ũ kar to. Tá tóg tũ' he jãvãnh nĩ, ẽg kuge ti. Tá ũ tóg péjunh kãtĩg ke tũ nĩ gé, tá ti ga tóg kagranh ke tũ nĩ gé.

Lucas 16:2

Kỹ tóg ti mỹ: “ã tỹ han mũ mẽ inh,” he mũ. “Sỹ ã rãnhrãj tugnỹm ke vẽ. Ki rĩr mãn ke tũ ã tóg nĩ ha,” he tóg mũ.

Lucas 16:25

Kỹ Abraão tóg ti mỹ: “inh kósin,” he mũ. “Ã tỹ ga kri tĩ ja ẽn ki ẽkré. Tá ã tóg há tĩ ja nĩgtĩ, jãvo Lázaro tóg jagtar ja nĩgtĩ. Kỹ tóg tag ki há tĩ nĩ, jo ã tóg vẽsỹrénh jẽ nĩ, ã tỹ ti jagãgtãn ja tũ nĩn kỹ.

Lucas 18:22

Kỹ tóg ti mỹ: “nén ũ pir vỹ tũ nĩ ver,” he mũ. “Ã tũ vãm kãn nĩ, ã tỹ ũn jagtar ag mỹ vin jé, jãnkamy ti. Kỹ ã tóg kanhkã tá tũ mág nĩnh mũ sir. Kar kãtĩg nĩ, ã tỹ inh mré tĩg jé,” he tóg.

Lucas 8:18

“Hã kỹ jẽmẽ há han nĩ. Ũ tỹ to jykrén há han kỹ tóg, ũ to jykrén mãn', ũ to jykrén mãn', henh ke mũ. Ũ tỹ inh vĩ to jykrén há han tũ nĩn kỹ tóg ti mỹ tũ' he kãn ke mũ, ti tỹ nén ũ to jykrén mũ kar ẽn mré hã,” he tóg.

João 11:1

Kejẽn ũ tỹ Jesus to há ũ tóg kaga nỹ nĩ, ẽmã tỹ Betânia tá. Ti jijin hã vỹ: Lázaro, he mũ. Ti ve fi vỹ tỹ Maria fi nĩ, Marta fi ke gé. Betânia tá fag ẽmã nỹtĩ gé.

João 11:19

Judeu tỹ hẽn ri ke fag vỹ Marta fi venh kãmũ ja nĩ, Maria fi ke gé, fag mré kygfỹ jé, vẽser kri.

João 12:3

Kỹ Maria fi tóg nén ger há ma kãtĩ mũ, garafa fór, ũn kaja e. Ẽn tỹ fi tóg Jesus pẽn kri kujẽg mũ, kỹ fi tóg fi gãnh tỹ kykũg mũ, ti pẽn ti. Kỹ ger há ẽn tóg ĩn kar ẽn kri rũm ke mũ.

João 17:3

Ũ tỹ ã tỹ tỹ Topẽ nĩ ki kanhrãn mũ ẽn vỹ rĩr krỹg ja tũ venh ke mũ, ũ tỹ ã to: “Topẽ ũ vỹ tũ nĩ,” he mũ kar ag, fag kar ke gé. Kỹ ag tóg, isỹ tỹ Jesus Cristo nĩ ki kanhró nỹtĩ gé, ã hã tỹ inh jẽnẽ ẽn ki.

João 4:14

“Isỹ ã mỹ goj nĩm kỹ ã tóg kron pir han kar kỹ há nĩ ha. Kron mãn sór ke tũ ã nĩ sir. Ã kã ki tóg goj ror han ke mũ. Kỹ goj tag vỹ ã ter ke tũ han ke mũ, ha vem nĩ,” he tóg.

João 5:24

“Ãjag mỹ sóg tag tó mũ, ha mẽ. Ki hã sóg tó mũ, ha mẽ. Ũ tỹ inh vĩ jẽmẽg mũ ẽn vỹ ter ke tũ nĩ. Rĩr krỹg ja tũ ve jé tóg ke mũ, ti tỹ ũ tỹ inh jẽnẽg mũ ẽn ki rã kỹ jẽn kỹ. Ẽn to tóg jũnh ke tũ nĩ, Topẽ ti. Ti ter ke vẽ vẽ, hã ra tóg ter ke tũ nĩ.

João 6:27

Ẽg tỹ tag ki vẽjẽn vég mũ ẽn vỹ kãnhmar tũ' henh ke mũ, kỹ tag to vãsãn sór tũg nĩ. Vẽjẽn ũ jé vãsãn nĩ, ẽmĩ tỹ ãjag rĩnrĩr pẽ han ke mũ ẽn jé. Sỹ ãjag mỹ ẽmĩ ẽn nĩm sór vẽ. Ẽg jóg tỹ Topẽ tỹ inh mỹ vẽnh rãnhrãj nĩm jan hã vẽ. Tỹ sóg ẽprã ke fi kósin nĩ mỹr,” he tóg.

1 Corinto 13:3

Hẽn ri ke mũn ẽg tóg ẽg tũ vin kãn tĩ, ũn jagtar ag mỹ. Hẽn ri ke mũn ẽg tóg ũ tỹ Jesus kato tẽ mũ ag mỹ vẽnh fẽg mũ, ag tỹ ẽg pũn jé. Ẽg tỹ jérĩn mỹ vẽnh kar to há tũ nỹtĩn kỹ tóg ẽg mỹ nén ũ há han ke tũ nĩ.

Galácia 5:6

Ha vé, ẽg tỹ Jesus Cristo ki ge kỹ nỹtĩn kỹ tóg tỹ nén ũ tũ tĩ sir, ũ tỹ ti fár kym ja ti, ũ tỹ kym ja tũ ti ke gé. Ti ki ge kỹ ẽg tóg nỹtĩ, kỹ ẽg tóg tỹ nén ũ pir nỹtĩ ha. Jagnẽ to há ẽg nỹtĩ ha.