Lucas 10:41 - O Novo Testamento na língua Kaingáng

⁴¹ Hã ra tóg fi mỹ: “krĩ kufy ã tóg nĩ, nén ũ tũ to, hã ra fi tóg inh vĩ jẽmẽg nĩ nĩ,” he mũ. “Vẽjẽn to vẽnh kutãn tũg nĩ.

Lucas 10:41 Iomraidhean Croise

Marcos 4:19

Hã ra ag tóg, ag rãnhrãj hã mĩ ẽkrég mũ, ón kỹ riko nĩ sór kỹ. Nén ũ kar to ag tóg én tĩ, hã kỹ Topẽ vĩ tóg, ag mỹ tũ' he mũ sir. Kỹ ag tóg kanẽn há han tũ nĩ.

Lucas 10:38

Kejẽn tóg ti mré mũ tĩ ag mré ẽmã sĩ ũ tá jun mũ. Tá Marta fi tóg nĩ nĩ. Kỹ fi tóg Jesus mỹ: “inh mré kãmũjẽg, inh ĩn mĩ,” he mũ.

Lucas 10:40

Hã ra Marta fi tóg ag mỹ vẽjẽn han to vẽnh kutãn mũ. Kỹ Marta fi tóg ti mỹ: “Senhor',” he mũ. “Rãnhrãj mág han tĩ sóg nĩ, hã ra fi tóg nĩ nĩ. Fi mỹ ké, fi tỹ inh mré vẽjẽn ki rĩr jé,” he fi tóg mũ.

Lucas 12:22

Kỹ tóg ti mré mũ tĩ ag mỹ: “ha vé,” he mũ. “Nén ũ to jykrén kỹ krĩ kufy han tũg nĩ,” he tóg, “vẽjẽn to, ke tũ nĩ kỹ kur to. Inh hỹn ne konh mũ'? Inh hỹn ne tunh mũ'? he tũg nĩ.

Lucas 21:34

“Vẽnh ki ẽmẽ, ãjag tỹ fénhta tãvĩ to vẽnh kutãn tũ nĩ je, vẽnh kanhir e to ke gé. Kỹ vẽjẽn to krĩ kufy han tũg nĩ gé, kur to, tag ki nén ũ kar to. Ke tũ nĩ mũ ra inh kãtĩg mãn ke kurã ẽn vỹ ãjag vatánh tá jun ke mũ.

Lucas 8:14

Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.

João 11:1

Kejẽn ũ tỹ Jesus to há ũ tóg kaga nỹ nĩ, ẽmã tỹ Betânia tá. Ti jijin hã vỹ: Lázaro, he mũ. Ti ve fi vỹ tỹ Maria fi nĩ, Marta fi ke gé. Betânia tá fag ẽmã nỹtĩ gé.

João 11:5

Jesus vỹ Marta fi to há tãvĩ nĩ, fi jãvy fi to ke gé, Lázaro to ke gé.

João 12:2

Tá fag tóg Jesus mỹ fénhta han mũ. Kỹ Marta fi tóg vẽjẽn ki rĩr mũ. Lázaro vỹ Jesus mré nĩ nĩ, mesa to.

Filipos 4:6

Krĩ kufy nỹtĩ tũg nĩ. Nén kar tóm nĩ, Topẽ mỹ, ti mré vĩn kỹ. Kỹ ti mỹ nén kar to vĩm nĩ gé, ãjag tỹ nén ve sór mũ kar to. Kỹ ti mỹ nén kar to: “há ti nĩ,” hem nĩ gé, ãjag tỹ ti mỹ agradecer hen kỹ.