Lucas 10:29 - O Novo Testamento na língua Kaingáng

²⁹ Hã ra tóg ti mỹ há tũ nĩ, Jesus vĩ ti. Hã kỹ tóg ti mỹ: “kỹ ũ nỹ tỹ inh régre nĩ?” he mũ.

Lucas 10:29 Iomraidhean Croise

Marcos 8:34

Kỹ tóg ti mré mũ tĩ ag mré vẽnh kar jé prẽr mũ, kỹ tóg ag mỹ: “ãjag tỹ inh mré kãmũ kỹ tóg há tĩnh mũ. Kỹ ãjag jykre tovãnh nĩ, ãjag tỹ isũ tãvĩ han jé. Ha vé, ag tỹ krunh tỹ inh kri fi kỹ sóg tĩg ke mũ, ag tỹ to isa kỹ isén jé, ha vem nĩ. Vẽnh nenh ke tũ sóg nĩ. Isỹ tag han ri ke han nĩ, kurã kar ki, ãjag tỹ inh mré mũ sór nỹtĩn kỹ. Isũ hã han to tar nỹtĩm nĩ,” he tóg.

Lucas 10:36

Kỹ tóg: “ũn tãgtũ ag vỹ ti ve ja nĩ. Kỹ ag kã ũ tỹ hẽ nỹ tỹ ag tỹ ũn vóg kónãn mũ ẽn régre ja nĩ? Ha to jykrén kema',” he tóg.

Lucas 16:15

Hã ra tóg ag mỹ: “ẽprã ke ag mỹ ãjag tóg tỹ ũn jykre há nỹtĩ ve nĩ,” he mũ. “Hã ra Topẽ vỹ ãjag tỹ nén to jykrén mũ ẽn vég nĩ, ti mỹ ãjag tóg kavéj nỹtĩ,” he tóg. “Ẽprã ke mỹ nén sĩnvĩ nĩ ve tóg Topẽ mỹ kórég nĩ,” he tóg.

Roma 10:3

Vẽsóg ki ag tóg vẽjykre kuryj to vãsãn sór tĩ. Hã ra ũ tỹ ẽg mỹ vẽjykre kuryj nĩm sór mũ vỹ tỹ Topẽ ti nĩ. Tag ve sór tũ ag nỹtĩ, Topẽ tỹ ẽg mỹ nĩm ke tag. Hã kỹ ag tóg Topẽ kato vãsãnsãn mũ.

Roma 4:2

“Nén ũ há kar han ti tĩ, Abraão ti, hã tugrĩn tóg Topẽ mỹ tỹ ũn há nĩ,” he sór ag hỹn mũ. Vó, hã tũ vẽ. Ti ki rã tugnĩn ke vẽ. Hã kỹ tag vỹ ti to rán kỹ nĩ, ha mẽ: “Abraão vỹ Topẽ ki rã, hã kỹ tóg Topẽ mỹ tỹ ũn há nĩ, ti tỹ ti ki rã tugrĩn,” he tóg mũ, Topẽ vĩ rán ki. Ti tỹ nén ũ há han tugrĩn Topẽ mỹ tỹ ũn há nĩ ra tóg vẽso: “tỹ sóg ũn há nĩ, ag kar kãfór,” henh ke mũ vẽ, vẽsỹ ũn há han sór kỹ. Hã ra ẽg vẽsỹ ũn há han ki kagtĩg nỹtĩ.

Galácia 3:11

Hã kỹ, ẽg tỹ Topẽ tỹ vãsỹ ẽg jyvẽn mũ ẽn ki króm sór mũ ra ẽg tóg mranh tĩ. Kỹ ẽg tóg ti mỹ há tũ nỹtĩ. Hã kỹ tag tóg rán kỹ nĩ gé: “ẽg tỹ Topẽ ki ge hã to ẽg tóg ti mỹ tỹ ũn há nỹtĩ. Kỹ ẽg tóg krenkren ke mũ,” he ja tóg nĩ.

Tiago 2:24

Hã ki ãjag tóg vég mũ. Ẽg tỹ ti vĩ han kỹ tóg ẽg to: “inh ki rã há han ja ti nĩ,” henh ke mũ gé. Ẽg tỹ ón kỹ ti ki rã kỹ nĩn kỹ ẽg tóg hã ra ti mỹ há tũ nỹtĩ, Topẽ mỹ, ẽg tỹ ti vĩ ki króm tũ nĩn kỹ.