Lucas 10:25 - O Novo Testamento na língua Kaingáng

²⁵ Kỹ vãhã Topẽ vĩ to ẽg kanhrãn tĩ ũ vỹ, ag kã mĩ jẽgnẽ mũ. Ti tỹ ón kỹ Jesus ki jẽmẽ sór vẽ. Kỹ tóg ti mỹ: “Senhor',” he mũ. “Inh hỹn vẽjykre tỹ ne han mũ, isỹ rĩr krỹg ja tũ ve jé?” he tóg.

Lucas 10:25 Iomraidhean Croise

Marcos 10:17

Kỹ Jesus tóg tĩg mãn mũ gé sir. Hã ra kyrũ ũ tóg ti to vẽnhvãg kãtĩ mũ, kỹ tóg ti jakrĩ tỹ jẽ mũ, kỹ tóg ti mỹ: “Senhor, hapẽ ã tóg jẽ,” he mũ. “Sỹ inh rĩr krỹg ja tũ venh há tóg tĩ. Kỹ inh hỹn vẽjykre há tỹ ne han mũ?“ he tóg.

Marcos 10:3

Kỹ tóg: “Moisés vỹ ãjag mỹ hẽ ri ké?“ he mũ.

Marcos 12:28

Hã ra Topẽ vĩ to ẽg kanhrãn tĩ ũ tóg tá jun mũ gé sir. Kỹ tóg Jesus tỹ Saduceu ag mỹ tó há han ja ẽn mẽg mũ. Hã kỹ tóg: “Topẽ tỹ ẽg jyvẽn tỹ hẽ nỹ hỹn ti tỹ ẽg jyvẽn kar kãfór nỹnh mũ'?“ he mũ.

Lucas 10:24

Ki hã sóg tó mũ, ha mẽ. Ũ tỹ hẽn ri ke ag vỹ inh ve sór tãvĩ ja nỹtĩgtĩ, vãsỹ. Hã ra ag tóg inh mur ke jo kãgter kãn. Topẽ vĩ tó tĩ ag ja vẽ, pã'i mág ag ja vẽ, hã kỹ ag tóg ãjag tỹ nén vég mũ ve sór tãvĩ ja nỹtĩgtĩ. Hã ra ag tóg ve ja tũ nĩ. Mẽ ja tũ ag tóg nĩ gé, ãjag tỹ ũri nén mẽg mũ ti. Ãjag hã ne mẽg mũ inhhã',” he tóg.

Lucas 10:26

Kỹ tóg ti mỹ: “ne nỹ hỹn rán kỹ nĩ, Topẽ vĩ ki?” he mũ. “Topẽ jykre tỹ ne han jé ã ke mũ, hỹn'? To ke há ã tóg nĩ, ha inh mỹ tó,” he tóg.

Lucas 18:18

Kỹ kejẽn pã'i ũ tóg ti mỹ: “Senhor', há ã tóg jẽ,” he mũ. “Sỹ rĩr krỹg ja tũ venh há tóg tĩ. Sỹ ve jé inh hỹn vẽjykre há tỹ ne han ke mũ?“ he tóg.

Lucas 7:30

Hã ra Fariseu ag tóg João vĩ jẽmẽ jãvãnh ja nỹtĩgtĩ, Topẽ vĩ to ẽg kanhrãn tĩ ag ke gé. Hã kỹ ag tóg Topẽ tỹ ag mỹ nén han sór mũ ẽn tỹ ti mỹ nenh ja nĩgtĩ gé. Hã kỹ João tóg ag kygpe ja tũ nĩgtĩ gé,” he tóg.

João 8:6

Ag tỹ ón kỹ ti vĩ mẽ sór vẽ, ag tỹ ti vĩ to ti se jé. Hã ra tóg pãnh ke kỹ nĩ kỹ ga kri rán mũ, ti nĩgé tỹ. Vĩ tũ tóg nĩ.

Galácia 3:18

Topẽ tóg ti vĩ hã tugrĩn Abraão kren han. Kỹ ẽg tóg Topẽ tỹ ẽg mỹ: “ẽn ve jé ãjag tóg ke mũ,” hen kỹ venh ke mũ, Abraão nón, ti krẽ'krẽ ag kã ũn pir tũgnĩn, hã vỹ Jesus, he mũ.