Lucas 10:24 - O Novo Testamento na língua Kaingáng

²⁴ Ki hã sóg tó mũ, ha mẽ. Ũ tỹ hẽn ri ke ag vỹ inh ve sór tãvĩ ja nỹtĩgtĩ, vãsỹ. Hã ra ag tóg inh mur ke jo kãgter kãn. Topẽ vĩ tó tĩ ag ja vẽ, pã'i mág ag ja vẽ, hã kỹ ag tóg ãjag tỹ nén vég mũ ve sór tãvĩ ja nỹtĩgtĩ. Hã ra ag tóg ve ja tũ nĩ. Mẽ ja tũ ag tóg nĩ gé, ãjag tỹ ũri nén mẽg mũ ti. Ãjag hã ne mẽg mũ inhhã',” he tóg.

Lucas 10:24 Iomraidhean Croise

Mateus 13:16

“Ag jãvo ãjag hã vỹ, nĩgrẽg há nỹtĩ, hã kỹ ãjag tóg, jẽmẽ há han mũ.

Lucas 10:23

Kỹ tóg vyr mỹ ti mré mũ tĩ ag mỹ: “ãjag hã ne Topẽ jykre vég mũ',” he mũ. “Sér pẽ ti tĩ.

Lucas 10:25

Kỹ vãhã Topẽ vĩ to ẽg kanhrãn tĩ ũ vỹ, ag kã mĩ jẽgnẽ mũ. Ti tỹ ón kỹ Jesus ki jẽmẽ sór vẽ. Kỹ tóg ti mỹ: “Senhor',” he mũ. “Inh hỹn vẽjykre tỹ ne han mũ, isỹ rĩr krỹg ja tũ ve jé?” he tóg.

João 8:56

Ãjag jógjóg ve tỹ Abraão vỹ inh kurã ve sór ja nĩgtĩ, kỹ tóg kejẽn vé, kỹ tóg ti mỹ sér pẽ tĩ, ti tỹ inh kurã ven kỹ,” he tóg.

Hebreu 11:13

Topẽ ki ge kỹ nỹtĩn kỹ ag kãgter, Abraão, Isaque, Jacó. Topẽ vỹ, ag mỹ ga ẽn tó ja nĩ, hã ra ag tóg, ve ja tũ nĩ ver. Ag tỹ ve pẽ han tũ ra ag kãgter. Ve sĩ han ja ag tóg nĩgtĩ, kỹ tóg ag mỹ ẽg tỹ kór há tá nén ũ ve ẽn ri ke nĩ ja nĩgtĩ. Ag tỹ venh ke to tóg ag mỹ sér pẽ tĩ hã ra.

Hebreu 11:39

Ag tỹ Topẽ ki ge kỹ nỹtĩn kỹ tóg hã ra ag to há nĩ. Hã ra ag tóg tag ki ag tỹ nén ve sór mũ ẽn ve ja tũ nĩ ver, Topẽ tỹ ag mỹ: “nén ũ hapẽ ve jé ãjag tóg ke mũ,” he ja ẽn ti.