Lucas 10:22 - O Novo Testamento na língua Kaingáng

²² Kỹ tóg ti mré mũ tĩ ag mỹ: “inh jóg tóg inh mỹ tovãnh kãn, ti tỹ nén han ja kar ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé ijóg ki kanhró nĩ gé'. Inh hã ne ti ki kanhró nĩ'. Hã kỹ sóg ãjag mỹ ti kãmén jé kãtĩ mũ. Isỹ ũn kuprẽg mũ ag hã mỹ sóg ti kãmén tĩ,” he tóg.

Lucas 10:22 Iomraidhean Croise

Mateus 11:25

Kỹ tóg: “jóg',” he mũ. “Tỹ ã kanhkã tãn ag kãfór kar nĩ, kar kỹ ã tỹ ẽprã ke ag kãfór kar nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: ki kanhró mág inh nĩ, he mũ ag mỹ ã tóg, ã jykre ven ja tũ nĩ. Ag mỹ ã tóg kãmén ja tũ nĩ gé. Ũ tỹ gĩr ri ke ki kagtĩg ag hã mỹ ã tóg ven ja nĩ, ã jykre ti,” he tóg.

Mateus 11:27

Kỹ tóg ag mỹ: “inh jóg tóg, inh mỹ tovãnh kãn, ti tỹ nén han mũ kar ẽn ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé inh jóg ki kanhró nĩ gé'. Inh hã ne ti ki kanhró nĩ', isỹ tỹ ti kósin nĩn kỹ. Hã ra sóg ãjag mỹ ti kãmén jé kãtĩ mũ, sỹ ũn kuprẽg mũ ag mỹ, fag mỹ ke gé“ he tóg.

Mateus 28:18

Kỹ Jesus tóg, ag rã hã jẽ kỹ, ag mỹ: “nén kar vỹ tỹ, inh krẽm ke nĩ ha, kanhkã tá ke kar, ga tá ke kar ke gé,” he mũ.

João 1:18

Ẽg pijé Topẽ vég tĩ'. Kỹ ẽg kã mĩ ke ũ vỹ ti ve ja tũ nĩ gé. Ti kósin pir hã vỹ ẽg mỹ ti kãmén tĩ. Ti hã vỹ ti jóg mré nĩ nĩ, Topẽ mré.

João 10:15

Ri ke ti nĩ gé, inh panh mré. Inh ki kanhró tóg nĩ, kỹ sóg ti ki kanhró nĩ gé. Kỹ sóg inh mẽg jagfy ter ke mũ.

João 13:3

Hã ra Jesus tóg ki kanhró nĩ, ti tỹ Topẽ tá kãtĩg ja ẽn ki, kỹ tóg ki kanhró nĩ gé, ti tỹ ra tĩg mãn ken ki. Kỹ Topẽ tóg ti tar han mũ gé, ti tỹ nén ũ kar ki ag mỹ tỹ ũn mág jẽ jé. Ẽn ki kanhró tóg nĩ gé.

João 17:10

Ha vé, isũ kar vỹ tỹ ã tũ nỹtĩ, kỹ ã tũ kar vỹ tỹ isũ nỹtĩ gé. Ag hã tugrĩn sóg tỹ ũn mág nĩ, ũ tỹ inh ki ge kỹ nỹtĩ ẽn ag hã tugrĩn, fag ke gé.

João 17:2

Ẽprã ke kar kri ã tóg inh fẽg, isỹ ã tỹ inh mỹ ũn vin mũ ag mỹ rĩr krỹg ja tũ ven jé, fag mỹ ke gé.

João 17:26

Ag mỹ sóg ã kãmén huri, kỹ sóg fag mỹ ã kãmén mãn ke mũ gé, ag tỹ jagnẽ to há nỹtĩ jé, fag tỹ ã tỹ iso há tag ri ke nỹtĩ jé. Kỹ sóg ag mré ẽmãn ke mũ gé,” he tóg, Jesus ti, ti panh mré vẽmén kỹ.

João 17:5

Vãsỹ, ẽg tỹ ga tag han tũg ki sóg ã mré nĩ ja nĩgtĩ, ẽn kã sóg tỹ ũn mág pẽ nĩ ja nĩgtĩ, ã mré. Ẽn han mãn nĩ, inh mỹ. Isỹ tỹ ũn mág pẽ nĩ han mãn nĩ, panh'.

João 3:35

Topẽ vỹ ti kósin to há tãvĩ nĩ, kỹ tóg ti mỹ nén (ũ) kar tovãnh, ti hã tỹ ki rĩr jé.

1 Corinto 15:24

Kỹ vãhã kurã tỹ ẽgno vẽ sir. Kurã ẽn kã Jesus vỹ Topẽ mỹ: “ã hã ne tỹ ẽg kri ke jẽ ha',” henh ke mũ, ti panh mỹ. Ũri tóg tỹ pã'i mág nĩ ver, Cristo ti. Kỹ tóg pã'i ũ ag vĩ tỹ tũ' he kãn mũ, ũn jykre tar kar, ũ tỹ ẽg kãfór nỹtĩ kar. Hã jé tóg tỹ pã'i mág nĩ, Cristo ti.

2 Corinto 4:6

Ha vé, ũ tỹ kutyg mũ ra kurãg han mũ ẽn tóg ẽg ki kurã han mũ gé sir, hã vỹ: Topẽ he mũ. Ẽg tỹ Cristo ve kỹ ẽg tóg Topẽ ki kanhrãn tĩ. Topẽ ve hã pẽ ti nĩ. Ẽg ki kurã to ken hã vẽ, hã vỹ: Topẽ ki kanhró, he mũ.

Éfeso 1:21

Ti tỹ tóg pã'i mág han, kỹ tóg tỹ pã'i kar ag kri ke jẽ, kanhkã tãn kar ag kri ke, ẽg tỹ ũn vég tũ kar ag kri ke, ũn tar ag, ũn mág ag. Kỹ ti jiji vỹ vẽnh kar ag jigji kãfór nĩ gé, ẽg tỹ ũri ũn tó mũ ag jigji, ẽg tỹ kar kỹ ũn tónh ke mũ ag jigji mré hã.

Hebreu 2:8

Kỹ ã tóg ẽg krẽm nén ũ kar vin kãn ke mũ,” he ja tóg nĩ, Topẽ mỹ, Topẽ vĩ tó tĩ ti. Ha vé, Topẽ vỹ ẽg krẽm nén ũ kar vin ja nĩ, ẽg tỹ tỹ nén ũ kar kri ke nỹtĩ jé. Kỹ nén ũ kar vỹ ẽg krẽm nỹtĩ. Hã ra ẽg tóg ver vég tũ nĩgtĩ.

1 João 5:20

Topẽ kósin vỹ kãtĩg ja nĩgtĩ, ẽg tỹ ti ki kanhrãn jé. Tag ki kanhró ẽg tóg nỹtĩ. Jesus Cristo ki ge kỹ ẽg nỹtĩ. Kỹ ti hã vỹ tỹ ẽg jykre nĩ. Ti panh hã vỹ tỹ Topẽ pẽ nĩ. Ti hã vỹ ẽg tỹ ẽg rĩr krỹg ja tũ venh ke han tĩ.

2 João 1:9

Ũ tóg Cristo kãme pãtén sór mũ. Ti vẽme pãte tóg ũ tó sór mũ. Ti tovãnh to ken hã vẽ. Ũ tỹ ge pijé Topẽ ki rã kỹ jẽ ha'. Ẽg tỹ Jesus kãme mĩ mũn kỹ ẽg tóg ẽg jóg mág ki ge kỹ nỹtĩ, ti kósin ki ke gé.