Lucas 10:21 - O Novo Testamento na língua Kaingáng

²¹ Kỹ tóg ti mỹ sér tĩ, óra ẽn kã. Topẽ kuprĩg tỹ ti krĩn kỹ tóg: “jóg',” he mũ. “Tỹ ã tóg kanhkã tãn ag kãfór kar nĩ, kar ã tóg tỹ ẽprã ke ag kãfór nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: “ki kanhró mág inh nĩ,” he mũ ag mỹ ã tóg ã jykre ven ja tũ nĩ. Ũ tỹ ki kagtĩg ag hã mỹ ã tóg ã jykre nĩm ja nĩ. Kỹ tóg há tãvĩ nĩ, jóg',” he tóg.

Lucas 10:21 Iomraidhean Croise

Mateus 16:17

Kỹ Jesus tóg ti mỹ: “Simão', João kósin',” he mũ. “Ẽprã ke tỹ ã mỹ tó pijé', inh jóg tỹ kanhkã tá nĩ ẽn tỹ ã mỹ tó vẽ. Hã kỹ tóg ã ve há han mũ, Topẽ ti,” he tóg.

Mateus 21:16

Hã kỹ ag tóg ti mỹ: “ã mỹ ag prẽnprẽr mẽg tũ'?“ he mũ. Kỹ tóg ag mỹ: “hã ra Topẽ vĩ rá to jykrén nĩ,” he mũ. “Ũn kãsir ag vỹ iso vĩ há han tĩ. Ũn pafa tĩ ag vỹ inh mỹ vĩ há han tĩ. Ã hã ne tag han', ũn kãsir ag tỹ inh mỹ vĩ há han jé, he tóg, Topẽ vĩ tỹ rán kỹ nĩ ki,” he tóg, Jesus ti.

Mateus 3:7

Kỹ pã'i tỹ Fariseu ag vỹ ti tá junjun mũ gé sir, pã'i tỹ Saduceu ag ke gé. Ón kỹ ag tóg ti to kãmũ mũ, ti tỹ ag kygpe jé. Kỹ tóg ag jyvẽn tar han mũ sir. “Pỹn ri ke ãjag nỹtĩ, ãjag jykre pãno nỹtĩn kỹ,” he tóg ag mỹ. “Ũ nỹ ãjag mỹ: Topẽ vỹ ãjag to jũnh ke tũ nĩ, he tĩ'?

Marcos 10:15

“Sỹ ke há vẽ. Gĩr ag vỹ iso hapẽ nỹtĩ. Ũn kãsir tag fag ri ke nỹtĩm nĩ. Ke tũ nĩ mũ ra ãjag tóg fag jãvo venh ke tũ pẽ nĩ,” he tóg.

Lucas 15:5

Ti tỹ ti ve kỹ ti fe tóg mrin ke mũ sir. Kỹ tóg ti nunh kri ti fi kỹ kãtĩ mũ sir.

Lucas 15:9

Vãhã fi tóg ve mãn mũ sir. Kỹ fi tóg fi mré ke kar fag jé prẽr mũ. Kỹ fi tóg fag mỹ: “inh mré to mỹ sér,” he mũ. “Inh jãnkamy vỹ vãfor ja nĩ, hã ra sóg ve mãn mũ,” he fi tóg mũ.

João 11:41

Kỹ ag tóg pó ẽn kunũg mũ. Kỹ tóg kanhkã ki ẽvãnh kỹ: “panh', inh mỹ tóg há tĩ. Inh vĩ tag jẽmẽg ã tóg mũ,” he mũ.

2 Corinto 4:3

Kỹ ũ tóg kejẽn isỹ Jesus kãme sér tó mũ ẽn ki kagtĩg nỹtĩ. Ag mỹ tóg nén ũ péju kỹ nĩ ri ke nĩ. Ũ tỹ vãgfor kỹ nỹtĩ ag vẽ, hã kỹ ag tóg ki kanhrãn tũ nĩgtĩ.

Éfeso 1:11

Ẽg tỹ Cristo ki ge kỹ nỹtĩn kỹ ẽg tóg tag venh ke mũ gé. Hã jé Topẽ tóg ẽg kuprẽg ja nĩ. Nén kar to tóg jykrén há han tĩ, vẽsóg ki, kỹ tóg ẽg kuprẽg to jykrén ja nĩ gé.

Éfeso 1:5

Jesus Cristo tugrĩn ẽg tóg tỹ ti krẽ nỹtĩ. Ti hã ne vẽsóg ki ẽg kuprẽg ke to jykrén ja nĩgtĩ',