Lucas 10:20 - O Novo Testamento na língua Kaingáng

²⁰ Hã ra tag to mỹ há nỹtĩ tũg nĩ ver. Tag vỹ tỹ nén ũ tũ nĩ ver. Vẽjagrẽ kórég vỹ ãjag vĩ han, vẽnh kuprĩg ke gé. Hã ra tag to mỹ sér nỹtĩ tũg nĩ. Nén ũ vỹ ha pẽ nĩ, hã vỹ: ãjag jiji vỹ kanhkã tá ránrán kỹ nỹtĩ, he mũ, Topẽ livro ki, ãjag tỹ tá junjun jé,” he tóg.

Lucas 10:20 Iomraidhean Croise

Mateus 10:1

Kỹ Jesus tóg ũn tỹ 12 ag jé prẽr mũ. Kỹ tóg ag mỹ vẽjykre nĩm mũ sir, ag tỹ vẽjagrẽ kórég pan jé, ag tỹ ũn kagyga ag hynhan jé ke gé.

Mateus 26:24

“Tĩg jé sóg ke mũ, isỹ tỹ ẽprã ke fi kósin nĩn kỹ, hã kỹ tóg rán kỹ nĩ. Hã ra Topẽ tóg ũ tỹ ag mỹ inh fẽg ke mũ ẽn mỹ vĩ kónãn pẽ han ke mũ. Ti mur tũ nĩ ra tóg ti mỹ há tĩ vẽ,” he tóg.

Mateus 27:5

Hã ra ag tóg ti mỹ: “ẽg tũ pijé', ã tũ hã nẽ',” he mũ. Kỹ tóg jãnkamy ẽn vãm mũ sir, Topẽ ĩn krẽm, kar kỹ tóg hẽn ra tĩ mũ sir. Tá tóg ti nunh kã vẽnh jãján mũ, kỹ tóg ter mũ sir.

Filipos 4:3

Kỹ sóg ã mỹ ke mũ gé, vỹ. Inh mré ã tóg ẽg Senhor rãnhrãj han tĩ. Kỹ fag jyvẽn nĩ, fag tỹ jagnẽ to há nỹtĩ jé. Clemente ag mré fag tóg Topẽ vĩ ti tó tĩ gé, vẽnh kar mỹ. Fag jigji vỹ ránrán kỹ nỹtĩ, Topẽ livro ki. Hã kỹ tóg vẽnhmỹ nĩ, fag tỹ jagnẽ to jũ ti.

Hebreu 12:23

Kỹ Topẽ krẽ sanh kar ag vỹ tá nỹtĩnh ke mũ gé, ũn tỹ Jesus ki ge kỹ nỹtĩ ag kar. Ag jigji vỹ kanhkã tá rán kỹ nỹtĩ. Kỹ Topẽ vỹ tá nĩ gé, ũ tỹ vẽnh kar jykre tugnỹm ke mũ ti. Kỹ ũ tỹ ẽg jo Topẽ ki ge kỹ nỹtĩ ag vỹ tá nỹtĩ gé, ũ tỹ ẽg jo tá junjun mũ ẽn ag.

Nén Venh Ke 13:8

Ẽprã ke kar ag vỹ ti to: “Topẽ vẽ,” he tĩ. Ag jãvo ũ ag jygji tóg ránrán kỹ nỹtĩ, Topẽ livro ki, ũ tỹ rĩr krỹg ja tũ venh ke mũ ẽn ag. Topẽ tỹ nén ũ kar han ke to hã tóg ag jygji ránrán ja nĩgtĩ, livro ẽn ki. Cordeiro tỹ ũn jagfy ter ja ẽn ag tũ vẽ, livro ẽn ti.

Nén Venh Ke 17:8

“Fi mẽg tag vỹ vãsỹ jẽ ja nĩgtĩ. Ũri tóg ki tũ nĩ, hã ra tóg kãnhmar nũgme tá kãkutẽnh ke mũ, Topẽ tỹ ti kókén pẽ han jé. Kỹ tóg ẽprã ke ag mỹ e tĩnh mũ, ag tỹ fi mẽg tag ven kỹ, ũn jygji tỹ Topẽ livro ki rán kỹ nỹtĩ tũ ag mỹ. Topẽ tỹ nén ũ kar han to hã tóg ag rán ja tũ nĩ. Kỹ ag tóg rĩnrĩr ke tũ nĩ. Vãsỹ tóg nĩ ja nĩgtĩ. Kỹ tóg ver ki tũ nĩ. Hã ra tóg kejẽn kãtĩg mãn ke mũ.

Nén Venh Ke 20:12

Kỹ sóg vẽser kar vigvég mũ, ũn mág ag, ũn kãsir ag ke gé. Nĩgja kupri ẽn jo ag tóg nỹtĩ. Kỹ livro vỹ tá nỹtĩ gé. Livro ẽn kygvãg ag tóg mũ. Vẽnh kar jykre vỹ ki ránrán kỹ nỹtĩ. Kỹ livro ũ vỹ tá nĩ gé. Ẽn kavãg ag tóg mũ gé. Ũ tỹ rĩr krỹg ja tũ venh ke mũ ag jygji vỹ ki ránrán kỹ nỹtĩ. Kỹ Topẽ tóg ũn kãgter mũ kar jykre tugnỹm ke mũ. Kỹ tóg ag mỹ ag tỹ nén venh ke mũ ti tónh ke mũ. Ag tỹ ag jykre tỹ livro ki ránrán kỹ nỹtĩ ẽn kajãm kãn ke vẽ.

Nén Venh Ke 20:15

Kỹ ũn jygji tỹ Topẽ livro ki ránrán kỹ nỹtĩ tũ ẽn ag vỹ pĩ gru fir ẽn kã ki vár kãn ke mũ.

Nén Venh Ke 21:27

Hã ra nén ũ kórég vỹ kãrãnh ke tũ pẽ nĩ. Ũ tỹ vẽjykre pãno han mũ ag vỹ ra genh ke tũ nĩ, ũn ón mũ ag ke gé. Ũn jygji tỹ livro ki ránrán kỹ nỹtĩ ẽn ag hã vỹ ra genh ke mũ. Ũ tỹ rĩr krỹg ja tũ vég mũ ẽn ag jygji vỹ ránrán kỹ nỹtĩ, cordeiro livro ẽn ki.

Nén Venh Ke 3:5

Ũ tỹ isovãnh tũ ẽn ag vỹ kur kupri ẽn rĩnh kãn ke mũ. Ag jigji kykũnh ke tũ inh nĩ, inh livro ki. Ũn rĩnrĩr ke mũ ag jygji vỹ ki ránrán kỹ nỹtĩ. Ẽn ag jigji tó jé sóg ke mũ, inh panh mỹ, ti tỹ jẽgnẽ jafã kar ag mỹ ke gé, he tóg, hem nĩ, vẽnh rán ki,” he tóg, inh mỹ, ũ tỹ tỹ ẽprã ke nĩ ve ẽn ti.