Lucas 10:2 - O Novo Testamento na língua Kaingáng

² Kỹ tóg ag mỹ: “ũ tỹ mẽ ja tũ ag tóg inh mỹ ẽkré ri ke nỹtĩ,” he mũ.“Kejẽn ẽg jakré tóg éhé nỹgtĩ, hã ra ag pipir nỹtĩ, ũ tỹ krenh ke mũ ag. Ge ti nĩgtĩ, inh vĩ ti. Ũn e ag tóg inh ki ge sór mũ nĩ, hã ra ũ tỹ ag mỹ tónh ke tóg tũ tĩ. Hã kỹ Topẽ mré vĩm nĩ, ti tỹ ũ tỹ ag mỹ tónh ke mũ ag jẽgnẽ jé,” he tóg.

Lucas 10:2 Iomraidhean Croise

Mateus 20:1

Kỹ Jesus tóg ag mỹ: “Topẽ tỹ tỹ ẽg pã'i nĩ vỹ patrão tỹ ti camarada jãvãnh ri ke nĩ,” he mũ. “Kusã ki 6 horas ki tóg, ag jãvãnh tĩ mũ, ag tỹ ti jakré tỹ uva ki rĩr jé.

Marcos 13:34

Ũ pasanh tĩg ri ke vẽ. Ti tỹ ti ĩn ki kutẽ kỹ tóg ti mỹ rãnhrãj tĩ ag mỹ: “ijo ki rĩr,” he mũ, Kỹ tóg ũ tỹ jãnkã ki rĩr tĩ ẽn mỹ: “ã kanẽ nĩm nĩ,” he mũ gé.

Marcos 16:15

Kỹ tóg ag mỹ: “ga kri mũ kỹ ẽmã kar mĩ vẽnh vĩ sér kãmén nĩ, Topẽ tỹ há kar ag mỹ,” he mũ.

Marcos 16:20

Kỹ ti mré mũ tĩ ag tóg ẽmã kar mĩ mũ mũ sir. Vẽnh vĩ sér ẽn tugtó ag tóg mũ sir. Kỹ ẽg Senhor tóg ag tar han tĩ nĩ. Ag vĩ kóm tóg ẽg tỹ nén han vãnh ẽn hynhan mũ. Hã vẽ.

Lucas 9:1

Kỹ tóg ũ tỹ 12 (ke) ẽn ag jé prẽr mũ. Ag vẽnh mãn kỹ tóg ag tar han mũ sir, ag tỹ vẽjagrẽ kórég pan jé, ag tỹ ũn kagyga ag tỹ há' he jé gé.

Han Kãme 11:19

Ag tỹ Estêvão tén kar kỹ Jesus ki ge kỹ nỹtĩ ag tóg vẽnh kãpugpóv kãn mũ, ag tỹ ag vóg kónãn kỹ. Kỹ ag tóg ga tỹ Fenícia ra mũ mũ, goj vãso tỹ Chipre ra, ẽmã tỹ Antioquia ra ke gé. Ag mũn kỹ ag tóg Judeu ag hã mỹ Topẽ vĩ tó mũ.

Han Kãme 13:2

Kejẽn ag tóg jagnẽ mỹ Topẽ jykre tó mũ, ag jẽg tũ nĩn kỹ. Kỹ Topẽ kuprĩg tóg ag mỹ: “Barnabé fẽg ra, Saulo mré,” he mũ, “ag tỹ inh rãnhrãj han jé, isỹ nén to jykrén mũ ẽn ti, ag tỹ inh jykre tó jé, vẽnh kar mỹ,” he tóg.

Han Kãme 13:4

Kỹ Topẽ kuprĩg tóg ag jẽgnẽg mũ, kỹ ag tóg ẽmã tỹ Selêucia ra mũ mũ. Tá junjun kỹ ag tóg goj vãso tỹ Chipre ra mũ mũ, canoa mág kã mĩ.

Han Kãme 20:28

Vẽnh ki rĩrm nĩ, vẽso jykrén kỹ. Kỹ Jesus ki ge mũ kar ag ki rĩrm nĩ gé. Topẽ kuprĩg vỹ ãjag tỹ ag to pã'i hynhan, kỹ ag ki rĩr há han nĩ. Ti kyvénh tỹ tóg ãjag kygjãm mỹr, Jesus ti. Ti mỹ ãjag tóg tỹ ti mẽg ri ke nỹtĩ. Kỹ ti mẽg ẽn jẽn nĩ.

Han Kãme 22:21

Hã ra tóg inh mỹ: vó, ha tĩg. Kór há ra sóg ã jẽnẽnh mũ, fóg kar to, kanhgág kar to ke gé, he mũ,” he tóg, Paulo ti.

Han Kãme 8:4

Ũ tỹ vẽnh kãpugpóv mũ ẽn ag vỹ vẽnh kar mỹ vẽnh vĩ sér tugtó mũgtĩ, Topẽ vĩ ti.

1 Corinto 12:28

Kỹ Topẽ tóg ũ tỹ igreja ki ke kar mỹ vẽnh rãnhrãj vin kãn, ẽg mỹ. Ẽg kã mĩ ũ ag vin tóg, ag tỹ tỹ apóstolo nỹtĩ jé. Tag pãte tóg ũ ag vin, ag tỹ jagnẽ jyvẽn jé. Kar kỹ tóg ũ ag vin, ag tỹ tỹ ti vĩ tó tĩ nỹtĩ jé. Kar tóg ũ ag vin, ag tỹ ẽg tỹ nén han vãnh hynhan jé, ag tỹ ũn kagyga tỹ há' he jé ke gé. Kar tóg ũ ag vin, ag tỹ ũ jagãgtãn jé. Kar tóg ũ ag vin, ag tỹ tỹ igreja krẽm tỹ pã'i nỹtĩ jé. Kar tóg ũ ag vin, ag tỹ ẽg tỹ vẽnh vĩ ki kagtĩg ki Topẽ mré vẽmén jé.

1 Corinto 15:10

Hã ra Topẽ tóg inh jagãgtãn. Hã kỹ tóg isỹ apóstolo han mũ. Kỹ ti pijé fagrĩnh mỹ inh jagãgtãn'. Rãnhrãj mág han inh mỹr, ag rãnhrãj kãfór kar. Hã ra sóg inh pir mỹ han tũ nĩgtĩ. Topẽ hã ne isar han tĩ', inh rãnhrãj to'.

2 Corinto 6:1

Topẽ mré sóg rãnhrãj tĩgtĩ. Hã kỹ sóg ãjag jyvẽn mũ, ãjag tỹ Topẽ vĩ ki króm jé. Ãjag tỹ ti vĩ ki króm tũ nĩn kỹ tóg fagrĩnh mỹ ãjag jagãgtãn mũ.

Filipos 2:21

Vẽnh kar ag vỹ: “inh rãnhrãj vỹ inh kutãn mũ,” he kãn mũ. Hã kỹ ag tóg Jesus rãnhrãj han tũ nĩgtĩ.

Filipos 2:25

Hã ra tóg sỹ vẽsỹmér ũ jẽnẽnh há tĩ, ãjag to. Hã kỹ sóg Epafrodito mỹ: “ha ag to vỹn ké,” he mũ. Ãjag hã ne ti jẽnẽ ja nĩgtĩ', ti tỹ inh ki rĩr jé. Kỹ tóg inh mỹ há tĩ. Inh mré tóg Topẽ rãnhrãj han tĩ mỹr. Kỹ tóg inh kóm Topẽ vĩ to jagtar nĩ gé.

Filipos 2:30

Cristo rãnhrãj tugrĩn tóg ter kren mỹr. Hã ra tóg tovãnh ja tũ nĩ. Hã kỹ tóg inh ki rĩr há han. Ãjag jẽgja kã jẽg kỹ tóg inh ki rĩr há han. Ũ tỹ ge mỹ vĩ há han nĩ.

Colossos 1:29

Hã to sóg vãsãn tĩ, kỹ sóg to ron tĩ gé. Ti hã ne isar han tĩ', ti tar nĩn kỹ.

Colossos 4:12

Epafras vỹ ãjag mĩ ẽkrég tĩ gé, ãjag mré ke tag ti. Jesus Cristo rãnhrãj han kỹ tóg jẽ nĩ. Ãjag to tóg Topẽ mré vẽmén tĩ. To krónh ke tũ ti nĩgtĩ, ãjag tỹ kygnẽg tũ nĩn jé, ãjag tỹ Topẽ tỹ ẽg ki nén ve sór mũ ẽn hã han sór jé, ãjag tỹ tag hã to tar nỹtĩ jé.

1 Tessalônica 2:9

Inh kanhkã', inh rãnhrãj to jykrén nĩ. Inh rãnhrãj vỹ inh kutãn tĩ. Kuty ki sóg inh rãnhrãj han tĩ, kurã ki ke gé, isỹ inh jẽn kajãm jé. Hã kỹ sóg ãjag jẽn ko ja tũ nĩgtĩ. Topẽ vĩ hã tó ja sóg nĩ, ãjag kanhrãn kỹ.

1 Tessalônica 5:12

Inh kanhkã', nén ũ tó jé sóg ke mũ gé. Ãjag kã mĩ ũ ag tóg tỹ ãjag kófa nỹtĩ, igreja to, Jesus mré ke ũ ag. Ãjag jyvẽn ag tóg tĩ. Ãjag to ag tóg vãsãn tĩ.

2 Tessalônica 3:1

Inh kanhkã', vãhã sóg ãjag mỹ nén ũ to vĩ mũ gé. Iso Topẽ mré vĩm nĩ, ẽg Senhor vĩ tỹ kãnhmar vẽnh kar kri rũm ke jé, vẽnh kar tỹ ti vĩ to há nỹtĩ jé, ti mỹ vĩ há han jé, ag tỹ ãjag ri ke nỹtĩ jé.

1 Timóteo 4:10

Vẽjykre kuryj ẽn ve jé sóg inh rãnhrãj to vãsãn mũ. Topẽ hã ki ẽg tóg nén ũ kar vég tĩ. Hã kỹ sóg ti hã to vãsãn mũ. Rĩr ti nĩ, ẽg jóg tỹ Topẽ ti. Ti hã ne ẽg kren han tĩ', vẽnh kar ag, ũ tỹ ti ki ge kỹ nỹtĩ ag, fag mré hã.

2 Timóteo 4:5

Ag jãvo nén ũ kar to jykrén há han nĩ. Ã tỹ nén ũ jagy ve kỹ kato tar nĩm nĩ. Cristo kãme sér ẽn kãmén nĩ, vẽnh kar mỹ. Ã rãnhrãj ki rĩr há han nĩ gé.

Filemom 1:1

Paulo tỹ rá vẽ, inh. Isỹ se kỹ jẽ ra rá vẽ. Kỹ ẽg régre tỹ Timóteo vỹ inh mré rán mũ gé. Isỹ Filemom mỹ rán hã vẽ. Ã to há tãvĩ sóg nĩ, Filemom'. Inh mré ã tóg Cristo rãnhrãj han tĩ gé.

Hebreu 3:6

Cristo vỹ tỹ Topẽ kósin nĩ. Kỹ tóg Topẽ tũ ag ki rĩr há han tĩ. Hã ra ag tóg tỹ ti tũ nỹtĩ, ti ĩn krẽm ke kar ẽn ag, fag ke gé. Ẽg hã vẽ. Ti tũ vỹ tỹ ẽg nỹtĩ, ẽg tỹ ti to tar nỹtĩn kỹ, ẽg tỹ ti kãmén há han kỹ, ti tỹ ẽg mỹ sér nĩn kỹ, ẽg tỹ tá nén venh ke ti.

Nén Venh Ke 2:1

“Ũ tỹ ẽmã tỹ Éfeso tá inh mré ke ag ki rĩr mũ ẽn mỹ tag rán nĩ, ha mẽ,” he tóg. “Ũ tỹ ã mỹ vẽnh vĩ jẽnẽg mũ vỹ ti pẽgja tỹ krĩg tỹ 7 (ke) génh kỹ jẽ nĩ, hem nĩ. Kỹ tóg néj tỹ kri vin jafã tỹ 7 (ke) kã mĩ tĩ mũ gé, hem nĩ.