Lucas 10:19 - O Novo Testamento na língua Kaingáng

¹⁹ Ti kri ke vỹ tỹ inh nĩ. Ha vé, ãjag to sóg vãsãn mũ, pỹn tỹ ãjag kókég tũ nĩ jé, ãjag tỹ ti sãn mũ ra, pỹn kakrã ke gé, Nén-Kórég kar ag ke gé. Ũ vỹ ãjag kókén ke tũ pẽ nĩ gé.

Lucas 10:19 Iomraidhean Croise

Marcos 16:18

“Ag tỹ kejẽn pỹn kãgmĩg mũ ra, veneno kron mũ ra tóg, ag tỹ hẽ ri kenh ke tũ nĩ,” he tóg. “Ũn kagyga ag mẽgmẽ jé ag tóg ke mũ gé, ag nĩgé tỹ, kỹ ag tóg sir krenkren ke mũ, fag ke gé“ he tóg.

Lucas 11:12

Kejẽn tóg ãjag mỹ garĩnh ovo to vĩ mũ. Kỹ ãjag pijé ti mỹ pỹn kakrã nĩm ke mũ'. Garĩnh ovo hã nĩm jé ãjag tóg ke mũ.

Han Kãme 28:5

Kỹ tóg pỹn tỹ pĩ ki kãvén mũ. Hã ra tóg kaga tũ nĩ, ti nĩgé ti, Topẽ tỹ ti tỹ há' hen kỹ.

Roma 16:20

Topẽ vỹ ẽg krĩ kuprãg tĩ. Kãnhmar tóg ẽg mỹ Satanás tỹ tũ' henh ke mũ gé, ha vem nĩ. Kỹ tóg ãjag vóg mãn ke tũ nĩ ha. Ẽg Senhor tỹ Jesus mỹ sóg to vĩ tĩ, ti tỹ ãjag mỹ ti tỹ nén ũ há ẽn vin jé.

Nén Venh Ke 11:5

Ũ tỹ ag kato vãsãn kỹ ag tóg pĩ tỹ ag jẽnkã tá kãkutẽ mũ ẽn tỹ ag tỹ tũ' he tĩ, ũ tỹ ag kato vãsãnsãn mũ ag tỹ. Hã kỹ ag kãgter kãn' he tĩ, ũ tỹ ag vóg kónãn sór mũ ag.