Lucas 10:13 - O Novo Testamento na língua Kaingáng

¹³ Kỹ tóg: “sỹ ẽmã tỹ Corazim ki ke ag mỹ tag tó sór vẽ, ẽmã tỹ Betsaida ki ke ag mỹ ke gé,” he mũ. “Kórég ve jé ãjag tóg ke mũ,” he tóg. “Ẽg tỹ nén han vãnh tỹ hẽn ri ke hynhan isóg ãjag mỹ, hã ra ãjag tóg ãjag jykre tugvãnh sór tũ nĩgtĩ,” he tóg. “Ẽmã tỹ Tiro tá, ẽmã tỹ Sidom tá sóg ẽg tỹ nén han vãnh ẽn hynhan ja tũ nĩ. Sỹ tá hynhan ra ag tóg ag jykre kórég tugvãnh ke mũ vẽ, vãsỹ,” he tóg. “Ag jykre pãno to ag jykrén ke mũ vẽ, kygfỹ jé ag tóg ke mũ vẽ, ag mỹ ti e tĩnh mũ vẽ, sỹ ag mỹ tó ra. Ag jãvo ãjag tóg to jykrén sór tũ pẽ nĩ',” he tóg.

Lucas 10:13 Iomraidhean Croise

1 Timóteo 4:2

Ũ tỹ tỹ Japo mré ke nĩ hã vỹ ónón tĩ. Hã kỹ ag tóg ũn tỹ ge vĩ jẽmẽ kỹ Jesus tovãnh ke mũ, fag ke gé. Jykre régre han ag tóg tĩ. Ag jykre há tỹ tũ' he ja ag nĩgtĩ, kỹ ag tóg ki kagtĩg nỹtĩ ha. “Vẽnh vĩ há vẽ,” he ag tóg tĩ ha, vẽnh ó to.

Nén Venh Ke 11:3

Ũ tỹ inh vĩ tó tĩ régre ag jẽgnẽ jé sóg ke mũ. Kur kórég rĩnh kỹ ag tóg isỹ ag mỹ nén tónh ke mũ ẽn tónh ke mũ, kurã tỹ 1260 (ke) ẽn ki,” he tóg inh mỹ, ag kã mĩ ũ ti.