Lucas 1:80 - O Novo Testamento na língua Kaingáng

⁸⁰ Zacarias fag tỹ João ve jan hã vẽ, fag tỹ kófa nỹtĩ ra. Kỹ tóg fag mỹ mog mũ sir. Tar tóg jẽ sir. Krĩ há tóg nĩ gé. Kỹ tóg ẽmã tũ mĩ tĩ mũ ver, ti tỹ povo tỹ Israel ag mỹ Topẽ vĩ kãmén ke jo.

Lucas 1:80 Iomraidhean Croise

Mateus 11:7

Kỹ ag tóg mũ mũ sir, João mỹ tó jé. Ag mũ kar kỹ tóg, vẽnh e ag mỹ ti kãmén mũ. “Ãjag tỹ ẽmã tũ ja ra mũn kỹ, ti ve jé, kỹ ti jykre hỹn ne ri ke nĩ, ãjag mỹ?“ he tóg. “Ti jykre mỹ kãka tỹ vãnh tỹ man man ke ri ke nĩ? Vó, ri ke tũ ti nĩ.

Mateus 3:1

Kejẽn João Batista tóg ẽmã tũ ja ra tĩ mũ, ga tỹ Judéia tá ga kórég ẽn ra. Tá jẽ kỹ tóg ag jyvẽn mũ sir.

Lucas 1:15

Topẽ vỹ ti tỹ ũn mág han ke mũ. Vinho kron ke tũ tóg nĩ. Goj fa kron ke tũ ti nĩ gé, nén ũ fa kar ti. Topẽ kuprĩg vỹ tỹ ti jagrẽ nĩnh mũ, fi tỹ ver ti vég tũ hã ra.

Lucas 2:40

Kỹ gĩr tóg mog mũ sir. Komẽr hã tóg tar jẽ sir. Kỹ tóg vẽnh kanhrãn há han mũ. Topẽ vỹ ti ve há han mũ gé.

Lucas 2:52

Kỹ tóg mog mũ sir. Krĩ há tãvĩ tóg nĩ. Topẽ vỹ ti ve há han mũ gé. Kỹ ti jykre tóg vẽnh kar mỹ há nĩ sir.

João 1:31

Inh pijé ti ki kanhró ja nĩ', hã ra sóg povo tỹ Israel ag kar kygpé, ag tỹ ti ki kanhrãn kãn jé,” he tóg.

Han Kãme 18:28

Judeu ag mré tóg vĩ tĩ, vẽnh kar jo. Ag mỹ tóg Topẽ vĩ tó tĩ, vãsỹ rán kỹ nĩ ẽn ti. Kỹ tóg ag mỹ Cristo kãmén mũ sir. “Cristo vỹ tỹ Jesus ti nĩ,” he tóg mũ, ag mỹ, Apolo ti.