Lucas 1:74 - O Novo Testamento na língua Kaingáng

⁷⁴ “ã krẽ'krẽ ag krenkren han jé sóg ke mũ, ũ tỹ ag kókén sór mũ ag jo, ha vem nĩ,” he ja nĩ. “Sỹ ag krenkren han kỹ ag tóg sir jatun mỹ isũ han ke mũ, mũmẽg tũ nĩn kỹ,” he ja tóg nĩgtĩ.

Lucas 1:74 Iomraidhean Croise

Lucas 1:71

Ũ tỹ hẽn ri ke ag vỹ ẽg kókén sór mũgtĩ, hã ra tóg ag jo ẽg krenkren han mũ, ũ tỹ ẽg to kórég tãvĩ nỹtĩ ag jo.

Lucas 1:73

Ẽg jógjóg ve tỹ Abraão mỹ tóg:

Lucas 1:75

“Nén ũ vẽnh mỹ han ke tũ ag tóg nĩ, kurã kãtĩg ke mũ ẽn kã. Ag tỹ ga kri mũn kỹ ag tóg vẽjykre kuryj tãvĩ han ke mũ, isũ han kỹ. Kurã kar ki ag tóg sir inh jykre hã han ke mũ,” he ja tóg nĩgtĩ, Topẽ ti, Abraão mỹ,” he tóg, Zacarias ti.

Roma 6:22

Ũri ãjag tóg kygvar kỹ nỹtĩ, mỹr, ha mẽ, Topẽ vĩ mranh ja ẽn tỹ tóg tũ' he ja nĩ. Topẽ mỹ ãjag vẽnh fẽg kỹ nỹtĩ. Ãjag tỹ nén han mũ vỹ tỹ ti tũ nĩ, ti jykre kuryj. Kỹ ãjag tóg ter ke tũ nĩ ha. Ãjag kuprĩg vỹ rĩr nĩ ha.

Roma 8:15

Ẽg tỹ tỹ Jesus jãvy nỹtĩn kỹ ti pijé ẽg kanẽ jun ke mũ'. Ti kuprĩg vỹ tỹ ẽg jagrẽ nĩ. Kỹ Topẽ pijé tỹ ẽg patrão kórég ri ke nĩ'. Tỹ tóg ẽg panh nĩ ha. Hã kỹ ẽg tóg ti mỹ: “Aba,” he tĩ, hã vỹ: “ẽg jóg,” he mũ, ẽg vĩ ki.

2 Timóteo 1:7

Topẽ vỹ ẽg mỹ ti kuprĩg jẽnẽ, ẽg kanẽ jur tũ nĩ jé, ẽg tar nỹtĩ jé, ẽg tỹ jagnẽ to há nỹtĩ jé, ẽg tỹ vẽso jykrén jé.

Hebreu 2:15

Kỹ tóg ẽg krenkren han ke mũ, ẽg tỹ ẽg ter ke kamẽg kỹ. Ẽg ter ke tugrĩn ẽg tóg nén tỹ ẽg tén ke mũ kar kamẽg tĩ. Hã ra Jesus tóg ẽg krenkren han mũ. Kỹ ẽg tóg nén ũ kamẽg mãn ke tũ nĩ ha.

Hebreu 9:14

Hã ra Cristo vỹ, ti kyvénh hã tỹ ẽg jãnhkri pẽ han. Topẽ kuprĩg tỹ ti krĩn kỹ tóg Topẽ mỹ vẽnh fẽg. Kygnẽ ja tũ pẽ ti nĩ, hã kỹ tóg há kar nĩ. Kỹ ẽg tóg vẽjykre kórég han mãn ke tũ nĩ sir, ẽg tỹ ẽg jykre si tugrĩn ter ke mũ ẽn ti. Vãhã ẽg tóg Topẽ tũ han há nỹtĩ, ũn rĩr nĩ ẽn tũ ti.

Nén Venh Ke 2:10

Ãjag jagtar han jé ag tóg ke mũ, isugrĩn. Mũmẽg tũg nĩ hã ra. Japo vỹ ãjag kato vãsãn ke mũ. Kỹ ag tóg vẽseja kã tá ãjag vãm ke mũ. Kurã tỹ 10 (ke) ki ke vẽ, ag tỹ ãjag vóg kónãn ke ti. Isovãnh tũg nĩ. Kỹ ãjag tóg rĩr krỹg ja tũ venh ke mũ. Kỹ tóg ãjag mỹ sér tĩnh mũ, he tóg,” hem nĩ, vẽnh rán ki,” he tóg inh mỹ.