Lucas 1:7 - O Novo Testamento na língua Kaingáng

⁷ Hã ra fag tóg krẽ tũ nỹtĩ. Kurĩ fi tóg nĩ, Isabel fi. Kỹ fag tóg krẽ tũ nỹtĩ ki kófa nỹtĩ ha.

Lucas 1:7 Iomraidhean Croise

Lucas 1:5

Kejẽn Herodes tóg tỹ Israel ag pã'i mág nĩ, ga tỹ Judéia tá. Ẽn kã Topẽ tũ ki rĩr tĩ tỹ Zacarias tóg nĩ nĩ. Ti jógjóg ve jijin hã vỹ: Abias, he mũ. Arão krẽ'krẽ ũ vẽ. Ti prũ fi jijin hã vỹ: Isabel, he mũ. Arão krẽ'krẽ fi vẽ gé.

Lucas 1:6

Ẽn fag vỹ Topẽ jykre hã han tĩ. Kygnẽ sór tũ fag nĩgtĩ. Hã kỹ fag tóg Topẽ mỹ há nỹtĩ.

Lucas 1:8

Kejẽn tóg Zacarias tỹ Topẽ tũ ki rĩr tĩg ke pétẽm mũ sir. Kỹ tóg Jerusalém ra tĩ mũ, ti tỹ tá ũ ag mré Topẽ tũ ki rĩr jé. Tá ag tóg sorteio han tĩ, ag tỹ ũ tỹ Topẽ mỹ nén ger há pũn ke mũ ẽn ve jé.

Roma 4:19

Topẽ tỹ Abraão mỹ ti kósin ke tag tó kỹ tóg 100 (ke) anos pétẽm. Si há ti nĩ ja nĩgtĩ, ti prũ tỹ Sara fi ke gé. Gĩr han vãnh fag nỹtĩ. Ẽn hã kã Topẽ tóg ti mỹ ti tỹ krẽ e hynhan ke tó ja nĩgtĩ. Kỹ tóg ti vĩ kri fi ja nĩgtĩ. To krónh ke ja tũ tóg nĩgtĩ. “Hỹ mỹ vỹ?“ he ja tũ ti nĩgtĩ, Topẽ vĩ tag to. Ti vĩ kri fi kỹ tóg Topẽ to: “ũn mág vỹ tỹ ti nĩ,” he ja nĩgtĩ.

Hebreu 11:11

Sara fi vỹ Topẽ ki rã kỹ nĩ ja nĩgtĩ gé, hã kỹ fi tóg fi kófa pẽ ra kufyg ja nĩgtĩ, Topẽ tỹ fag tỹ tag to tar han kỹ, Sara fi, fi mén tỹ Abraão mré. Ũ tỹ fag mỹ: “kósin jé ãjag tóg ke mũ,” he mũ ẽn vĩ kri fi kỹ fag tóg, ve ja nĩgtĩ.