Lucas 1:59 - O Novo Testamento na língua Kaingáng

⁵⁹ Ti mur kar kỹ kurã tỹ 8 (ke) ki ag tóg ti gré fár junun kym kãmũ mũ. Kỹ ag tóg ti panh jiji tỹ ti jijin sór mũ, hã vỹ: Zacarias, he mũ.

Lucas 1:59 Iomraidhean Croise

Lucas 2:21

Kar kurã tỹ 8 (ke) vỹ tũg mũ. Kỹ tóg gĩr sĩ ẽn gré fár junun kym ke kurã pétẽm mũ sir. Kỹ fag tóg ti jijin kỹ ti mỹ: Jesus, he mũ. Topẽ tỹ jẽnẽ jafã vỹ ti jiji tag tó ja nĩ, ti mỹnh fi tỹ ver ti tỹ kufyg tũ ki.

Han Kãme 7:8

“Kỹ tóg ti mỹ vẽjykre nĩm mũ, ti tỹ ti krẽ ag gré fár junun kym jé. Topẽ tỹ ag rán han hã vẽ. Kar kỹ Abraão tóg Isaque han mũ. Ti tỹ kurã tỹ 8 (ke) han kỹ tóg ti mỹ kym mũ. Isaque tỹ Jacó han kỹ tóg hã han mũ gé, kỹ Jacó tóg hã han mũ gé, ti tỹ ti krẽ tỹ 12 (ke) ẽn ag han kỹ, ẽg tỹ ũ to: “ẽg jógjóg kar“, he mũ ẽn ag.

Filipos 3:5

Vãsỹ inh jykre hã vẽ, ha mẽ. Isỹ kurã tỹ 8 (ke) han kỹ ag tóg inh gré fár junun kym, isỹ tỹ povo tỹ Israel krẽ nĩn kỹ, ẽg jógjóg ve tỹ Benjamim krẽ'krẽ ag kã ũ. Kỹ inh han mũ fag vỹ tỹ Judeu pẽ nỹtĩ. Inh mog kỹ sóg tỹ Fariseu nĩ. Hã ra Fariseu ag tóg Judeu ag jykre to tar tãvĩ nỹtĩ.