Lucas 1:53 - O Novo Testamento na língua Kaingáng

⁵³ Ũn jagtar ag mỹ tóg nén ũ há kar vin tĩ, ũ tỹ ti vĩ mẽ sór mũ ẽn ag kar mỹ. Ũn riko ag mỹ tóg: ha mũ jẽg, he tĩ. Kỹ tóg ag mỹ nén ũ nĩm tũ nĩgtĩ, kỹ ag tóg jagtar nỹtĩ ha, ũ tỹ ti vĩ mẽ jãvãnh ẽn ag, fag ke gé.

Lucas 1:53 Iomraidhean Croise

Mateus 5:6

“Topẽ vỹ ãjag ve há han mũ, ãjag tỹ vẽjykre kuryj ve sór nỹtĩn kỹ, ti tỹ ãjag mỹ ãjag kókĩr ri ke nĩn kỹ. Kỹ ãjag tóg venh ke mũ,” he tóg.

Lucas 1:54

Israel ag jagãgtãn tóg mũ, ti mỹ rãnhrãj tĩ ag, ti tỹ vãsỹ ag jagãgtãn ke ẽn to jykrén kỹ. Ẽg hã vẽ, ẽg jagãgtãn tóg.

Lucas 6:21

“Topẽ vỹ ãjag ve há han mũ, ãjag tỹ: inh kókĩr ri ke tóg tĩ, sỹ vẽjykre kuryj ve sór tĩ ẽn ti, hen kỹ. Kỹ ãjag tóg venh ke mũ,” he tóg. “Topẽ vỹ ãjag ve há han mũ, ãjag vẽsỹrénh mũn kỹ, ẽprã. Ãjag mỹ tóg sér tĩnh mũ, tá,” he tóg.

Lucas 6:24

“Hã ra Topẽ vỹ ãjag ve kónãn mũ, ãjag tỹ: “há ẽg tóg nỹtĩ,” hen kỹ. Ga kri mũn kỹ ãjag tóg nén ũ há vég tĩ, kỹ ãjag tóg kanhkã tá jun ke tũ nĩ,” he tóg.

João 6:35

Kỹ tóg: “inh hã vỹ tỹ ẽmĩ ẽn ri ke?? nĩ. Inh hã vỹ ãjag rĩnrĩr han ke mũ,” he mũ. “Ũ tỹ iso kãtĩ mũ ẽn vỹ kókĩr mãn ke tũ nĩ. Ũ tỹ inh ke rã mũ vỹ goj kron mãn sór ke tũ nĩ gé,” he tóg.

1 Corinto 1:26

Inh kanhkã', vẽso jykrén. Topẽ vỹ ãjag jé prẽr. Ãjag kã mĩ ũn kanhró mág ag vỹ pipir nỹtĩ. Ũn mág ag vỹ pipir nỹtĩ gé, ũn mág krẽ ag ke gé, fag ke gé. Ũ tỹ ge kuprẽg mág tũ ti nĩgtĩ, Topẽ ti.

1 Corinto 4:8

Tỹ ũn há nỹtĩ ve ãjag nỹtĩ, vẽnh mỹ. Riko nỹtĩ ve ãjag nỹtĩ, vẽnh mỹ. Tỹ ũn mág nỹtĩ ve ãjag nỹtĩ vẽnh mỹ, inh jãvo. Hỹ, há ti nĩ vẽ, ãjag tỹ tỹ ũn mág nỹtĩ ra. Kỹ sóg ãjag mré tỹ ũn mág nĩnh ke mũ gé vẽ vẽ. Hã ra tóg ke tũ tĩ.