Lucas 1:37 - O Novo Testamento na língua Kaingáng

³⁷ Topẽ hã ne nén kar han há nĩ'. Hã kỹ tóg isỹ ã mỹ tó mũ tag han ke mũ gé,” he tóg.

Lucas 1:37 Iomraidhean Croise

Mateus 19:26

Kỹ Jesus tóg ag ki ẽvãnh mũ, kỹ tóg ag mỹ: “ẽprã ke ag vỹ vẽsóg ki tá jun ke tũ nĩ,” he mũ. “Topẽ hã tóg ãjag tỹ tá jun han ki kanhró nĩ, ti tỹ nén ũ kar tỹ hẽ ri ken há nĩn kỹ,” he tóg, Jesus ti.

Marcos 10:27

Kỹ tóg ag mỹ: “ẽprã ke ag vỹ vẽnh kren han ki kagtĩg nỹtĩ,” he mũ. “Ag jãvo Topẽ tóg ẽg krenkren han ki kanhró nĩ. Topẽ hã tóg nén kar han ke ki kanhró nĩ inhhã,” he tóg.

Lucas 1:36

Ha vé, ã mré ke tỹ Isabel fi vỹ kufy nĩ ha, fi kófa ra. Kysã tỹ 6 (ke) han fi tóg huri, kufy nĩ ki. Fi to ãjag tóg: kurĩ fi tóg nĩ, he tĩ vẽ, hã ra fi tóg kufy nĩ ha.

Lucas 1:38

Kỹ fi tóg ti mỹ: “tỹ sóg Topẽ mỹ rãnhrãj tĩ fi nĩ,” he mũ. “Kỹ tóg inh mỹ há tĩ, ã tỹ inh mỹ tó mũ tag ti,” he fi tóg. Kỹ tóg tĩ mũ sir, Topẽ tỹ jẽnẽ jafã ti.

Lucas 18:27

Kỹ tóg ag mỹ: “ẽprã ke ag vỹ tá junjun ke tũ nĩ vẽ,” he mũ. “Hã ra Topẽ hã tóg ẽg tỹ tá junjun han ke mũ,” he tóg.

Filipos 3:21

Ti hã ne tóg ẽg han mãn ke mũ', ti kãtĩg kỹ'. Ẽg tỹ ga kri mũn kỹ ẽg tóg ver krój nỹtĩ, ẽg tỹ tỹ ẽprã ke nỹtĩn kỹ. Ti tỹ ẽg mỹ ẽg fár tãg han mãn kỹ ẽg tóg ti ri ke nỹtĩnh mũ, ti mág ri ke, ti tar ri ke, ti sĩnvĩ ẽn ri ke. Ti tar tugnĩn tóg nén kar tỹ ti krẽm ke han mãn ke mũ gé.