Lucas 1:32 - O Novo Testamento na língua Kaingáng

³² Tỹ tóg ũn mág jẽnh ke mũ. Kỹ ag tóg ti to: ũ tỹ kynhmỹ nĩ ẽn kósin vẽ, henh ke mũ. Ẽg jóg tỹ Topẽ vỹ, ti tỹ pã'i mág han ke mũ, vãsỹ ti jógjóg ve tỹ Davi jẽgja kã.

Lucas 1:32 Iomraidhean Croise

Mateus 1:1

Jesus Cristo jógjóg ve ag rán hã vẽ. Jesus Cristo vỹ tỹ Davi krẽ'krẽ nĩ, kỹ Davi vỹ tỹ Abraão krẽ'krẽ nĩ.

Mateus 12:42

Kỹ pã'i mág ẽn fi, ũ tỹ kuvar há tá kãtĩg ja ẽn fi vỹ ãjag mré nĩnh ke mũ gé, kurã tỹ ẽgno kã. Kỹ fi tóg ãjag mỹ vĩ kónãn ke mũ gé. Kuvar há tá fi tóg kãtĩg ja nĩgtĩ, vãsỹ, fi tỹ pã'i mág tỹ Salomão vĩ mẽ jé. Salomão kãfór vỹ tỹ inh nĩ, hã ra ãjag tóg inh vĩ jẽmẽ jãvãnh nỹtĩ,” he tóg, Jesus ti.

Mateus 28:18

Kỹ Jesus tóg, ag rã hã jẽ kỹ, ag mỹ: “nén kar vỹ tỹ, inh krẽm ke nĩ ha, kanhkã tá ke kar, ga tá ke kar ke gé,” he mũ.

Mateus 3:11

Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.

Marcos 14:61

Hã ra tóg hun ke kỹ jẽ nĩ, nén ũ tó mẽ kã. Kỹ pã'i mág ẽn tóg ti mỹ: “ã mỹ tỹ Cristo nĩ'? Ã mỹ tỹ Topẽ kósin nĩ'?” he mãn mũ.

Marcos 5:7

Prẽr tóg mũ, kỹ tóg: “!..Jesus'..!“ he mũ, “!..kynhmỹ Topẽ kósin'..! Ã isỹ hẽ ri kenh mũ,” he tóg. “!..Topẽ jiji tó kỹ sóg ã mỹ to vĩ mũ, ã tỹ inh vóg kónãn tũ nĩ jé..!” he tóg.

Lucas 1:15

Topẽ vỹ ti tỹ ũn mág han ke mũ. Vinho kron ke tũ tóg nĩ. Goj fa kron ke tũ ti nĩ gé, nén ũ fa kar ti. Topẽ kuprĩg vỹ tỹ ti jagrẽ nĩnh mũ, fi tỹ ver ti vég tũ hã ra.

Lucas 1:35

Kỹ tóg fi mỹ: “Topẽ kuprĩg vỹ ã kri tĩnh ke mũ, ti kãnhvég ti,” he mũ, “kỹ tóg ti jykre tỹ ã kósin ti han ke mũ. Hã kỹ ag tóg ti to: Topẽ kósin vẽ, henh ke mũ.

Lucas 1:76

Kỹ tóg ti kósin mỹ: “ha mẽ'!” he mũ. “Sĩ ã tóg nĩ ver. Ũ tỹ kynhmỹ nĩ ẽn vĩ tó jé ã tóg ke mũ, kỹ ag tóg ã to: Topẽ vĩ tó tĩ vẽ, henh ke mũ. Ẽg Senhor jo ã tóg tĩnh mũ, ã tỹ vẽnh kar mỹ Topẽ vĩ tó jé, kỹ ã tóg ti japry kure ri ke han ke mũ,” he tóg.

Lucas 3:16

Kỹ tóg ag mỹ: “inh pijé tỹ Cristo nĩ',” he mũ. “Goj hã tỹ sóg ãjag kygpég tĩ. Cristo vỹ Inh nón kãtĩg mũ, ha mẽ. Inh kãfór ti nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh jé. Hã ra sóg tỹ ti krẽm ke pẽ jẽ. Topẽ kuprĩg tỹ tóg ãjag jagrẽ han ke mũ, kỹ tóg pĩ ri ke nĩ,” he tóg.

Lucas 6:35

Ag jãvo ũ tỹ ãjag kato vãsãnsãn mũ ag to há nỹtĩm nĩ, ha mẽ. Vẽnh kar mỹ prestar hem nĩ, ag tỹ ãjag mỹ ãjag tũ nĩm tũ hã ra. Kỹ ãjag tóg kanhkã tá venh ke mũ, ãjag tỹ ũri nén han mũ tag ri ke ti. Hã ki ãjag tóg tỹ Topẽ krẽ nỹtĩ, ãjag tỹ ti ri ke han kỹ. Ti hã ne vẽnh kar mỹ vĩ há han kãn tĩ ver', ũn jykre kórég kar ag mré hã.

João 12:34

Kỹ vẽnh kar ag tóg ti mỹ: “hã ra ag tóg ẽg mỹ: “Cristo vỹ ter ke tũ nĩ,” he tĩ. Topẽ vĩ ki ti nẽji rán kỹ nĩ,” he mũ. “Jãvo ã tóg ẽg mỹ: ẽprã ke fi kósin ẽn tỹ ag tóg kynhmỹ ti sanh ke mũ, he mũ. Ũ to ke nẽ, hỹn, ẽprã ke fi kósin ẽn?“ he ag tóg.

João 6:69

“Ã ki ẽg ge kỹ nỹtĩ, kỹ ẽg tóg ã ki kanhró nỹtĩ. Cristo vỹ tỹ ã nĩ, Topẽ hã vỹ ã jẽnẽ ẽg to,” he tóg.

Han Kãme 16:17

Ẽn fi vỹ ẽg nón tĩ mũ, kỹ fi tóg jamã hára: “Topẽ pẽ mré rãnhrãj mũ ag vẽ mỹr,” he mũ. “Vẽnh kar kãfór mré rãnhrãj mũ ag vẽ mỹr. Ag hã ne tóg ãjag mỹ vẽnh vĩ há tó tĩ', ãjag tỹ to krenkren jé',” he fi tóg ẽg to.

Han Kãme 2:30

Ti tỹ ga mĩ tĩ mũn kã tóg Topẽ vĩ tó tĩ ja nĩgtĩ, Davi ti. Kỹ Topẽ tóg ti mỹ: ã krẽ'krẽ ag kã ũ vỹ tỹ pã'i mág nĩnh mũ, he ja nĩgtĩ. Ti tỹ Cristo kãtĩg ke tó jan hã vẽ.

Han Kãme 2:36

“Jesus tag, ãjag tỹ ka to ũn sãg mũ tag hã vỹ tỹ ẽg Senhor nĩ. Topẽ vỹ ti to: tỹ tóg Cristo nĩ, tỹ tóg vẽnh kar Senhor nĩ, he mũ. Ẽg povo tỹ Israel tỹ vẽnh vĩ tag kri finh ke vẽ,” he tóg, Pedro ti, ũ tỹ vẽnh mãn kỹ nỹtĩ ag mỹ.

Han Kãme 7:48

Kỹ tóg ag mỹ: “hã ra vẽnh kar kãfór ẽn tóg ẽg tỹ ti jo ĩn han mũ ẽn krẽm nĩ tũ nĩgtĩ mỹr,” he mũ. “Hã kỹ Topẽ vĩ tó tĩ ũ tóg ti to tag tó ja nĩ, ha mẽ.

Roma 1:4

Kỹ tóg tỹ ẽprã ke nĩ, Davi ri ke. Hã ra tóg tỹ Topẽ kósin nĩ gé, hã kỹ tóg ti ter kar kỹ ti rĩn mãn ja nĩ. Topẽ vỹ ti tỹ ũn mág han mũ gé sir, ẽg Senhor tỹ Jesus tỹ.

Nén Venh Ke 3:7

Kỹ tóg: “ũ tỹ ẽmã tỹ Filadélfia tá inh ki ge kỹ nỹtĩ ag ki rĩr mũ ẽn mỹ tag rán nĩ, ha mẽ,” he mũ gé. “Ũ tỹ ã mỹ vẽnh vĩ jẽnẽg mũ vỹ Davi tỹ jãnkã nón jafã vyn kỹ jẽ nĩ, chave ẽn ti, hem nĩ. Ti tỹ jãnkã ũ nón kỹ ũ tóg nĩfénh mãn ke tũ nĩ. Kỹ ti tỹ jãnkã ũ nĩfénh kỹ ũ tóg nón mãn ke tũ nĩ gé, hem nĩ, iso,” he tóg.