Lucas 1:26 - O Novo Testamento na língua Kaingáng

²⁶ Isabel fi kufy nĩ ki kysã tỹ 6 (ke) vẽ sir. Kỹ Topẽ vỹ ti tỹ jẽnẽ jafã tỹ Gabriel jẽnẽ mãn mũ, ti tỹ Jesus mur ke tónh tĩg jé. Kỹ tóg ga tỹ Galiléia ra tĩ mũ, ẽmã tỹ Nazaré ra.

Lucas 1:26 Iomraidhean Croise

Mateus 2:23

Kỹ tóg ẽmã tỹ Nazaré tá ẽmãn mũ. Hã ra tóg rán kỹ nĩ gé: “ti to ag tóg: Nazaré tá ke vẽ, henh ke mũ,” he ja tóg nĩ, Jesus to.

Lucas 1:19

Kỹ tóg ti mỹ: “tỹ sóg Gabriel nĩ,” he mũ. “Topẽ nĩgja tá inh jẽgtĩ. Hã ra tóg inh jẽnẽ, sỹ ã mỹ vẽnh vĩ sér tag tó jé,” he tóg.

Lucas 2:39

Kỹ fag tóg Moisés tỹ vẽnh kykũnh to nén rán ja ẽn han kãn mũ sir. Kar kỹ fag tóg sir fag jamã ra vỹnvỹn ke mũ, Nazaré ra.

Lucas 2:4

Kỹ José tóg tĩ mũ gé, ti prũnh ke fi mré, Maria fi. Ẽmã tỹ Nazaré tá fag tóg pa mũ. Kỹ fag tóg ga tỹ Judéia ra mũ mũ, ẽmã tỹ Belém ra, Davi jamã ja ra. Davi krẽ'krẽ vẽ, José ti. Kỹ ti prũnh ke fi vỹ ti mré tĩ mũ, hã ra fi tóg kufy jagy nĩ.

João 7:41

Kỹ ũ ag tóg ti to: “Cristo vỹ tỹ ti nĩ, Topẽ tỹ ẽg mỹ ũn jẽnẽg mũ ẽn vỹ tỹ ti nĩ,” he mũ gé. Hã ra ũ ag tóg: “Cristo mỹ hỹn ga tỹ Galiléia tá kãtĩ mũ vỹ?“ he mũ.