Lucas 1:25 - O Novo Testamento na língua Kaingáng

²⁵ “Topẽ hã ne inh jagãgtãn',” he fi tóg. “Inh ve tóg, kỹ tóg inh mỹ'ãg tỹ tũ' hé. Inh kurĩ to fag tóg: Topẽ hỹn fi to kórég nĩ, he ja nĩgtĩ. Hã ra tóg fag vĩ tỹ tũ' hé,” he fi tóg mũ.

Lucas 1:25 Iomraidhean Croise

Lucas 1:13

Hã ra tóg ti mỹ: “inh kamẽg tũg nĩ,” he mũ. “Topẽ vỹ ã vĩ ẽn mẽ, kỹ tóg ã mỹ han ke mũ ha. Ã prũ fi kufyg jé ã tóg ke mũ, Isabel fi. vỹ kósin ke mũ. Fi tỹ ti ve kỹ tóg gré nỹnh mũ. Kỹ ã tỹ ti jijin kỹ ti mỹ: João, hem nĩ,” he tóg.

Lucas 1:24

Kejẽn ti prũ fi tóg kufyg mũ sir, Isabel fi. Kỹ fi tóg kysã tỹ 5 (ke) ki hẽ kã tá tĩ tũ nĩ, fi mỹ sér tĩn kỹ.

Hebreu 11:11

Sara fi vỹ Topẽ ki rã kỹ nĩ ja nĩgtĩ gé, hã kỹ fi tóg fi kófa pẽ ra kufyg ja nĩgtĩ, Topẽ tỹ fag tỹ tag to tar han kỹ, Sara fi, fi mén tỹ Abraão mré. Ũ tỹ fag mỹ: “kósin jé ãjag tóg ke mũ,” he mũ ẽn vĩ kri fi kỹ fag tóg, ve ja nĩgtĩ.