Lucas 1:22 - O Novo Testamento na língua Kaingáng

²² Vãhã tóg kãkutẽ mũ. Hã ra tóg vĩ vãnh jẽ sir. Kỹ tóg ag mỹ kãgran mũ, ti nĩgé tỹ. Hã ki ag tóg ki kanhrãn mũ sir, ti tỹ Topẽ ĩn kã tá nén nẽ ve ja ẽn ki.

Lucas 1:22 Iomraidhean Croise

Lucas 1:21

Hã ra vẽnh kar ẽn tóg re tá ti jãvãnh nỹtĩ nĩ. Ag mỹ tóg e tĩ, ti tỹ Topẽ ĩn kã tá kãkutẽ vãnh han kỹ.

Lucas 1:23

Ti vĩ vãnh nĩ hã ra tóg ti tỹ Topẽ tũ ki rĩr ẽn fĩn rãm mũ sir. Kar kỹ tóg ti ĩn ra tĩ mũ sir.

Lucas 1:62

Kỹ ag tóg ti panh ki jẽmẽg mũ. Ag nĩgé tỹ ag tóg ti mỹ: “ti jiji hỹn hẽ ri kenh mũ'?” he mũ.

João 13:24

Kỹ Simão tóg ti mỹ ti nĩgé ven mũ, ti tỹ ti mỹ: “ũ to ke nẽ?“ he jé.

Han Kãme 12:17

Kỹ Pedro tóg ag mỹ ti nĩgé tỹ ge mũ, ag tỹ katy' he jé. Kỹ tóg ag mỹ Topẽ tỹ ti kavãn tó mũ sir. Topẽ tỹ vẽse ja kã tá ti kãkutẽm kãmén tóg mũ sir. Kỹ tóg ag mỹ: “Tiago mỹ tóm nĩ, Jesus mré ke kar ag mỹ ke gé,” he mũ. Kỹ tóg Jerusalém tá kutẽ kỹ ẽmã ũ ra tĩ mũ sir.

Han Kãme 19:33

Kỹ Judeu ag tóg vẽnh kar mỹ ũ ven mũ gé, Alexandre he mũ ẽn. Kỹ tóg ti nĩgé tỹ ge mũ, ag tỹ katy' he jé. Kỹ tóg ag mỹ kãmén sór mũ.

Han Kãme 21:40

Kỹ tóg ti mỹ: “ha vĩ ge,” he mũ. Kỹ Paulo tóg sãnsãn he jafã kri jẽ kỹ Hebreu vĩ ki ag mỹ: