Lucas 1:2 - O Novo Testamento na língua Kaingáng

² Ũ tỹ ti vég mũ ag tóg ẽg mỹ ti kãmén ja nĩgtĩ, ũ tỹ ti vĩ tó tĩ ag, ũ tỹ ti mré mũ ja ẽn ag.

Lucas 1:2 Iomraidhean Croise

Marcos 1:1

Sỹ Jesus Cristo kãme sér tónh ke vẽ, Topẽ kósin ti.

Marcos 16:20

Kỹ ti mré mũ tĩ ag tóg ẽmã kar mĩ mũ mũ sir. Vẽnh vĩ sér ẽn tugtó ag tóg mũ sir. Kỹ ẽg Senhor tóg ag tar han tĩ nĩ. Ag vĩ kóm tóg ẽg tỹ nén han vãnh ẽn hynhan mũ. Hã vẽ.

Marcos 4:14

Kỹ tóg ag mỹ: “ũ tóg nén fy krãn tĩ, kỹ ti tỹ Topẽ vĩ tó vẽ, hã vỹ: krãn, he mũ. Nén fy krãn ri ke vẽ,” he tóg.

Lucas 24:48

Ãjag to ken hã vẽ. Ve kãn ãjag tóg mỹr, hã kỹ ãjag tóg tónh ke mũ.

João 15:27

Kỹ ãjag tóg vẽnh kar mỹ inh kãmén ke mũ gé, ẽn kã. Inh mré ãjag tóg mũ ja nĩ, isỹ ãjag mỹ tó vén mũn kã,” he tóg.

João 16:4

Ũri sóg ãjag mỹ tó mũ. Kỹ ãjag tóg, ãjag tỹ tag ve kỹ: ẽg mỹ tóg tó ja nĩ, ẽg tỹ ũri nén vég mũ tag ti, henh ke mũ,” he tóg. Vãsỹ sóg ãjag mré tĩ nĩ vẽ, hã ra sóg ãjag mỹ tag tó ja tũ nĩ ver.

Han Kãme 1:3

Ti ter kar kỹ Jesus tóg ag mỹ vẽnh ven tỹ hẽn ri ke han ja nĩ, kurã tỹ 40 (ke) ki, ti tỹ ũn kuprẽg ja ẽn ag mỹ. Ag tỹ ti ve kỹ ti mré vẽmén kỹ ag tóg ti rĩr jẽ ki kanhrãn mũ, apóstolo ag. Ag mỹ tóg Topẽ tỹ tỹ ẽg pã'i nĩ kãmén mũ.

Han Kãme 1:8

“Hã ra Topẽ kuprĩg vỹ tỹ ãjag jagrẽ nĩnh ke mũ. Kỹ ti hã vỹ ãjag tar han ke mũ, ãjag tỹ inh kãmén jé. Jerusalém tá ãjag tóg inh kãmén ke mũ, ga tỹ Judéia tá ke gé, ga tỹ Samaria tá ke gé, ga fyn ja tá hã ke gé mỹr,” he tóg, Jesus ti.

Han Kãme 14:25

Ẽmã tỹ Perge tá ag tóg Topẽ vĩ tó mũ gé sir. Kar kỹ ag tóg ẽmã tỹ Atália ra mũ mũ.

Han Kãme 16:6

Kỹ Paulo ag tóg ga tỹ Frígia mĩ pa mũ, ga tỹ Galácia mĩ ke gé. Kỹ ag tóg ga tỹ Ásia tá Topẽ vĩ tó sór mũ, hã ra Topẽ kuprĩg tóg ag mỹ nenh mũ.

Han Kãme 17:11

Beréia tá ke ag tóg jykre há nỹtĩ. Ag pijé Tessalônica tá ke ag ri ke nỹtĩ'. Kỹ ag tóg Paulo ag vĩ kri fig mũ. Ag mỹ tóg há tĩ sir. Kurã kar ki ag tóg Topẽ vĩ to vẽnh kanhrãn mũ, ag tỹ to: “ki hã tóg tó tĩ,” hen kỹ.

Han Kãme 26:16

“Jẽg ra,” he tóg. “Ã mỹ sóg vẽnh ven, ã tỹ inh kãmén jé. Ã mỹ sóg vẽnh ven mãn ke mũ gé, kejẽn. Tag kar tó jé ã tóg ke mũ.

Han Kãme 4:20

Ẽg pijé tó tũg mũ', ẽg tỹ nén vég mũ ti, Jesus tỹ ẽg mỹ nén tó ja ẽn ti,” he ag tóg.

Han Kãme 8:4

Ũ tỹ vẽnh kãpugpóv mũ ẽn ag vỹ vẽnh kar mỹ vẽnh vĩ sér tugtó mũgtĩ, Topẽ vĩ ti.

Roma 15:16

Inh jé tóg prẽr, isỹ povo kar mỹ Jesus Cristo kãmén jé. Kỹ sóg ti tũ ki rĩr jẽ nĩ. Topẽ vĩ sér tó sóg tĩ, fóg ag mỹ, kanhgág ag mỹ ke gé. Ag tỹ ti ki ge kỹ tóg ti mỹ sér tĩ, Topẽ kuprĩg tỹ ag tỹ ũn há han kỹ, ag tỹ tỹ Topẽ tũ nỹtĩn kỹ. Inh rãnhrãj hã vẽ.

1 Corinto 4:1

Ãjag tỹ ẽg to jykrén kỹ tag to jykrén nĩ, ha mẽ. Cristo mỹ rãnhrãj tĩ vỹ tỹ ẽg nỹtĩ. Topẽ jykre tó ẽg tóg tĩ, ẽg tỹ vẽsóg ki nén to jykrén vãnh ẽn.

Hebreu 2:3

Kỹ ẽg tóg ũri kren ke tũ nĩ gé, ẽg tỹ ti to é hen kỹ. Nén ũ mág pẽ vẽ mỹr, Topẽ tỹ ẽg krenkren han sór mũ tag ti. Ẽg Senhor vỹ ti mré mũ tĩ ag mỹ tó vén. Ũ tỹ ti vĩ mẽg mũ ag vỹ ẽg mỹ tó ja nĩgtĩ gé. Hã kỹ ẽg tóg ki kanhró nỹtĩ ha.

1 Pedro 5:1

Vãhã sóg igreja to kófa ag jyvẽn sór mũ, ha mẽ. Ãjag ri ke inh nĩ, isỹ tỹ ãjag kóm igreja to kófa jẽn kỹ. Cristo jagtar ve ja inh nĩ gé, hã ra. Ti vẽnh ven mãn ke kurã ẽn kã sóg tỹ ũn mág jẽnh ke mũ gé.

2 Pedro 1:16

Ha vé, inh pijé ãjag mỹ ón mũ', isỹ ãjag mỹ ẽg Senhor tỹ Jesus Cristo kãtĩg vén mũ ẽn tón kỹ, isỹ ti jykre tar tón kỹ. Ti ve inh, ti tỹ tỹ ũn mág pẽ nĩ ti.