Lucas 1:11 - O Novo Testamento na língua Kaingáng

¹¹ Vãhã Topẽ tỹ jẽnẽ jafã vỹ, ti mỹ vẽnh ven mũ. Topẽ mỹ nén ger há pũn jafã pẽgja tá tóg jẽ nĩ.

Lucas 1:11 Iomraidhean Croise

Lucas 1:19

Kỹ tóg ti mỹ: “tỹ sóg Gabriel nĩ,” he mũ. “Topẽ nĩgja tá inh jẽgtĩ. Hã ra tóg inh jẽnẽ, sỹ ã mỹ vẽnh vĩ sér tag tó jé,” he tóg.

Lucas 1:28

Fi hã mỹ tóg vẽnh ven mũ sir. Kỹ tóg fi mỹ: “ã mỹ há?” he mũ. “Topẽ vỹ ã jagãgtãn, kỹ tóg ã ve há han mũ,” he tóg mũ.

Lucas 2:10

Kỹ tóg ag mỹ: “inh kamẽg tũg ra,” he mũ. “Isỹ ãjag mỹ vẽnh vĩ há tónh ke vẽ, kỹ tóg ãjag mỹ sér tĩnh mũ. Kỹ vẽnh kar vỹ mẽnh ke mũ gé, povo kar, kỹ ag fe tóg mrin kenh mũ sir.

Lucas 2:9

Hã ra vãhã Topẽ tỹ jẽnẽ jafã vỹ ag mỹ vẽnh ven mũ, kanhkã tá. Topẽ tỹ jẽngrẽ vỹ ag kri rũm ke mũ. Kỹ ag tóg kamẽg kỹ jũrũn ke mũ sir.

Han Kãme 5:19

Hã ra kuty tá Topẽ tỹ jẽnẽ jafã tóg tére kỹ vẽse ja jãnkã nugnón mũ. Ag gé tóg tĩ mũ, ag kygvãn kỹ, kỹ tóg ag mỹ:

Hebreu 1:14

Ti tỹ jẽgnẽ jafã ag vỹ vẽnh kuprĩg ri ke nỹtĩ. Topẽ vỹ ag jẽgnẽg tĩ, ag tỹ ti tũ ag jy nĩgãn jé, ũn krenkren ke mũ ẽn ag jy.

Nén Venh Ke 9:13

Kỹ Topẽ tỹ jẽgnẽ jafã tỹ 7 (ke) ẽn ag kã ũ tóg trombeta kyn mũ gé. Trombeta tỹ 6 (ke) vẽ sir. Kỹ sóg vẽnh vĩ mẽg mũ. Topẽ mỹ nén ũ pũn jafã tỹ ouro tá tóg mẽ há tĩ, vẽnh vĩ ti, mesa ẽn péno tỹ 4 (ke) ki.