Lucas 1:1 - O Novo Testamento na língua Kaingáng

¹ Lucas tỹ rá vẽ. Sỹ ã mỹ rán vẽ, Teófilo'. Ũ tỹ hẽn ri ke ag tóg Jesus kãme rán huri.

Lucas 1:1 Iomraidhean Croise

Marcos 16:20

Kỹ ti mré mũ tĩ ag tóg ẽmã kar mĩ mũ mũ sir. Vẽnh vĩ sér ẽn tugtó ag tóg mũ sir. Kỹ ẽg Senhor tóg ag tar han tĩ nĩ. Ag vĩ kóm tóg ẽg tỹ nén han vãnh ẽn hynhan mũ. Hã vẽ.

João 20:31

Sỹ vẽnh rá tag han vẽ, ũ tỹ vég mũ kar ẽn tỹ Jesus ki ge sór jé, ti to: “Cristo vỹ tỹ ti nĩ, Topẽ kósin vỹ tỹ ti nĩ,” he jé. Kỹ ag tóg ti ki ge kỹ rĩr krỹg ja tũ ẽn venh ke mũ, ti tugrĩn, fag mré hã, mỹr, ha mẽ.

Roma 14:5

Ũ tóg vẽnh kán ke kurã to: “kurã kórég,” he tĩ, kurã ũ to ke gé. Jãvo ũ tóg kurã kar to: “kurã há,” he tĩ gé. Há kar ti nỹtĩ, ãjag tỹ kurã han mũ ti. Kỹ ãjag tỹ nén to jykrén mũ ẽn hã han nĩ.

Roma 4:21

“Topẽ vỹ ti tỹ nén tó ja han ki kanhró nĩ,” he ja ti nĩ, Abraão ti, to krónh ke tũ nĩ kỹ.

Colossos 2:2

“Ag tỹ inh vãsãn tag mẽ kỹ ag hỹn tóg nén ũ kamẽg ke tũ nĩ. Kỹ ag hỹn jagnẽ to há kar nỹtĩnh mũ,” he sóg tĩ. Inh mỹ tóg ãjag tỹ tag ki kanhrãn kãn há tĩ. Topẽ tỹ nén to jykrén jan hã vỹ tỹ Cristo nĩ.

Colossos 4:12

Epafras vỹ ãjag mĩ ẽkrég tĩ gé, ãjag mré ke tag ti. Jesus Cristo rãnhrãj han kỹ tóg jẽ nĩ. Ãjag to tóg Topẽ mré vẽmén tĩ. To krónh ke tũ ti nĩgtĩ, ãjag tỹ kygnẽg tũ nĩn jé, ãjag tỹ Topẽ tỹ ẽg ki nén ve sór mũ ẽn hã han sór jé, ãjag tỹ tag hã to tar nỹtĩ jé.

1 Tessalônica 1:5

Sỹ ãjag mré nĩn kỹ sóg ãjag mỹ Topẽ vĩ sér tó ja nĩgtĩ. Inh pijé inh jykre tỹ vẽmén ja nĩgtĩ'. Topẽ jykre hã tỹ sóg vẽmén tĩ, Topẽ kuprĩg tỹ inh krĩn kỹ. Ti hã vỹ ẽg tar han tĩ. Ki hã tó sóg mũ ãjag mỹ, hã kỹ ãjag tóg inh jykre ki kanhró nỹtĩ. Sỹ ãjag to há nĩn hã kỹ sóg ãjag mỹ tó ja nĩ.

1 Timóteo 3:16

Ha vé, Topẽ tỹ ũri ẽg mỹ nén tó mũ tag vỹ tỹ nén ũ há tãvĩ nĩ. Vãsỹ ag tóg mẽ ja tũ nĩ. Ti jykren hã vẽ, ha mẽ: Jesus Cristo vỹ ẽg ri ke mur, ga kri, kỹ Topẽ tóg ti tỹ ũn mág han, tá, ti tỹ jykre kuryj nĩn kỹ. Kỹ tóg ti tỹ jẽgnẽ jafã ag mỹ ti ven. Kỹ ti mré mũ tĩ ag vỹ povo kar mỹ ti tó. Hã kỹ ga kri mũ ag vỹ ti ki ge mũ, Ẽg tỹ Jesus kãmén hã vẽ.

2 Timóteo 4:17

Ag jãvo ẽg Senhor vỹ isar han, ti tỹ inh mré tag kã jẽn kỹ. Hã kỹ vẽnh kar vỹ ti vĩ mẽ huri, isỹ ag mỹ kãmén kỹ. Povo kar ag vỹ hur mẽ kãn. Kỹ ẽg Senhor tóg ijy nĩgãn, ag tỹ mĩg mỹ inh fón tũ nĩ jé.

Hebreu 10:22

Kỹ jatun mỹ Topẽ mré vẽmén nĩ. Ti ki rã há han nĩ. Ãjag fe tỹ ti ki gem nĩ, ãjag tỹ ti nĩgja tá junjun jé. Ón kỹ ti ki ge sór tũg nĩ. Ẽg jykre pãno kar tỹ tóg tũ' hé, ẽg tỹ to jykrén mãn tũ nĩ jé. Ẽg jãnhkri han tóg, ẽg tỹ goj jãpri tỹ vẽnh kype ẽn ri ke. Kỹ ẽg há nỹtĩ.

Hebreu 6:11

Hã ra sóg ãjag mỹ tag tó, ãjag tỹ ti to tar tãvĩ nỹtĩ jé, ãjag tỹ ti to krónh ke tũ nĩ jé. Kỹ ãjag tóg venh ke mũ, ãjag tỹ nén ve sór mũ ti.