João 8:6 - O Novo Testamento na língua Kaingáng

⁶ Ag tỹ ón kỹ ti vĩ mẽ sór vẽ, ag tỹ ti vĩ to ti se jé. Hã ra tóg pãnh ke kỹ nĩ kỹ ga kri rán mũ, ti nĩgé tỹ. Vĩ tũ tóg nĩ.

João 8:6 Iomraidhean Croise

Mateus 10:16

“Carneiro vỹ, vẽnh jy nĩgãn ki kagtĩg nỹtĩ, mĩg tỹ ag mãn sór mũ ra. Ri ke ãjag nỹtĩ, hã ra sóg ãjag jẽgnẽnh mũ, ũ tỹ tỹ mĩg ri ke ag to, hã ra Topẽ hã vỹ ãjag jy nĩgãn ke mũ sir. Hã kỹ vẽnh ki rĩr há han nĩ. Pỹn jykre ri ke han nĩ. Vãjig tóg tĩ, kỹ ẽg tóg kãnhmar ti tỹ hẽ ri ke tũ nĩgtĩ. Kỹ sórãg jykre ri ke han nĩ gé. Jũ vãnh pẽ ti nĩ, nén ũ vẽnh mỹ han tũ ti nĩgtĩ.

Mateus 15:23

Hã ra Jesus tóg fi mỹ vĩ tũ nĩ. Kỹ ti mré mũ tĩ ag tóg ti mỹ: “ã mỹ fi ve sór tũ'? Ẽg nón fi tóg ẽg jé prẽr mũ, kỹ tóg ẽg mỹ e tĩ,” he mũ.

Mateus 16:1

Kỹ pã'i ũ ag tóg Jesus tá junjun mũ. Ag tỹ ón kỹ ti ki jẽmẽ sór vẽ, ag tỹ kar kỹ ti kato vĩ jé. Kỹ ag tóg ti mỹ milagre to vĩ mũ. Ag tỹ ti jykre to: “Topẽ jykre mỹ vỹ?“ he sór vẽ.

Mateus 19:3

Kỹ pã'i ag tóg ti tá junjun mũ gé sir. Ag tỹ ón kỹ ti vĩ mẽ sór vẽ, vẽnh prũ fón ke to. Kỹ ag tóg ti mỹ: “mỹ ẽg tỹ nén ũ ũ to ẽg prũ fag fón jé há nĩ'?“ he mũ.

Mateus 22:18

Hã ra Jesus tóg ag jykre pãno ki kanhró nĩ. Hã kỹ tóg ag mỹ: “ãjag ne tóg ón kỹ inh ki jẽmẽ sór mũ',” he mũ. “Jykre régre ãjag nỹtĩ mỹr.

Mateus 22:35

Kỹ ag tóg ti to vẽnh mãn mũ sir. Kỹ Topẽ vĩ to ẽg kanhrãn tĩ ũ tóg Jesus mỹ:

Mateus 26:63

Hã ra Jesus tóg nén ũ tó tũ nĩ. Kỹ pã'i mág tóg ti mỹ: “Topẽ vỹ rĩr nĩ,” he mũ. “Ti rĩnve sóg ã ki jẽmẽg mũ. Ã mỹ tỹ Cristo nĩ', ã mỹ tỹ Topẽ kósin nĩ'? Ha ẽg mỹ tó,” he tóg, pã'i mág ti.

Marcos 10:2

Kỹ Fariseu ag tóg ti tá junjun mũ gé sir. Ag tỹ ón kỹ ti ki vẽnh prũ fón ke jẽmẽ sór vẽ. Kỹ ag tóg ti mỹ: “ẽg tỹ ẽg prũ fi mỹ: ha tĩg, he tag mỹ kórég nỹ'?“ he mũ.

Marcos 12:15

Ẽg mỹ hỹn nĩm mũ', vó mỹ vó?“ he ag tóg. Hã ra Jesus tóg ag jykre régre nỹtĩn ki kanhró nĩ. Kỹ tóg ag mỹ: “ãjag ne tóg ón kỹ inh ki jẽmẽ sór mũ',” he mũ. “Inh mỹ jãnkamy jun, sỹ ve jé,” he tóg.

Marcos 3:2

Kỹ ag tóg ti tugnỹm mũ sir. “Kema ti tỹ vẽnhkán ke kurã ki ti tỹ há' he ve jé,” he ag tóg mũ. Ag tỹ pã'i ag mỹ ti tó sór vẽ, ti tỹ vẽnhkán ke kurã ki Topẽ vĩ mranh kỹ.

Marcos 8:11

Kỹ Fariseu ag tóg ti tá junjun mũ, ón kỹ ti ki jẽmẽ jé. Kỹ ag tóg ti mỹ nén han vãnh to vĩ mũ, ti tỹ ag mỹ han jé. Ag tỹ ti jykre to: “Topẽ jykre mỹ vỹ?“ he sór vẽ.

Lucas 10:25

Kỹ vãhã Topẽ vĩ to ẽg kanhrãn tĩ ũ vỹ, ag kã mĩ jẽgnẽ mũ. Ti tỹ ón kỹ Jesus ki jẽmẽ sór vẽ. Kỹ tóg ti mỹ: “Senhor',” he mũ. “Inh hỹn vẽjykre tỹ ne han mũ, isỹ rĩr krỹg ja tũ ve jé?” he tóg.

Lucas 11:16

Hã ra ũ ag tóg ón kỹ ti jykre ve sór mũ gé, kỹ ag tóg ón kỹ ti tỹ ẽg tỹ nén han vãnh han mũ ve sór mũ sir, ti tỹ ag mỹ kanhkã tá vẽjykre ven jé.

João 8:2

Kurã ke ra tóg Jerusalém ra tĩg mãn kỹ Topẽ ĩn tá nĩ mãn mũ sir, kỹ vẽnh kar ag tóg ti vĩ mẽnh kãmũ mũ. Tá nĩ kỹ tóg ag kanhrãn mũ.

1 Corinto 10:9

Kỹ ẽg tóg Topẽ to: “ti hỹn iso jũnh ke tũ nĩ, sỹ ti vĩ mranh mũ ra,” henh ke tũ nĩ gé. Ke ja ag tóg nĩgtĩ gé, ẽg jógjóg ve ag. Kỹ pỹn tóg ag kãgtén ja nĩgtĩ, Topẽ tỹ ag to jũn kỹ.