João 8:2 - O Novo Testamento na língua Kaingáng

² Kurã ke ra tóg Jerusalém ra tĩg mãn kỹ Topẽ ĩn tá nĩ mãn mũ sir, kỹ vẽnh kar ag tóg ti vĩ mẽnh kãmũ mũ. Tá nĩ kỹ tóg ag kanhrãn mũ.

João 8:2 Iomraidhean Croise

Mateus 26:55

Ẽn kã tóg porisa ag mỹ: “ãjag ne tóg, rógro génh kỹ kãmũ mũ', ka kykyv mré', ise jé',” he mũ. “Inh pijé tỹ bandido nĩ'. Kurã kar ki sóg ãjag mré jẽ ja nĩgtĩ, Topẽ ĩn krẽm. Vẽnh kar kanhrãn sóg jẽ ja nĩgtĩ, hã ra ãjag tóg tá ise ja tũ nĩ vẽ mỹr.

Lucas 21:37

Hã ki tóg kurã kar ki Topẽ ĩn krẽm ag kanhrãn tĩ. Kutyg kỹ tóg ẽmã tá kãkutẽ kỹ pãnónh tỹ Oliveiras ra tĩ tĩ, tá nur jé.

Lucas 21:38

Ti tỹ tỹ vaj kỹ Topẽ ĩn tá jun mãn kỹ ag tóg tá ti vĩ jẽmẽnh kãmũ tĩ, ũ tỹ hẽn ri ke ag.

Lucas 4:20

To ke kar kỹ tóg ũ tỹ ki rĩr tĩ ẽn mỹ nĩm mãn mũ. Kỹ tóg nĩ mũ sir. Hã ra vẽnh kar tóg ti ki ẽvãnh mũ, ti vĩ mẽ jé.

Lucas 5:3

Kỹ tóg Simão canoa kã ra rã kỹ ti mỹ: “goj kuju kã tá tĩn sĩ han,” he mũ. Vãhã tóg kã kã nĩ kỹ jatun mỹ vẽnh e ẽn ag kanhrãn mũ sir.

João 4:34

Hã ra tóg: “ijẽn to ken hã vẽ, hã vỹ: isỹ Topẽ rãnhrãj han kãn ke, he mũ. Isỹ ũ tỹ inh jẽnẽg mũ ẽn vĩ han ke vẽ.

João 8:20

Ti tỹ ag mỹ vẽnh kãmén hã vẽ. Topẽ ĩn krẽm nĩ kỹ tóg ag mỹ vẽnh kãmén mũ, jãnkamy vin jafã rã hã nĩ kỹ. Kỹ pã'i ag tóg ti se sór mũ, hã ra ag tóg ti kãgmĩg tũ nĩ, ag tỹ ti kamẽg kỹ. Ti ter ke kurã vỹ jun ja tũ nĩ ver, hã kỹ ag tóg ti tỹ hẽ ri ke tũ nĩ ver.

João 8:3

Kỹ Topẽ vĩ to ẽg kanhrãn tĩ ag vỹ ũn tỹtá fi pére kãmũ mũ. Fi ve ja ag tóg nĩ, fi tỹ fi mén tũ mré nỹn kỹ. Vẽnh kuju kã ag tóg fi fẽg mũ.

Han Kãme 5:21

Tỹ vaj kỹ ag tóg kusãg pẽ ki Topẽ ĩn ra mũ mũ, tá Topẽ vĩ tó jé. Hã ra Topẽ tũ to pã'i mág tóg ti mré ke ag jẽgnẽg mũ, ag tỹ kófa ag jé prẽr jé, pã'i kar ag ke gé. Kỹ ag tóg vẽse ja ra porisa ag jẽgnẽg mũ, ag tỹ vẽsigse ag tatĩ kãmũ jé.