João 8:12 - O Novo Testamento na língua Kaingáng

¹² Kỹ Jesus tóg Topẽ ĩn krẽm nĩ kỹ vẽnh kar kanhrãn mãn mũ. “Jẽngrẽ ri ke inh nĩ,” he tóg. “Ãjag tỹ inh mré mũn kỹ ãjag tóg kuty mĩ mũ tũ nĩgtĩ. Jẽngrẽ mĩ ãjag tóg mũgtĩ, kurã mĩ. Ãjag tỹ vẽjykre tãg han ke to ken hã vẽ,” he tóg.

João 8:12 Iomraidhean Croise

Mateus 5:14

“Ga kri mũn kỹ ãjag tóg, jẽngrẽ ri ke nỹtĩ, ãjag tỹ vẽjykre há han kỹ, ag tỹ ãjag ki Topẽ jykre há ve jé. Ẽmã mág tỹ pãnónh kri nỹn kỹ tóg kuvar há tá ve há nĩgtĩ. Ti pijé vẽnh péju kỹ nỹ'.

Lucas 2:32

Kỹ tóg ẽg mỹ jẽngrẽ ri ke nĩ. Kỹ povo kar vỹ ti jẽngrẽ tag venh ke mũ, fóg ag kar, kanhgág ag kar ke gé. Ẽg povo tỹ Israel tỹ ã tóg ũn mág han huri,” he tóg, Simeão ti, Topẽ mỹ.

João 12:35

Kỹ tóg ag mỹ: “ver sóg ãjag mré nĩ nĩ, sỹ ãjag mỹ kurã han jé,” he mũ. “Kurã ki inh japry jagma mũm nĩ. Kãnhmar ti kuty nỹnh mũ. Ãjag tỹ kuty ra inh jamĩn jagma mũ sór kỹ ãjag tóg vãgfor mũnh ke mũ.

João 12:36

Isỹ ver ãjag mré nĩn kỹ inh ki ge sórm nĩ, ãjag tỹ tỹ inh mré ke nỹtĩ jé. Kỹ ãjag tóg kurã ki nỹtĩ, isỹ tỹ jẽngrẽ ri ke nĩn kỹ,” he tóg. Ti tỹ tag tó kar kỹ tóg vẽnh péju jé tĩ mũ.

João 12:46

Sỹ ãjag mỹ kurã han hã jé sóg kãtĩg. Ãjag tỹ inh ki ge kỹ sóg ãjag mỹ kuty ẽn tỹ tũ' he mũ.

João 14:6

Kỹ Jesus tóg ag mỹ: “ti to ẽmĩn vỹ tỹ inh nĩ,” he mũ. “Vẽnh vĩ há hã tó sóg tĩ. Inh hã vỹ ãjag rĩnrĩr han ke mũ. Ũ tỹ hã ra inh ki rã tũ nĩn kỹ tóg inh panh venh ke tũ pẽ nĩ.

João 3:19

“Ti tỹ ũ tỹ inh ki ge tũ ag to jũ vỹ ge nĩ, ha mẽ. Ga kri mũ ag kanhrãn sóg tĩ, hã ki sóg ãjag mỹ jẽngrẽ ri ke nĩ. Hã ra ũ ag tóg mẽ sór tũ nĩgtĩ. Kuty mĩ ag tóg mũ sór mũ, jẽngrẽ tóg ag mỹ kórég nĩ, ag jykre pãno nỹtĩn kỹ.

João 7:17

Ũ tỹ Topẽ vĩ ki króm sór mũ ag vỹ ki kanhró nỹtĩnh mũ, sỹ ti jykre tó mũn ki. Isỹ vẽsóg ki sỹ nén to jykrén mũ tó pijé'.

João 9:5

“Ver sóg ãjag mré tĩnh mũ, kỹ sóg ãjag mỹ jẽngrẽ ri ke nĩ ver,” he tóg.

Han Kãme 13:47

“Topẽ vỹ ẽg mỹ: ãjag tỹ sóg néj gru ri ke han mũ, he mũ, fóg kar ag tỹ ãjag ki Topẽ ve jé, kanhgág ag ke gé. Ãjag ki ag tóg mẽnh ke mũ, Jesus tỹ ag krenkren han ke ti, fag ke gé, ga fyn ja mĩ hã, he ja tóg nĩ ẽg mỹ, Topẽ ti,” he ag tóg, Paulo ag.

Han Kãme 26:23

Cristo jagtar ke tó ja ag tóg nĩgtĩ, ti ter kar kỹ rĩr mãn vén ke ti, ẽg jo. Kỹ tóg ẽg povo mỹ jẽngrẽ ri ke nĩ sir, fóg kar ag mỹ ke gé, kanhgág kar ag mỹ ke gé,” he tóg.

2 Pedro 2:17

Ón kỹ Topẽ vĩ tó tĩ ag vỹ goj nĩhỹg ja ki goj tũ ẽn ri ke nỹtĩ. Kanhkã góg ri ke ag tóg nỹtĩ gé. Kãka tỹ vẽjo vóg kỹ tỹ tũ' he ẽn ri ke ag nỹtĩ, ũ tỹ ón kỹ Topẽ vĩ tó tĩ ag. Topẽ vỹ kuty tãvĩ tá ag vin ke mũ.

2 Pedro 2:4

Topẽ tỹ jẽgnẽ jafã ũ ag vỹ Topẽ vĩ mranh. Ẽn ag vóg kónãn tóg huri, ag pijé krenkren'. Nũgme ki tóg hur ag vãm, Topẽ ti. Tá ag tóg sigse kỹ nỹtĩ, ferro tỹ corrente tỹ. Tá tóg kuty nỹ. Tá ag tóg Topẽ tỹ vẽnh kar jykre tugnỹm ke kurã ẽn jãvãnh nỹtĩ.

1 João 1:6

Kỹ ẽg tỹ: “ti mré ke vỹ tỹ inh nĩ,” hen kỹ ẽg tóg kuty ki vẽjykre kórég ẽn han ke tũ nĩ. Ke tũ nĩ mũ ra ẽg ón kỹ: “ti mré ke vỹ tỹ inh nĩ,” he tĩ. Vẽnh ó vẽ sir. Kỹ ẽg tóg ón kỹ nén ũ kar han tĩ gé.

Judas 1:13

Kejẽn goj kafã tũ tóg krém ke mũ, kỹ tóg jẽngéj tĩ. Tag ri ke ag nỹtĩ gé. Ti jẽngéj vỹ tỹ ag jykre pãno nĩ. Vẽnh ven ti tĩ. Krĩg tĩ tĩ ri ke ag tóg nỹtĩ gé. Sĩnvĩ nĩ ve tóg nĩ, krĩg ti. Hã ra tóg ón kỹ tĩ tĩ. Tag ri ke ag nỹtĩ. Topẽ vỹ kuty ki ag vãm ke mũ, kỹ ag tóg tá kãpa mãn ke tũ pẽ nĩ, ũ tỹ Topẽ to ón mũ ag.

Judas 1:6

Kỹ kanhkã tãn ag vỹ ge ja nĩgtĩ gé. Ag kã mĩ ũ ag tóg Topẽ tỹ ag mỹ nén nĩm ja ẽn tovãnh. Ag jamã tovãnh ag tóg. Kỹ Topẽ vỹ ag sigsé, kỹ tóg ẽmã kuty tá ag vin. Ag se vỹ tũ' henh ke tũ nĩ. Topẽ tỹ ẽg kar jykre tugnỹm ke kurã ẽn kã tóg ag jykre tugnỹm ke mũ gé.

Nén Venh Ke 21:24

Kỹ vẽnh kar tóg Topẽ tỹ ẽmã ki jẽngrẽg ẽn tugrĩn ẽvãnh há han tĩ, povo kar ag. Ẽprã pã'i kar ag vỹ ag tỹ nén ũ kar gé kãmũnh mũ, ag tỹ tá vin han jé.