João 7:7 - O Novo Testamento na língua Kaingáng

⁷ Ũ tỹ iso jũ mũ ag pijé ãjag to kórég nỹtĩ'. Inh ã to tóg kórég nỹtĩ, isỹ ag mỹ: ãjag jykre vỹ kórég nĩ, hen kỹ.

João 7:7 Iomraidhean Croise

Lucas 6:26

“Topẽ vỹ ãjag ve kónãn mũ, vẽnh kar tỹ ãjag to vĩ há han mũn kỹ. Ãjag mỹ ti há tĩ, hã ra tóg Topẽ mỹ kórég nĩ. Ge ja ag tóg nĩgtĩ, ũ tỹ ãjag mỹ vĩ há han mũ ag jógjóg ag, ón kỹ Topẽ vĩ tó tĩ ẽn ag mỹ, vãsỹ. Ag mỹ ag tóg vĩ há han ja nĩgtĩ gé. Ag ri ke ãjag tóg nỹtĩ, vẽnh kar tỹ ãjag mỹ vĩ há han kỹ. Hã kỹ tóg ãjag ve kónãn mũ, Topẽ ti,” he tóg.

João 17:14

Ag mỹ sóg hur ã vĩ kãmén. Kỹ ũ tỹ inh ki ge tũ ag vỹ ag to jũ mũ, ag tỹ tỹ ag mré ke tũ nỹtĩn kỹ. Inh pijé tỹ ag mré ke nĩ gé', ũ tỹ ag to jũ mũ ẽn ag mré, fag ke gé.

João 3:19

“Ti tỹ ũ tỹ inh ki ge tũ ag to jũ vỹ ge nĩ, ha mẽ. Ga kri mũ ag kanhrãn sóg tĩ, hã ki sóg ãjag mỹ jẽngrẽ ri ke nĩ. Hã ra ũ ag tóg mẽ sór tũ nĩgtĩ. Kuty mĩ ag tóg mũ sór mũ, jẽngrẽ tóg ag mỹ kórég nĩ, ag jykre pãno nỹtĩn kỹ.

Roma 8:7

Ũ tỹ ti tỹ nén to én mũ ẽn han kỹ tóg Topẽ kato tẽ mũ sir. Ti pijé Topẽ jykre han tĩ'. Han ki kagtĩg tóg nĩgtĩ. Ẽg jykre pãno hã vẽ.

Galácia 4:16

Ãjag mỹ sóg ki hã tó mũ. Inh mỹ tag tugrĩn ãjag mỹ kórég nĩ ha'? Inh mỹ tóg e tĩ, tag ti.

Tiago 4:4

Ẽg tỹ Topẽ ki rã kar kỹ vẽjykre pãno to én kỹ ẽg tóg ti kato tẽ mũ sir. Ũn tỹtá kórég fi ri ke ẽg nỹtĩ, ẽg tỹ gen kỹ. Fi mén kavénh fi tóg tĩ, ũ to én kỹ. Ẽg tỹ ẽprã vẽjykre to én kỹ ẽg tóg Topẽ kato tẽ mũ sir. Tag to jykrén mág nĩ.

1 João 4:5

Topẽ ki rã tũ ag vẽ. Hã kỹ ag tóg ũ tỹ Topẽ ki ge tũ ag jykre tó tĩ. Kỹ ũ tỹ Topẽ ki ge tũ ag vỹ ag vĩ jẽmẽg tĩ.