João 7:5 - O Novo Testamento na língua Kaingáng

⁵ Ag pijé ti ki ge kỹ nỹtĩ', hã kỹ ag tóg ti to é he mũ.

João 7:5 Iomraidhean Croise

Mateus 12:46

Ti tỹ ver tỹ vẽmén jẽ ra ti mỹnh fi tóg, tá jun mũ sir, ti jãvy ag mré. Ti mỹ fag tóg vẽnh vĩ jẽnẽg mũ, fag tỹ ti mré vẽmén jé.

Marcos 3:21

Kỹ ti kanhkã fag vỹ ti kãme mẽ kỹ ti kãgmĩnh kãmũ mũ. “Krĩ vẽnh mỹ nĩ ve ti nĩ,” he fag tóg. Hã ra tóg fag mré tĩ tũ nĩ.

João 7:10

Ti jãvy ag mũ kar kỹ tóg kejẽn Jerusalém ra tĩ mũ gé, vẽnh kar vatánh tá, vẽnh péju kỹ.

João 7:3

Kỹ Jesus jãvy ag tóg ti mỹ: “Ẽmã mág ra tĩg nĩ, Jerusalém ra,” he mũ. “Ã tỹ tag hã ki milagre hynhan kỹ tá ã mré ke ag tóg vég tũ nĩgtĩ.

João 7:4

Ẽg tỹ tỹ ũn mág nĩn kỹ ẽg tóg vẽnh kar rĩnve ẽg tỹ nén han ke mũ ẽn han tĩ. Hã ra ã tóg ag vatánh tá milagre hynhan tĩ,” he ag tóg mũ.