Biblia Todo Logo
Bìoball air-loidhne

- Sanasan -




João 7:4 - O Novo Testamento na língua Kaingáng

4 Ẽg tỹ tỹ ũn mág nĩn kỹ ẽg tóg vẽnh kar rĩnve ẽg tỹ nén han ke mũ ẽn han tĩ. Hã ra ã tóg ag vatánh tá milagre hynhan tĩ,” he ag tóg mũ.

Faic an caibideil Dèan lethbhreac




João 7:4
12 Iomraidhean Croise  

Ag tỹ nén ũ há han kỹ ag tóg tỹ ũn mág nỹtĩ sór mũ sir, vẽnh kar tỹ ag ve jé. Ag tỹ Topẽ mré vĩ jé ag tóg, ti vĩ rá tỹ ag nĩgé tógfĩg tĩ, ag kakã ke gé. Vẽsógfĩn ja tãpér tỹ ag tóg vẽsógfĩg tĩ. Topẽ jykre han jé ag tóg kur tóv mág tu tĩ gé.


Kỹ tóg ti mỹ: “ã hã ne tóg tỹ Topẽ kósin nĩ',” he mũ. “Kỹ kema ki hũm,” he tóg. “Topẽ vĩ ki tag tóg rán kỹ nĩ, hã vỹ: “ti tỹ jẽgnẽ jafã ag mỹ tóg tónh mũ, kỹ ag tóg ã jy nĩgãn ke mũ,” he mũ. “Kỹ ã tóg rỹj ke tũ nĩ. Ã pẽn vỹ rỹj ke tũ nĩ,” he tóg.


“Kejẽn ãjag tóg vãkrég tĩ. Jẽg tũ ãjag nĩ, Topẽ mỹ há nỹtĩ jé. Kỹ fe ũ nỹtĩ tũg nĩ. Vãkre ki ũ tỹ vẽjykre régre han mũ ag jykre ri ke han tũg nĩ. Ag tỹ ón kỹ vãkre kỹ ag tóg, fe ũ nỹtĩgtĩ sir, vẽnh kar tỹ ag vãkre ve jé. Ag ganho hã vẽ. Kanhkã tá ag tóg, ganho ũ venh ke tũ nĩ ha. Ãjag mỹ sóg ki hã tó mũ, ha mẽ.


“Kỹ ãjag tỹ Topẽ mré vẽmén kỹ ũ tỹ vẽjykre régre han mũ ẽn jykre ri ke han tũg nĩ gé. Ag tỹ ón kỹ Topẽ mré vĩ kỹ ag tóg, igreja krẽm jẽgjẽ kỹ nỹtĩ, ke tũ nĩ kỹ ĩn krẽm. Kỹ vẽnh kar vỹ ón kỹ ag to vĩ há han mũ sir, fag to ke gé. Kanhkã tá tóg ganho ũ ve mãn ke tũ nĩ ha. Ãjag mỹ sóg ki hã tó mũ, ha mẽ.


Ge tóg nỹgtĩ, ẽg jykre ti. Ẽg jykre há nĩn kỹ ẽg tóg, nén ũ há kar to jykrén tĩ. Kỹ ẽg tóg, jagnẽ krĩn há han tĩ gé sir. Jãvo ẽg tỹ jykre kórég nĩn kỹ ẽg tóg, nén ũ kórég kar to jykrén tĩ. Kỹ ẽg tóg, jagnẽ krĩn kónãn tĩ gé sir. Hỹ, ge ti nĩgtĩ. Ẽg tỹ nén to jykrén tĩ ẽn hã kãmén ẽg tóg tĩ, jagnẽ mỹ,” he tóg.


Kỹ tóg: “vẽnh kar mỹ sóg jamã há ra tó tĩ,” he mũ. “Vẽnh kanhrãn jafã krẽm sóg tó tĩ, Topẽ ĩn krẽm ke gé. Judeu kar tỹ vẽnhmãn kỹ nỹtĩn kỹ sóg ag mỹ kãmén tĩ. Inh pijé vẽnh péju kỹ tó tĩ'.


Kỹ Jesus jãvy ag tóg ti mỹ: “Ẽmã mág ra tĩg nĩ, Jerusalém ra,” he mũ. “Ã tỹ tag hã ki milagre hynhan kỹ tá ã mré ke ag tóg vég tũ nĩgtĩ.


Ag pijé ti ki ge kỹ nỹtĩ', hã kỹ ag tóg ti to é he mũ.


Lean sinn:

Sanasan


Sanasan