João 7:12 - O Novo Testamento na língua Kaingáng

¹² Vẽnh kar ag tóg ti to vĩ mũ. Ũ ag tóg: “ũn há vỹ tỹ ti nĩ,” he mũ. Jãvo ũ ag tóg: “vó, ẽg mỹ tóg ón tĩ,” he mũ gé.

João 7:12 Iomraidhean Croise

Mateus 10:25

Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.

Mateus 21:46

Hã kỹ ag tóg ti se sór mũ. Hã ra ag tóg vẽnh e ẽn kamẽg mũ, ag tỹ Jesus to: “Topẽ vĩ tó tĩ pẽ vẽ,” hen kỹ.

Mateus 27:63

Ti mỹ ag tóg: “vẽnh kar krĩn kónãn tĩ ẽn tóg tag tó ja nĩ, ha mẽ: “kurã tãgtũ ki sóg rĩr mãn ke mũ,” he ja ti nĩ. Ẽg tỹ tag to jykrén kỹ ẽg tóg, ã mỹ nén ũ to vĩ sór mũ.

Lucas 18:19

Kỹ tóg ti mỹ: “inh mỹ: “há ã tóg jẽ,” he sór tũg nĩ. Ẽg pijé há nỹtĩ'. Topẽ hã ne ti pir mỹ há nĩ',” he mũ.

Lucas 23:47

Hã ra fóg tỹ capitão tóg ti ter vég mũ. Kỹ tóg Topẽ mỹ vĩ há han mũ. “Vẽnh vĩ ja vẽ, ũn há ja vẽ,” he tóg mũ.

Lucas 23:50

Kỹ ũ tóg tá nĩ gé, vẽnh jyvẽn tĩ ũ. Ti jiji hã vỹ: José, he mũ. Tỹ tóg ẽmã tỹ Arimatéia tá ke nĩ, ga tỹ Judéia tá. Jykre kuryj tóg nĩ, jykre há.

Lucas 6:45

Ge tóg nỹgtĩ, ẽg jykre ti. Ẽg jykre há nĩn kỹ ẽg tóg, nén ũ há kar to jykrén tĩ. Kỹ ẽg tóg, jagnẽ krĩn há han tĩ gé sir. Jãvo ẽg tỹ jykre kórég nĩn kỹ ẽg tóg, nén ũ kórég kar to jykrén tĩ. Kỹ ẽg tóg, jagnẽ krĩn kónãn tĩ gé sir. Hỹ, ge ti nĩgtĩ. Ẽg tỹ nén to jykrén tĩ ẽn hã kãmén ẽg tóg tĩ, jagnẽ mỹ,” he tóg.

Lucas 7:16

Kỹ tóg vẽnh kar mỹ e tĩ, kỹ ag tóg Topẽ to vĩ há han mũ sir. “Topẽ vĩ tó tĩ kãfór vỹ ẽg ki jun,” he ag tóg mũ. “Topẽ vỹ ẽg ve há han, hã kỹ tóg ti jẽnẽ,” he ag tóg mũ.

João 6:14

Kỹ tóg ag mỹ e tĩ, ag tỹ milagre tag ven kỹ. Kỹ ag tóg ti to: “Topẽ vĩ tó tĩ ẽn hã vẽ, ẽg tỹ ũn jãvãnh mũ ẽn,” he mũ.

João 7:32

Kỹ Fariseu ag tóg ag vĩ tag mẽg mũ. Kỹ ag tóg pã'i ag mré ti senh ke to vẽmén mũ. Kỹ ag tóg porisa ag jẽnẽg mũ, ag tỹ ti se jé.

João 7:47

Kỹ pã'i ag tóg: “kỹ ãjag mỹ ti vĩ kri fi sór mũ', ti ón mũ ra?“ he mũ.

João 7:52

Hã ra pã'i ag tóg: “ã hỹn tỹ Galiléia tá ke nĩ gé', hã kỹ ã tóg ti jy nĩgãn sór mũ',” he mũ. “Topẽ vĩ ki ve há han nĩ, kỹ ã tóg venh ke mũ. Galiléia tá ke ũ vỹ Topẽ vĩ tónh ke tũ pẽ nĩ,” he ag tóg mũ.

João 9:16

Hã ra pã'i ag kã mĩ ũ ag tóg Jesus to: “Topẽ pijé ti jẽnẽ',” he mũ. “Vẽnhkán ke kurã ki tóg vẽnhkán vãnh nĩgtĩ, kỹ tóg kórég nĩ,” he ag tóg mũ. Hã ra ũ ag tóg ti to: “hã ra tóg nén ũ há tãvĩ han,” he mũ gé. “Ti kórég nĩ ran hỹn tag han ki kagtĩg nĩnh mũ vẽ,” he ag tóg, pã'i ũ ag. Hã kỹ ag vẽnh kãpãm kỹ nỹtĩ.

Han Kãme 11:24

Barnabé vỹ tỹ ũn vĩ há nĩ, Topẽ kuprĩg tỹ tóg jagrẽ nĩ. Jykre pir han kỹ tóg nĩ nĩ. Kỹ ũ tỹ hẽn ri ke ag vỹ Jesus ki ge mũ gé sir, ti tỹ ag jyvẽn kỹ.

Roma 5:7

Ti jãvo ẽg tóg jagnẽ jagfy ter ke tũ nĩ. Ũn jykre há jagfy ter ke tũ ẽg nĩ.

Filipos 2:14

Ãjag tỹ ti jykre han kỹ ti jykre to vĩ vĩ he tũg nĩ, ti tỹ kejẽn ãjag mỹ jagy ra. Kỹ jagnẽ mỹ jagnẽ vĩ kafãn tũg nĩ gé, ti jykre to.