João 5:3 - O Novo Testamento na língua Kaingáng

³ Ẽn tá vẽnh kaga tỹ hẽn ri ke ag vỹ nỹtĩgtĩ, ũn kyvó ag, ũn tĩg vãnh ag, ũn grĩn grĩn kỹ nỹtĩ ag ke gé.

João 5:3 Iomraidhean Croise

Mateus 15:30

Kỹ ũn tỹ hẽn ri ke ag vỹ tá junjun mũ, ũn kagyga ag ke gé, ũn kãnhgrĩ ag ke gé, fag mré hã. Ti ki ag tóg junjun mũ, kỹ tóg ag tỹ há' he kãn mũ.

Mateus 4:24

Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.

Lucas 7:22

Kỹ tóg ag mỹ: “João mỹ ãjag tỹ nén vég mũ tag tónh mũ jẽg,” he mũ. “Tag han inh tĩ, ha mẽ: ũn kyvó ag vỹ isugrĩn ẽvãnh há nỹtĩ ha. Ũn kãnhgrĩ ag vỹ mũ há han mũ ha, ũ tỹ lepra han mũ ag vỹ há nỹtĩ. Ũn kutu ag vỹ ẽmẽ há nỹtĩ ha. Ũn kãgter mũ ag vỹ rĩnrĩr mãn gé. Ũn jagtar e ja ag vỹ Topẽ vĩ sér mẽg mũ ha ke gé, Topẽ tỹ tỹ ẽg pã'i nĩnh ke to.

João 5:2

Tá goj nig tóg nĩgtĩ, ẽmã jy ró jãnkã rã hã. Jãnkã ẽn jijin hã vỹ: carneiro jo jãnkã, he mũ. Goj ẽn pénĩn vẽnh kaga jo ĩn tỹ 5 (ke) vỹ nỹtĩ. Goj ẽn jiji hã vỹ: Betesda, he mũ.

João 5:4

Goj tỹ vũnvũn he jãvãnh ag tóg nỹtĩ. Kejẽn Topẽ tỹ jẽnẽ jafã vỹ goj ki rã kỹ tỹ vũnvũn he tĩ. Ẽn kã ũ tỹ kã ra rã vén mũ ẽn tóg há' he tĩ. Vẽnh kaga kar tỹ tóg há' he tĩ, goj vũnvũn ẽn, ũ tỹ ki ge vén mũ ag kar tỹ.

Roma 8:25

Hã ra ẽg tóg ver vég tũ nĩ, hã kỹ ẽg tóg jãvãnh mũ ver. To krónh ke tũ ẽg tóg nĩ.

Tiago 5:7

Inh kanhkã', ẽg Senhor kãtĩg ke jãvãnh nĩ, jatun mỹ, ag jãvo. Ẽg tỹ ẽkrãn kar kỹ ẽg tóg ti mog jãvãnh tĩgtĩ, jatun mỹ. Kỹ ta tóg kri kutẽ mũ. Kejẽn ẽg tóg vãhã ti kanẽ vég tĩ.