João 4:9 - O Novo Testamento na língua Kaingáng

⁹ Ha ra tóg fi mỹ e tĩ. Kỹ fi tóg ti mỹ: “Judeu vỹ tỹ ã nĩ, hã ra ã tóg inh mỹ goj to vĩ mũ', isỹ tỹ Samaria tá ke nĩ ra',” he mũ. Judeu ag vỹ Samaria tá ke ag to é he tĩ.

João 4:9 Iomraidhean Croise

Mateus 10:5

Ũ tỹ 12 ẽn ag jẽgnẽg tóg mũ sir, Jesus ti, ag tỹ vẽnh kar mỹ Topẽ vĩ kãmén jé. Kỹ tóg ag mỹ: “ver fóg ag mỹ inh kãmén mũ tũg nĩ, kanhgág ag mỹ kãmén tũg nĩ gé ver,” he mũ. “Kỹ Samaria tá ke ag jamã ki ge tũg nĩ gé,” he tóg.

Lucas 10:33

Kỹ vãhã Samaria tá ke ũ tóg ẽpry jagma kãtĩ mũ gé. Kỹ tóg tá jun kỹ ti vég mũ.

João 4:27

Ti tỹ fi mỹ tag tó kỹ ti mré mũ tĩ ag tóg ti tá junjun mũ. Kỹ ag tóg ti tỹ fi mré vẽmén mũ vég mũ, kỹ tóg ag mỹ e tãvĩ tĩ. Hã ra ag tóg ti mỹ nén ũ tó tũ nĩ. “Ã tỹ ne mẽ sór nẽ, fi ki? Ã tỹ fi mỹ ne tó nẽ?“ he tũ ag tóg nĩ.

João 8:48

Kỹ Judeu ag tóg ti mỹ: “Samaria tá ke ag ri ke ã tógTopẽ vĩ ki kagtĩg nĩ, kỹ ã jagrẽ kórég nĩ gé,” he mũ.

Han Kãme 1:8

“Hã ra Topẽ kuprĩg vỹ tỹ ãjag jagrẽ nĩnh ke mũ. Kỹ ti hã vỹ ãjag tar han ke mũ, ãjag tỹ inh kãmén jé. Jerusalém tá ãjag tóg inh kãmén ke mũ, ga tỹ Judéia tá ke gé, ga tỹ Samaria tá ke gé, ga fyn ja tá hã ke gé mỹr,” he tóg, Jesus ti.

Han Kãme 10:28

Kỹ tóg ag mỹ: “Judeu ag vỹ fóg mré nĩ tũ nĩgtĩ. Ẽg jykren hã vẽ,” he mũ. “Kỹ ẽg tóg fóg ĩn kã ra rã tũ nĩgtĩ gé sir. Hã ra Topẽ tóg inh kanhrãn, ti jykre tãg tỹ. Kỹ sóg vẽnh kar ĩn kã ra rãnh mũ, jẽgryg tũ nĩn kỹ.

Han Kãme 10:32

“Kỹ Jope ra ũ jẽnẽ. Tá Simão jé prẽr, ũ tỹ Pedro he mũ ẽn ti. Nén fár tỹ tãnãj he tĩ ẽn ĩn krẽm tóg nĩ nĩ, hã vỹ: Simão, he mũ. Ti ĩn vỹ goj kafã tũ fyr tá jẽ nĩ,” he tóg inh mỹ, Topẽ tỹ jẽnẽ jafã ti,” he tóg, capitão ti.