João 4:7 - O Novo Testamento na língua Kaingáng

⁷ Kỹ tá ke ũ fi tóg tá jun mũ, goj run jé. Kỹ tóg fi mỹ: “inh mỹ goj jun, sỹ kron jé,” he mũ.

João 4:7 Iomraidhean Croise

Mateus 10:42

Ũ tóg kejẽn ũn sĩ mỹ nén ũ nĩm tĩ, goj hẽn ri ke mũn. Ũn sĩ tỹ inh ki rã kỹ nĩ tugrĩn tóg, ti mỹ nén ũ nĩm tĩ. Ẽn mỹ tóg nén ũ há tónh ke mũ gé, Topẽ ti. Nén ũ há ve jé tóg ke mũ mỹr,” he tóg, Jesus ti.

João 19:28

Kỹ Jesus tóg sir ti tỹ nén hynhan ke mũ ẽn hynhan kãn ja nĩ. Hã to jykrén kỹ tóg ti to nén rán kỹ nĩ ẽn hynhan kãn sór mũ, hã kỹ tóg: “inh og há tóg tĩ,” he mũ sir.

João 4:10

Kỹ tóg fi mỹ: “Topẽ tỹ ã mỹ nén han sór mũ tag ki kagtĩg ã nĩ ver,” he mũ. “Kỹ ã tóg inh ki kagtĩg nĩ gé. Ã tỹ inh mỹ: “inh mỹ goj nĩm,” henh ke vẽ vẽ, kỹ sóg ã mỹ goj ror tỹ goj nĩm ke mũ vẽ,” he tóg mũ.

João 4:6

Kỹ Jacó poço vỹ tá nĩ gé. Jesus tỹ poço ẽn tá jun kỹ tóg tá vẽnhkán kỹ nĩ nĩ, poço ẽn rã hã. Rã tỹ ẽg nĩno kã sa ra ke ja vẽ.

João 4:8

Ti mré mũ tĩ ag vỹ ẽmã ra kagáv ja nĩ, vẽjẽn kũpra he jé. Hã kỹ tóg ti pir mỹ tá nĩ nĩ.