João 4:3 - O Novo Testamento na língua Kaingáng

³ Kỹ Jesus tóg mẽg mũ, Fariseu ag tỹ ti tỹ tỹ ũn mág nĩ mẽ ja ẽn ti. Hã kỹ tóg ga tỹ Judéia tá kãkutẽ kỹ ga tỹ Galiléia ra tĩ mũ, ti mré mũ tĩ ag mré.

João 4:3 Iomraidhean Croise

Mateus 10:23

“Ag tỹ ẽmã ũ tá ãjag vóg kónãn kỹ ẽmã ũ ra pétẽm nĩ. Ki hã sóg tó mũ, ha mẽ. Israel ag jamã fĩn rãm kãn ke tũ ãjag tóg nĩ, kurã ẽn kã. Sĩ ti nĩ, ag tỹ ãjag vóg kónãn ke kurã ẽn ti. Kãtĩg jé sóg ke mũ, ag tỹ gen kỹ ãjag vóg mũ ra. Tỹ sóg ẽprã ke fi kósin nĩ, mỹr, ha mẽ.

Marcos 3:7

Hã ra Jesus tóg ti mré mũ tĩ ag mré goj nig mág tỹ Galiléia ra tĩ mũ, vẽnh e tũg ja ra. Ge ra vẽnh e ag tóg ti nón mũ mũ. Ga tỹ Galiléia tá ag tóg kãmũ mũ, ga tỹ Judéia tá ke gé,

Lucas 17:11

Kỹ tóg Jerusalém ra tĩg sór mũ. Hã kỹ tóg ga tỹ Samaria mré ga tỹ Galiléia fyr mĩ tĩ mũ.

João 1:43

Tỹ vaj kỹ tóg ga tỹ Galiléia ra tĩg sór mũ. Kỹ tóg Filipe mỹ: “inh mré kãtĩg,” he mũ.

João 10:40

Kỹ tóg vẽnh péju kỹ tĩ mũ, goj tỹ Jordão mãra. João vỹ ẽn tá vẽnh kar kygpég jẽ ja nĩgtĩ, ti tỹ ag kygpe vén kỹ. Ẽn ra tóg tĩ mũ sir, kỹ tóg tá nĩ nĩ, ti mré mũ tĩ ag mré.

João 11:54

Hã kỹ Jesus tóg vẽnh péju kỹ tĩ mũ, ga kórég ra, ẽmã tỹ Efraim ra. Judeu ag mĩ tóg tĩg mãn tũ nĩ sir. Efraim hã tá tóg nĩ nĩ ver, kỹ ti mré mũ tĩ ag vỹ ti mré tá nỹtĩ gé.

João 2:11

Jesus tỹ ẽmã tỹ Caná tá nén han mũn hã vẽ, Galiléia tá. Ẽg tỹ nén han ki kagtĩg hynhan tóg tĩ, kỹ tóg tag han vén. Hã kỹ ti mré mũ tĩ ag tóg ti ki ge pẽ han mũ sir, ag tỹ ti jykre tar ẽn ven kỹ.

João 3:22

Ẽn kã kejẽn Jesus tóg ti mré mũ tĩ ag mré ga tỹ Judéia ra tĩ mũ. Kỹ ag tóg tá nỹtĩ. Vẽnh kar kygpég ag tóg mũ.

João 3:32

Kỹ tóg ti tỹ tá nén ve ja ẽn hã tó mũ, ti tỹ tá nén mẽ ja ẽn, hã ra ag tóg ti vĩ mẽ sór tũ nĩ.

João 4:47

Kỹ tóg Jesus tỹ Judéia tá kãtĩg ja ti mẽg mũ. Kỹ tóg ti venh kãtĩ mũ. “Inh mré inh kósin venh kãtĩg,” he tóg mũ. “Kaga jagy tóg nỹ nĩ, kỹ tóg inh mỹ ti ter ha mẽ tĩ. Ã mỹ ti tỹ há' henh ke tũ?“ he tóg.

João 7:1

Tag pãte Jesus tóg Galiléia mĩ tĩ mũ. Judéia ra tĩg sór tũ tóg nĩ ver, ag tỹ tá ti tén sór kỹ, Judeu ag pã'i ag.