João 4:2 - O Novo Testamento na língua Kaingáng

² Hã ra Jesus vỹ ag kygpe ja tũ nĩ. Ti mré mũ tĩ ag hã vỹ ag kygpe ja nĩgtĩ.

João 4:2 Iomraidhean Croise

João 2:2

Kỹ ag tóg Jesus mỹ tó mũ gé, ti tỹ fénhta venh kãtĩg jé, ti mré mũ tĩ ag mré.

João 3:22

Ẽn kã kejẽn Jesus tóg ti mré mũ tĩ ag mré ga tỹ Judéia ra tĩ mũ. Kỹ ag tóg tá nỹtĩ. Vẽnh kar kygpég ag tóg mũ.

João 3:26

Kỹ ti mré mũ ag tóg João mỹ: “ũ tỹ Jordão mãtá ã mré nĩ ja ẽn vỹ ag kygpég jẽ nĩ, ã tỹ ẽg mỹ ũn kãmén ja ẽn ti. Hã ra vẽnh kar vỹ ti mré mũ mũ ha, hã kỹ ag tóg ã venh kãmũ mãn tũ nĩ ha,” he mũ. Ag tỹ Jesus to vẽ.

Han Kãme 10:48

Kỹ tóg ũ mỹ: “ag kygpe ra, Jesus Cristo jiji tó kỹ,” he mũ sir. Ti tỹ ag kygpe kar kỹ ag tóg Pedro mỹ: “ver ẽg mré nĩ,” he mũ. Kỹ tóg ag mré nĩ sĩ han kar kỹ tĩ mũ sir.