João 4:11 - O Novo Testamento na língua Kaingáng

¹¹ Kỹ fi tóg: “runja tũ ã nĩ, kỹ ã hỹn hẽ ri kenh mũ, ã tỹ goj ror tỹ goj ẽn run jé? Téj gy ti nĩ, poço ti,” he mũ.

João 4:11 Iomraidhean Croise

João 3:4

Kỹ tóg ti mỹ: “kỹ ũn sanh hỹn hẽ ri kenh mũ, ti mur mãn jé?“ he mũ. “Ti mỹ vẽsỹ sĩ' he mãn kỹ ti mỹnh fi nug ki rã mãn ke mũ'?“ he tóg.

João 4:14

“Isỹ ã mỹ goj nĩm kỹ ã tóg kron pir han kar kỹ há nĩ ha. Kron mãn sór ke tũ ã nĩ sir. Ã kã ki tóg goj ror han ke mũ. Kỹ goj tag vỹ ã ter ke tũ han ke mũ, ha vem nĩ,” he tóg.

João 7:37

Vãhã tóg fénhta tỹ kurã tỹ ẽgno tá krỹg mũ. Kurã mág pẽ vẽ, hã kỹ ag tóg e tãvĩ nỹtĩ, Jerusalém tá. Kỹ Jesus tóg jẽ kỹ vẽnh kar mỹ prẽr kỹ: “!..ãjag tỹ goj kron sór kỹ inh mỹ to vĩ, isỹ ãjag mỹ goj há ven jé..!“ he mũ.

Han Kãme 10:14

Kỹ Pedro tóg ẽg Senhor ti mỹ: “nejé, nén ũ jẽgry ko ja tũ sóg nĩ mỹr. Ẽg povo jykre tũ vẽ, ẽg tỹ misu ẽn kon kỹ,” he mũ.

1 Corinto 2:14

Ẽprã ke ag pijé Topẽ kuprĩg to há nỹtĩ', ti jykre to'. Ag mỹ tóg tỹ Topẽ krĩ tũ nĩ ve nĩ. To jykrén há han ki kagtĩg ag nỹtĩ, ag tỹ Topẽ kuprĩg tỹ jagrẽ tũ nỹtĩn kỹ.

Nén Venh Ke 21:6

Kỹ tóg: “hỹ, vẽnh ven kãn ti huri,” he mũ gé. “Ũn ve vỹ tỹ inh nĩ, kỹ sóg tỹ ẽgno nĩ gé. Isỹ nén ũ kar han to hã sóg nĩ nĩ. Kỹ sóg nén ũ kar tũg mũ ra nĩnh mũ gé. Ũ tóg goj kron sór mũ. Ẽn mỹ sóg ven tĩ, fagrĩnh mỹ. Isỹ ti mỹ goj ven mũ ẽn vỹ ti ter ke tũ han ke mũ.

Nén Venh Ke 22:1

Kỹ Topẽ tỹ jẽnẽ jafã tóg inh mỹ goj mág ven mũ. Goj ẽn vỹ ẽg rĩnrĩr han tĩ. Kómkóm ke ti tĩ, pó kupri fĩn ẽváj tỹ kómkóm ke ẽn ri ke. Goj ẽn nĩhỹg vỹ Topẽ nĩgja tá nĩ, cordeiro nĩgja ẽn tá.

Nén Venh Ke 22:17

Kỹ Topẽ kuprĩg vỹ Jesus mỹ: “kur kãtĩg,” he mũ. Ũ tỹ ti ki ge kỹ nỹtĩ kar ag vỹ ti mỹ: “kur kãtĩg,” he tĩ gé, ag tỹ tỹ ti prũnh ke fi ri ke nỹtĩn kỹ. Kỹ Jesus tóg: “ũ tỹ goj kron sór mũ ẽn jé iso kãtĩg,” he mũ, “sỹ ti mỹ goj jun jé, fagrĩnh mỹ. Goj ẽn vỹ ti rĩr han ke mũ, ha vem nĩ,” he tóg.

Nén Venh Ke 7:17

cordeiro tỹ ag ki rĩr kỹ, ũ tỹ nĩgja sĩnvĩ tá jẽ ẽn ti. Ag tatĩ tĩg jé tóg ke mũ, goj nĩhỹg ja ra. Goj tỹ ag rĩnrĩr han mũ ẽn ra tóg ag tatĩ tĩg ke mũ. Topẽ vỹ ag kygfỹ tỹ tũ' henh ke mũ,” he tóg inh mỹ, kófa ti, ũn e ẽn ag to.