João 3:5 - O Novo Testamento na língua Kaingáng

^5-6 Hã ra tóg: “vó,” he mũ. “Ẽprã ke ag krẽ vỹ tỹ ẽprã ke nỹtĩ, ag mỹnh fag ri ke. Jãvo Topẽ kuprĩg tỹ ũ han kỹ tóg Topẽ kuprĩg tỹ jagrẽ nĩ. Mur mãn to ken hã vẽ, hã vỹ: inh ki rã, he mũ. Goj tỹ ke vẽ, Topẽ kuprĩg tỹ ke vẽ gé. Ũ tỹ gen kỹ mur mãn ja tũ nĩn kỹ tóg Topẽ tỹ tỹ ẽg pã'i nĩ venh ke tũ pẽ nĩ.

João 3:5 Iomraidhean Croise

Mateus 18:3

Kỹ tóg: “gĩr tag ri ke han nĩ, ãjag tỹ Topẽ tỹ tỹ ẽg pã'i nĩ ve sór kỹ. Ke tũ nĩ mũ ra ãjag tóg venh ke tũ nĩ. Hã kỹ ãjag jykre tovãnh nĩ, gĩr jykre han jé,” he mũ.

Mateus 19:24

“Kãvãru pãnĩ sór vỹ préj nor fĩn kutẽ tũ nĩgtĩ mỹr. Ti tỹ fĩn kutẽ há nĩ ra tóg há tĩ vẽ, ũn riko tỹ Topẽ tỹ tỹ ẽg pã'i nĩ venh ke ti,” he tóg.

Mateus 21:31

Kỹ ũ tỹ hẽ nỹ ti panh vĩ ki króm hỹn?“ he tóg. Kỹ ag tóg ti mỹ: “ũn sanh ti,” he mũ. Kỹ Jesus tóg “hỹ, hã vẽ,” he mũ. “Hã kỹ sóg ãjag mỹ ke mũ. Ũ tỹ governo mỹ jãnkamy mãg tĩ ũ ag vỹ Topẽ vĩ mranh, hã ra ag tóg to jykrén mãn kỹ ag jykre kórég tovãnh. Kỹ ũn mén tũ ũ fag vỹ fag jykre kórég tovãnh gé. Hã kỹ ag tóg Topẽ tỹ tỹ ẽg pã'i nĩ venh ke mũ, fag ke gé. Ti kósin sanh ri ke ag hã vẽ. Ag jãvo ãjag tóg kanhkã venh ke tũ nĩ, ãjag tỹ ón kỹ Topẽ mỹ: he, he mũ ra.

Mateus 28:19

“Hã kỹ mũjẽg, povo kar kanhrãn jé. Ag tỹ inh ki ge kỹ nỹtĩn kỹ ag kygpem nĩ gé. Inh panh jiji tó kỹ, ti kósin jiji tóm nĩ gé, kỹ Topẽ kuprĩg jiji tóm nĩ gé, ãjag tỹ ag kygpe kỹ, fag ke gé.

Mateus 3:11

Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.

Mateus 5:20

“Fariseu ag ri ke nỹtĩ sór tũg nĩ. Ón kỹ ag tóg Topẽ vĩ ki króm sór tĩ, hã ra ag tóg, ki króm há han tũ nĩgtĩ. Ag jykre pijé kuryj nỹ'. Ãjag tỹ kanhkã ve sór nỹtĩn kỹ vẽjykre kuryj han nĩ,” he tóg, Jesus ti.

Marcos 10:14

Kỹ tóg vég mũ, kỹ tóg ti mré mũ tĩ ag to jũ mũ. “Vĩ tũg nĩ, gĩr ag mỹ. Gĩr fag tỹ iso kãmũ kamẽg tũg nĩ. Ũ tỹ ge hã vỹ Topẽ krẽm nỹtĩ nĩ, ti tũ vỹ tỹ fag nỹtĩ',” he tóg.

Marcos 16:16

“Ũ tỹ ãjag vĩ kri fig mũ ẽn ag vỹ krenkren ke mũ, fag ke gé, ũ tỹ inh ki ge kỹ kygpe kỹ nỹtĩ ẽn ag,” he tóg. “Hã ra ũ tỹ kri fig tũ ẽn vỹ kren ke tũ nĩ, ũ tỹ inh ki rã tũ ẽn,” he tóg.

Marcos 9:47

à tỹ nén ũ ki vẽ'ĩ to Topẽ vĩ mranh kỹ ã kanẽ tỹ nám kem nĩ, ã tỹ ke mãn tũ nĩ jé. Jagy ti nĩ, ã kyvó nĩ ti. Jãvo tóg há nĩ, ã tỹ Topẽ tỹ tỹ ẽg pã'i nĩ ven kỹ. à tỹ ã kanẽ régre ra nũgme ki kutẽn kỹ tóg jagy kãfór tĩnh mũ.

Lucas 13:24

“inh ki rã vỹ, jãnkã sĩ ra rã ri ke nĩ,” he mũ. “Vãsãn nĩ, ã tỹ ra rã jé. Kejẽn ũ tóg, ra rã mãn ke tũ nĩ ha. Ẽn kã ũ tỹ hẽn ri ke ag vỹ, ra ge sór ke mũ, hã ra ag tóg, tỹ hẽ ri kenh ke tũ nĩ sir.

Lucas 13:3

Hã tũ vẽ hã ra. Ãjag ri ke ag tóg nỹtĩ, mỹr, ha mẽ. Ãjag tỹ ãjag jykre tovãnh tũ nĩn kỹ ãjag tóg nũgme ki vár ke mũ, ha vem nĩ,” he tóg.

Lucas 13:5

Kỹ sóg ãjag mỹ ke mũ. Ãjag tỹ ãjag jykre pãno tovãnh tũ nĩn kỹ ãjag tóg, nũgme ki vár ke mũ,” he tóg.

João 1:13

Ẽg tỹ ti ki ge kỹ nỹtĩ tugrĩn ẽg tóg tỹ ti krẽ nỹtĩ. Ẽg mur tugrĩn ẽg tóg ver tỹ ti krẽ tũ nỹtĩ. Ẽg panh tỹ ẽg mỹnh fi mré nỹ tugrĩn ẽg tóg mur mũ gé. Topẽ tỹ ẽg han mãn tugrĩn ẽg tóg tỹ ti krẽ nỹtĩ jãvo.

João 3:3

Kỹ Jesus tóg: “ũn mur mãn kỹ nỹtĩ ag hã vỹ Topẽ tỹ tỹ ẽg pã'i nĩ venh ke mũ. Ki hã sóg tó mũ mỹr,” he mũ.

João 3:4

Kỹ tóg ti mỹ: “kỹ ũn sanh hỹn hẽ ri kenh mũ, ti mur mãn jé?“ he mũ. “Ti mỹ vẽsỹ sĩ' he mãn kỹ ti mỹnh fi nug ki rã mãn ke mũ'?“ he tóg.

Han Kãme 2:38

Kỹ Pedro tóg ag mỹ: “ãjag jykre pãno tovãnh ra. Kỹ ẽg tóg ãjag kygpenh ke mũ, Jesus Cristo jiji tó kỹ,” he mũ. “Kỹ Topẽ tóg ãjag mỹ ãjag tỹ ti vĩ mranh ja tỹ vẽnh pãte fón ke mũ. Kỹ ãjag tóg Topẽ kuprĩg tỹ jagrẽ nỹtĩnh mũ gé.

Han Kãme 3:19

Kỹ ãjag jykre pãno tovãnh nĩ. Topẽ jykre ki gem nĩ, Topẽ tỹ ãjag tỹ ti vĩ mranh tỹ tũ' he jé.

Roma 14:17

Topẽ tỹ tỹ ẽg Senhor nĩn kỹ ẽg jẽn tóg tỹ nén ũ tũ nĩ ha mỹr. Kỹ tóg ẽg tỹ nén ũ nĩ ko tũ ra ẽg mỹ tỹ nén ũ tũ nĩ. Nén ũ ũ to ẽg jykrén ke mũ ha, hã vỹ: vẽjykre kuryj, he mũ, vẽjykre kusa, vẽjykre sér, Topẽ kuprĩg tỹ mỹr, ẽg jagrẽ tãg tỹ, he tóg.

Roma 8:2

Vẽjykre tãg vỹ ẽg kã kã nĩ ha, Topẽ kuprĩg tugrĩn, ẽg tỹ Jesus Cristo ki ge kỹ nỹtĩn kỹ. Ti tỹ tỹ ẽg jagrẽ nĩn kỹ ẽg rĩnrĩr nỹtĩ. Kỹ ẽg kygvar kỹ nỹtĩ sir. Nũgme ki vár ke tũ ẽg nĩ ha.

1 Corinto 15:50

Inh kanhkã', sỹ ãjag mỹ tag tó há han sór vẽ, sỹ ki kanhrãn há han kỹ, ha mẽ. Ẽg fár tỹ ẽprã ke tag pijé Topẽ tỹ tỹ ẽg pã'i nĩ venh ke mũ'. Nén ter ke mũ ẽn pijé nén ũ ter vãnh tá venh ke mũ'. Topẽ vỹ ẽg han mãn ke mũ, ẽg tỹ ve jé.

1 Corinto 2:12

Hã ra Topẽ pijé ẽprã ke kuprĩg tỹ ẽg mỹ ẽg jagrẽ han'. Topẽ kuprĩg tỹ tóg ẽg mỹ ẽg jagrẽ han, ẽg tỹ ti tỹ ẽg mỹ nén nĩm mũ ki kanhró nỹtĩ jé. Ti hã vỹ ẽg kren han sór mũ, ẽg tỹ vẽnh kren han ki kagtĩg ra.

1 Corinto 6:11

Ãjag kã mĩ ũ tóg vẽjykre tỹ ge han ja nĩgtĩ, vãsỹ. Hã ra ãjag tóg vẽnh kugpe kỹ nỹtĩ, ũri. Kykũnh kỹ ãjag tóg nỹtĩ. Kỹ Topẽ tóg ãjag mỹ vẽnh pãte fón ja nĩ sir, ẽg Senhor tỹ Jesus Cristo tugrĩn, Topẽ kuprĩg tugrĩn.

Galácia 6:15

Ũ ag tóg ag fár kym tĩ, jãvo ũ ag tóg kym tũ nĩgtĩ gé. Hã ra tóg tỹ nén ũ tũ nĩ gé. Topẽ mỹ ẽg há nỹtĩ, ẽg tỹ ti ki ge kỹ nỹtĩn kỹ, ẽg kar. Topẽ vỹ ẽg han mãn, kỹ ẽg tóg tỹ ũn tãg nỹtĩ ha. Tag hã ne há nĩ'.

Éfeso 5:26

ẽg kar tỹ tỹ ti tũ nỹtĩ jé, fag ke gé. Goj tỹ ẽg kygpe kỹ nỹtĩ. Ti vĩ tỹ tóg ẽg jyvẽn tĩ, ẽg há nỹtĩ jé.

1 Pedro 1:2

Topẽ vỹ ãjag kuprẽg. Vãsỹ tóg to jykrén ja nĩ, ẽg jóg tỹ Topẽ ti. Ãjag mỹ tóg ti kuprĩg jẽnẽ, ãjag tỹ Jesus Cristo vĩ kri fi jé, ti tỹ ti kyvénh tỹ ãjag kygpe jé, ãjag tỹ ti ri ke há nỹtĩ jé. Topẽ jé ãjag tar han mãn', han mãn' hé, kỹ ãjag jé krĩ kãnhvy nỹtĩ.

1 Pedro 3:21

Goj tỹ ãjag tóg kygpe kỹ nỹtĩ, ãjag krenkren jé. Barco tỹ goj kri tĩg ri ken hã vẽ, hã vỹ: batismo, he mũ. Ãjag mro pijé'. Topẽ tỹ ẽg fe kavéj tỹ jãnhkri' he to ken hã vẽ. Ẽg tỹ Topẽ mỹ vẽnh fẽg to ken hã vẽ. Topẽ vỹ Jesus Cristo rĩn mãn ja nĩ, hã kỹ tóg ẽg krenkren han ke mũ gé.

1 João 2:29

Ti hã ne vẽjykre kuryj hã mĩ tĩg ja nĩgtĩ'. Kỹ ũ tỹ vẽjykre kuryj han mũ vỹ tỹ ti kósin nĩ.

1 João 5:1

Ẽg tỹ Jesus to: “Cristo vỹ tỹ ti nĩ, Topẽ kósin vỹ tỹ ti nĩ,” hen kỹ ẽg tóg tỹ ti jãvy nỹtĩ. Ẽg jóg mág to há nỹtĩn kỹ ẽg tóg ti krẽ ũ ag to há nỹtĩnh ke mũ gé, ũ tỹ ẽg mré ti ki ge kỹ nỹtĩ ag to.