João 3:2 - O Novo Testamento na língua Kaingáng

² Ẽn vỹ Jesus ve sór mũ, kỹ tóg kuty ra ti venh tĩ mũ, ti mré vẽmén jé. Kỹ tóg ti mỹ: “Topẽ vỹ ã jẽnẽ. Hã kỹ ã tóg ẽg tỹ nén han vãnh ẽn hynhan tĩ. Topẽ tỹ ã mré han tũ nĩ ra ã tóg han ki kagtĩg nĩnh mũ vẽ,” he mũ.

João 3:2 Iomraidhean Croise

Mateus 22:16

Kỹ ag tóg Jesus to ũ ag jẽgnẽg mũ, pã'i mág tỹ Herodes mré ke ũ ag mré hã, ag tỹ ón kỹ ti ki jẽmẽ jé. “Senhor,” he ag tóg mũ. “Ã jykre kuryj nĩn kỹ ã tóg, Topẽ to ẽpry ki ẽg kanhrãn há han tĩ. Ũ tỹ vẽjykre há hã han ve ra ã tóg, ti jykre ki kanhró kar nĩ.

Mateus 23:7

Ẽmã kuju ki vẽnh kar tóg ag mỹ: “ã mỹ há?” he tĩ, kỹ tóg ag mỹ sér tĩ. Kỹ ag tóg ag to: “Senhor,” he tĩ gé, kỹ tóg ag mỹ sér tĩ.

Mateus 23:8

Ag jãvo jagnẽ mỹ: “Senhor,” he sór tũg nĩ, kỹ ag tỹ ãjag mỹ: “Senhor,” he mũ ra ag mỹ: “inh pijé tỹ ũn mág nĩ',” hem nĩ. Ũn pir vỹ tỹ ãjag kri ke nĩ, hã vỹ: Topẽ, he mũ, jó ãjag tóg tỹ jagnẽ mré ke nỹtĩ.

Marcos 12:14

Ag tỹ ti tá junjun kỹ ag tóg ón kỹ ti mỹ: “Senhor, ã jykre kuryj nĩ ki kanhró ẽg nỹtĩ,” he mũ. “Vẽjykre pir hã han ã tóg tĩ, vẽnh kar mỹ. Hã kỹ ã tóg Topẽ japry to ẽg kanhrãn há han tĩ. Mỹ há nỹ', ẽg tỹ governo mỹ jãnkamy nĩm ke ti', imposto kajãm ke ti'?

João 1:38

Kỹ tóg ag mỹ: “ne nẽ?“ he mũ. Kỹ ag tóg: “Rabi', ã hẽ tá ẽmã nĩ?“ he mũ. Rabi to ken hã vẽ, hã vỹ: ẽg kanhrãn tĩ, he mũ.

João 10:38

Hã ra sóg ti vĩ ki króm tĩ. Kỹ inh vĩ tỹ ãjag mỹ kórég nĩn kỹ isỹ milagre hynhan mũ ẽn vem nĩ. Hã ki tóg ve há tĩ, isỹ inh panh ri ke nĩ ti, kỹ tóg inh ri ke nĩ gé,” he tóg.

João 12:37

Jesus vỹ ag rĩnve nén tỹ hẽn ri ke hynhan ja nĩgtĩ, milagre tỹ hẽn ri ke, hã ra ag tóg ti ki ge sór ja tũ nĩgtĩ.

João 14:10

Inh panh mré sóg tỹ ũn pir nĩ, kỹ tóg inh mré tỹ ũn pir nĩ gé. Ã mỹ tag kri fig tũ'? Inh pijé isỹ vẽsóg ki nén to jykrén mũ tó tĩ'. Inh panh tỹ nén tó mũ hã tó sóg tĩ, ti tũ hã han sóg tĩ. Kỹ tóg inh mré nén kar han tĩ.

João 15:24

Nén ũ han vãnh hynhan sóg tĩ, ag rĩnve, kỹ ũ vỹ tag han ja tũ pẽ nĩ, ijo. Isỹ tag han tũ nĩ ra ag tóg: “vég tũ ẽg nĩ,” henh ke mũ vẽ. Hã ra ag tóg vé. Ag tỹ vég mũ ra ag tóg ge ra iso jũ nỹtĩ, kỹ ag tóg inh panh to jũ nỹtĩ gé.

João 2:11

Jesus tỹ ẽmã tỹ Caná tá nén han mũn hã vẽ, Galiléia tá. Ẽg tỹ nén han ki kagtĩg hynhan tóg tĩ, kỹ tóg tag han vén. Hã kỹ ti mré mũ tĩ ag tóg ti ki ge pẽ han mũ sir, ag tỹ ti jykre tar ẽn ven kỹ.

João 20:16

Kỹ tóg fi mỹ: “Maria',” he mũ, fi jiji tó kỹ. Kỹ fi tóg vãhã ti ki kanhrãn mũ sir, ti tỹ fi mỹ fi jiji tó kỹ. Kỹ fi tóg ti mỹ: “Raboni', ã hã mỹ'?“ he mũ. Hebreu vĩ ki fi tóg tó mũ. Ẽg vĩ ki ẽg tóg tag to: “Senhor,” he tĩ.

João 3:26

Kỹ ti mré mũ ag tóg João mỹ: “ũ tỹ Jordão mãtá ã mré nĩ ja ẽn vỹ ag kygpég jẽ nĩ, ã tỹ ẽg mỹ ũn kãmén ja ẽn ti. Hã ra vẽnh kar vỹ ti mré mũ mũ ha, hã kỹ ag tóg ã venh kãmũ mãn tũ nĩ ha,” he mũ. Ag tỹ Jesus to vẽ.

João 4:31

Fi tĩg kar kỹ ti mré mũ tĩ ag tóg ti mỹ: “vẽjẽn ti ko ra,” he mũ.

João 5:36

Ãjag mỹ tóg inh kãmén ja nĩ. Hã ra nén ũ vỹ inh kãmén tĩ gé, kỹ tóg João vĩ kãfór nĩ. Inh panh vỹ inh mỹ: “ẽprã ke ag tỹ nén han vãnh hynhan nĩ, milagre ti,” he ja nĩ, hã kỹ sóg hynhan tĩ. Ãjag tỹ milagre tag ven kỹ ãjag tóg inh ki kanhrãn ke mũ vẽ.

João 6:2

Kỹ ũ tỹ hẽn ri ke ag vỹ ti venh kãmũ mũ, ti nón, ũn e tãvĩ ag. Ti tỹ nén han vãnh hynhan mũ ẽn ve ja ag tóg nĩ, ti tỹ ũn kagyga ag tỹ há' he mũ ti.

João 7:31

Ag jãvo ũn e ag tóg ti ki ge mũ sir. Ti to ag tóg: “Cristo kãtĩg kỹ ti nẽji milagre hynhan ke mũ. Ti tỹ milagre hynhan vỹ e nỹtĩ. Ẽg mỹ tóg tỹ Cristo nĩ,” he mũ.

João 9:16

Hã ra pã'i ag kã mĩ ũ ag tóg Jesus to: “Topẽ pijé ti jẽnẽ',” he mũ. “Vẽnhkán ke kurã ki tóg vẽnhkán vãnh nĩgtĩ, kỹ tóg kórég nĩ,” he ag tóg mũ. Hã ra ũ ag tóg ti to: “hã ra tóg nén ũ há tãvĩ han,” he mũ gé. “Ti kórég nĩ ran hỹn tag han ki kagtĩg nĩnh mũ vẽ,” he ag tóg, pã'i ũ ag. Hã kỹ ag vẽnh kãpãm kỹ nỹtĩ.

Han Kãme 10:38

Kỹ Topẽ tóg Jesus mỹ ti kuprĩg jẽnẽ ja nĩ. Kỹ tóg ti mỹ vẽjykre nĩm ja nĩ. Ga kar mĩ tóg tĩg ja nĩgtĩ. Nén há kar han ja tóg nĩgtĩ. Japo tỹ ũn vóg kónãn mũ ag tỹ tóg há' he ja nĩgtĩ gé. Topẽ hã ne ti mré han ja nĩgtĩ hã ra'.

Han Kãme 2:22

“Inh kanhkã', Nazaré tá Jesus ẽn vẽ mỹr. Ti hã tóg nén han vãnh hynhan ja nĩgtĩ. Topẽ jykre hynhan ja tóg nĩgtĩ, Topẽ tỹ ti jẽnẽn kỹ. Hã ra Topẽ tóg ti mỹ tó ja nĩ, ti tỹ milagre ẽn hynhan jé, ãjag tỹ ve kỹ ti to jykrén há han jé,“ he tóg.

Filipos 1:14

Kỹ Jesus mré ke tỹ hẽn ri ke ag vỹ tar nỹtĩ gé sir, ẽg Senhor jykre to, inh se kỹ jẽ tag tugrĩn. Hã kỹ ag tóg Topẽ vĩ tó tĩ sir, ag tỹ to tar nỹtĩn kỹ, ag mũmẽg vãnh nỹtĩn kỹ.