João 21:3 - O Novo Testamento na língua Kaingáng

³ Kỹ Pedro vỹ ag mỹ: “isỹ pirã kugmĩnh tĩg ke vẽ,” he mũ. Kỹ ag tóg ti mỹ: “ã mré ẽg mũnh mũ,” he mũ gé. Kỹ ag tóg barco ki ge kỹ mũ mũ, goj kri. Hã ra ag tóg nén ũ kãgmĩg tũ pẽ nĩ, kuty ẽn kã.

João 21:3 Iomraidhean Croise

Lucas 5:5

Kỹ tóg ti mỹ: “kuty tag kã ẽg tóg rede tỹ ki fón’, ki fón’ he ja nĩgtĩ vẽ. Hã ra ẽg tóg nén ũ kãgmĩ ja tũ nĩ. Hã ra sóg ã vĩ tugrĩn ki fón mãn ke mũ ha,” he mũ.

João 21:4

Tỹ vaj kỹ kusãg pẽ ki, rã tỹ jun ke mũ ra Jesus vỹ goj fyr tá jẽ nĩ, hã ra ag tóg ti ki kagtĩg nỹtĩ ver.

Han Kãme 18:3

Kỹ Paulo tóg fag mré nĩ nĩ sir. Fag mré tóg rãnhrãj mũ sir. Kũr tỹ fag tóg ĩn han mũgtĩ, Paulo kóm.

Han Kãme 20:34

Isỹ nén ũ génh jé sóg rãnhrãj tĩ, inh nĩgé tỹ. Kỹ inh rãnhrãj ki inh mré ke ag vỹ ag tũ ti vigvég tĩ gé, inh kóm.

1 Corinto 3:7

Hã kỹ ũ tỹ krãn mũ pijé tỹ ũn mág nĩ'. Ũ tỹ ki gónh mũ pijé tỹ ũn mág nĩ gé'. Pir ti nĩ, ũn mág ti, hã vỹ: Topẽ, he mũ, ũ tỹ ẽg mog han mũ ẽn ti.

1 Corinto 9:6

Inh nĩgé rãnhrãj ja kaja hã ko sór inh tĩ, Barnabé ti ke gé, ag jãvo.

1 Tessalônica 2:9

Inh kanhkã', inh rãnhrãj to jykrén nĩ. Inh rãnhrãj vỹ inh kutãn tĩ. Kuty ki sóg inh rãnhrãj han tĩ, kurã ki ke gé, isỹ inh jẽn kajãm jé. Hã kỹ sóg ãjag jẽn ko ja tũ nĩgtĩ. Topẽ vĩ hã tó ja sóg nĩ, ãjag kanhrãn kỹ.